2 DATU 21:7 - Sura' Madatu

⁷ Napabendan duka tu misa’ rapang-rapang dipodeatanna Asyera, tu mangka nagaragai, lan banua, tu mangka Napokada PUANG a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ sukunna to Israel, la Kunii umpaunnisung sangangKu tontong sae lakona.

2 DATU 21:7 ပူးပေါင်းရင်းမြစ်များ

2 SAMUEL 7:13

Iamo la umpabendanan misa’ banua sangangKu na Akumo la umpabantangi tu isungan kadatuanna tontong sae lakona.

1 DATU 8:29

kumua Mitiroi allo bongi te banua iate, iamotu inan tu mangka Mipokada kumua: Iatu sangangKu la inde to dio – amMi perangii tu passambayang, tu la napennoloan taumMi lan inan iate.

1 DATU 8:44

Iake sunni tu taumMi la sirari ualinna lako lalan Mipapatuanni sia massambayang lako PUANG mentingo lako kota iate, tu mangka Mipilei langsa’, sia lako banua iate, tu mangka kubangunan sangamMi,

1 DATU 9:3

Ma’kadami tu PUANG lako Nakua: Kurangimo tu passambayangmu sia pengkamoyamu tu mangka mupennoloan dio oloKu, sia Kupamarimbanganmo te banua mangka mubangun, belanna Kupalanmo tu sangangKu tontong sae lakona; sia iatu matangKu sia penaangKu la dio bang kiallo-kiallo.

1 DATU 9:7

manassa la Kuurakki tu to Israel dio mai tu padang Kukamaseanni, sia iate banua mangka Kupamarimbanganan sangangKu, la Kutumpu dio mai oloKu, naurunganni iatu to Israel la dipoparumbasan sia la dadi misa’ kaditellean dio lu mintu’ bangsa.

2 DATU 16:11

Napabendanmi to minaa Uria tu inan pemalaran iato. Susitu napepasanan datu Ahas dio mai Damsyik, susi dukamoto nagaragai to minaa Uria sae lako sulena tu datu Ahas dio mai Damsyik.

2 DATU 21:4

Sia napabendan duka tu ba’tu pira-pira inan pemalaran dio banuanNa PUANG tu diona a’ganna Napokadamo PUANG Nakua: Lan Yerusalem la Kunii umpaunnisungi tu sangangKu.

2 DATU 23:27

Ma’kadami tu PUANG nakua: La Kusabu’i duka tu to Yehuda dio mai oloKu, susi to Israel mangka Kusabu’i; sia la Kuboko’i te kota iate, tu mangka Kupilei langsa’, iamotu Yerusalem, sia iatu banua, tu mangka Kunii ma’kada kumua: La nanii sangangKu dio.

2 DATU 23:4

Mesuami tu datu lako tominaa kapua Hilkia sia mintu’ tominaa undampi’i sia mintu’ pa’kampa babangan, la umpatassu’i lan mai banua kabusunganNa PUANG tu mintu’ parea, tu digaragan Baal sia Asyera sia mintu’ ma’dandan maritik dao langi’; anna ballai tu mintu’nato dio saliananna kota Yerusalem dio rante salu Kidron, na iatu aunna nabaa lako Betel.

2 DATU 23:6

Sia napatassu’ duka datu tu lentong kayu dipodeata lan mai banuanNa PUANG lako salianna Yerusalem, lako salu’-salu’ Kidron, sia natunu dio biring salu’-salu’ Kidron sia nanisak-nisak nadadi au, namane ussamboranni dio to’ lamunanna to kamban.

2 OSSORANNA DATU 33:15

Naalaimi tu mintu’ rapang-rapang napodeata bangsa senga’ sia rapang-rapang batu dipodeata lan mai banuanNa PUANG, susi duka tu mintu’ inan pemalaran, tu napabendan dao buntu, nanii banuanNa PUANG sia dio Yerusalem, anna tibei lako salian kota.

2 OSSORANNA DATU 33:7

Napabendan duka tu misa’ rapang-rapang batu dipodeata, tu mangka nagaragai, lan banuanNa Puang Matua, tu mangka Napokada Puang Matua a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ suku to Israel, la Kunii umpaunnisung sangangKu tontong sae lakona.

2 OSSORANNA DATU 6:6

sangadinna totemo Kupilei langsa’mo tu Yerusalem, la nanii sangangKu dio sia Kutonno’ bua kayumo tu Daud, kumua anna ia undatui taungKu, to Israel.

2 OSSORANNA DATU 7:12

ta’kala ombo’mi tu PUANG lako Salomo tonna ibongi, Nama’kada lako Nakua: Iatu passambayangmu Kuperangiimo na inan iate Kupileiammo Kaleku la dipobanua dinii memala’.

2 OSSORANNA DATU 7:16

Belanna totemo Kupilei langsa’mo te banua iate sia kupamarimbangan, kumua anna iatu sangangKu torro dio sae lakona; iatu matangKu sia penaangKu la dio duka kiallo-kiallo.

2 OSSORANNA DATU 7:20

manassa la Kulampi’i tu tau iato mai lan mai padangKu tu Kukamaseanni; na iate banua Kupamarimbangan sangangKu la Kutibe dio mai oloKu, angKu padadii misa’ parumbasan sia kaditellean dio lu mintu’ bangsa.

NEHEMIA 1:9

Apa iake mengkatoba’komi lako Kaleku sia iake mikaritutui tonganni tu pepasanKu – moi ammi den diula’i sae lako randan langi’, manassa la Kurampun tu tau iato mai inde to dio mai angKu solanni lako inan tu mangka Kupilei la Kunii umpaunnisung sangangKu.

PA’PUDIAN 74:2

Kilalai tu kombongamMi, tu mangka Mipolean tempon dio mai, sia mangka Mipopentorro to makaka la Mipogarempong mana’, sia iatu buntu Sion, inan Minii torro.

PA’PUDIAN 78:58

Tau iato mai umpare’dek ara’Na Puang diona kamenombanna dao lu inan madao, sia umpabu’tu pangimburuanNa diona mintu’ rapang-rapangna napodeata.

YEREMIA 32:34

Sangadinna napalan banua, dinii ussa’bu’ sangangKu tu kamagallianna la urruttakki.

YEREMIA 7:30

Belanna iatu bati’na Yehuda umpogau’ kadake dio pentiroKu, kadanNa PUANG; iatu apa megallian napalanmo banua, tu mangka dinii unggente’ sangangKu, anna ruttakki.

YEHEZKIEL 23:38

Ondongpi napogau’ lako Kaleku te sala iate; naruttakki tu inan maindanKu to attu iato sia napamatuna tu allo katorroangKu.

PA’TOLE 16:21

Da muosokki tu lentong kayu dipodeata, sia ba’tu pira-pira kayu dio sa’de inan pemalaranNa PUANG, Kapenombammu, tu la mugaragan kalemu.