2 DATU 21:6 - Sura' Madatu

⁶ Ondong pissanpi api napamaindananni tu anakna muane, sia umpalalo balik mata sia kapakita-kitan sia napaden tu to untambai bombo to mate sia deata masussuk. Sia buda napogau’ tu apa kadake dio pentiroNa PUANG, tu umpa’dikki penaanNa.

2 DATU 21:6 ပူးပေါင်းရင်းမြစ်များ

KADADIAN 13:13

Iatu mintu’ pa’tondokan lan Sodom kadakemo gau’na’ sia ma’liu alukmo dio oloNa PUANG.

2 DATU 16:3

Sangadinna unturu’ bate lalanna mintu’ datu to Israel. Sia api napamaindananni tu anakna susi penggauran megallianna mintu’ bangsa tu Naula’i PUANG dio mai tingayona to Israel.

2 DATU 17:17

Sia api napamaindananni tu anakna muane sia iatu anakna baine sia pakita-kita sia ma’biangi sia nabalukan tu kalena umpogau’ apa kadake dio pentiroNa PUANG, tu umpa’dikki penaanNa.

2 DATU 23:24

Sia naputtai duka tu mintu’ to untambai bombo to mate sia to pakita-kita, sia mintu’ balo’ tau, sia rapang-rapang dipodeata sia mintu’ apa megallian, tu kanaan lan tondok Yehuda sia lan Yerusalem, anna dipamanda’ tu mintu’ apa disura’ lan sura’ iato, tu naapa’ to minaa Hilkia lan banuanNa PUANG.

1 OSSORANNA DATU 10:13

Susimoto tu kamateanna Saul, belanna tang maruru’ lako PUANG sia belanna tae’ napalan penaai tu kadanNa PUANG, ondongpi male mekutana sia umpalaku pa’timbangan lako bombo to mate,

2 OSSORANNA DATU 28:3

Ondongpi memala’ diong lombok Ben-Hinom sia natunu tu mai anakna muane susi penggauran megallianna mintu’ bangsa tu Naula’i PUANG dio mai tingayona to Israel.

2 OSSORANNA DATU 33:6

Ondong pissanpi api napamaindananni tu mai anakna muane diong lombok Ben-Hinom, sia umpalalo ma’biangi sia kapakita-kitan sia balik mata, sia napaden tu to sola bombo sia to sola deata. Sia buda napogau’ tu apa kadake dio pentiroNa PUANG, tu umpa’dikki penaanNa.

YESAYA 19:3

Attu iato iatu tangnga’na to Mesir la putta, sia la Kudampa tu tanan penaanna; anna male mekutana lako dipa’deatainna sia mintu’ to ma’basa-basa sia bombo to mate sia to sola deata.

YESAYA 66:4

susi dukamoto naalai penaangKu, ke sanggangi tu tau iato sia iatu nakataku’na la Kuparampo lako kalena, belanna tae’ bangmi misa’ mebali, tongKu metamba, sia tae’ bangi umperangii tongKu ma’kada, sangadinna napogau’ tu apa kadake dio pentiroKu sia naporai tu apa tang naala penaangKu.

YESAYA 8:19

Iake nakuangkomi tau kumua: Ma’petiro-tirokomi lako bombo to mate sia to sola-sola bombo tu kumissak-missak sia ma’nemu-nemu – tang Kapenombannaraka misa’ bangsa tu sipatu la nanii mekutana? Pato’raka dipekutanan lako to mate tu to tuo?

YEREMIA 19:4

Belanna natampeNa’ tu tau iato mai sia napakasarembangan te inan iate, tu nanii untunu pemala’ lako deata tang natandai, la tau iato mai la nene’ to dolona la mintu’ datu to Yehuda; sia napaponnoimo rara to tang kasalan te inan iate.

YEREMIA 19:5

Sia nagaragan inan pemalaran tu Baal dao inan madao, tu nanii untunu anakna la napopemala’ ditunu pu’pu’ lako Baal; iamotu apa inang tae’ len Kupepasananni sia inang tae’ len Kupa’peissananni sia inang tae’ len bu’tu lan penaangKu.

YEHEZKIEL 23:39

Iatonna mangkamo urreresanni rapang-rapang dipodeatanna tu anakna muane, ia bangsiamoto allo iato nasae tama inan maindanKu, naurunganni umpamatunai; susimoto tu napogau’ lan banuangKu.

SURA’ KATOMINAAN 18:21

Da musorongi moi misa’ tu anakmu la dipennoloan lako Molokh, anna da mupamatunai tu sanganNa Kapenombammu: Akumo tu PUANG.

SURA’ KATOMINAAN 19:26

Da mikandei tu apa kerarapa; da midaka’ to pakita-kita sia to umpogau’ balik mata.

SURA’ KATOMINAAN 19:31

Da mima’palulako bombo to mate, ba’tu lako to sola-sola bombo; da midaka’i tu tau iato mai la urruttakki kalemi: Akumo tu PUANG, Kapenombammi.

MIKHA 6:7

Umbani’ apa nala ungkalo’i penaanNa PUANG tu domba laki ma’sa’bu-sa’bu, ba’tu ma’lampa-lampa tu salu minna’? Ma’dinraka la kupemalaran tu anak pa’bunga’ku belanna kapatodo-tintinganku, ba’tu anak sun di kaleku belanna kasalanna deatangku?

PENGGAURANNA RASULU’ 16:16

Denmi pissan tongki lao lako to’ inan nanii tau massambayang, sitammumokan misa’ kaunan baine, to ma’deata pakita-kita, kesaro la’da’ tonganmo tu puangna diona pakita-kitanna.

PA’TOLE 32:16

Tau iato mai umpatiakka’ kanokanNa Puang ditimba oloNa tete dio kapenomban senga’ sia umpamapa’di’ penaanNa Puang diona apa megallian;

PA’TOLE 32:21

Tau iato mai umpatiakka’ kanokangKu ditimba oloKu tete dio apa tangia kapenomban, sia umpamapa’di’ penaangKu diona apa tang kebattuan. Iamoto la Kupatiakka’ tu pangimburuanna tau iato mai diona to tangia bangsa, sia la umpamapa’di’ penaanna diona misa’ bangsa baga.