2 DATU 21:5 - Sura' Madatu

⁵ Sia napabendanan tu ba’tu pira-pira inan pemalaran tu mintu’ ma’dandan maritik dao langi’ lan da’dua tarampak banuanNa PUANG.

2 DATU 21:5 ပူးပေါင်းရင်းမြစ်များ

1 DATU 6:36

Nagaragami tu tarampak lanna lu tallu silopak dio mai batu dipa’, tu dilopak lentong kayu arasi’ dibingkung.

1 DATU 7:12

Iatu tarampak kalua’ tiku lao den misa’ rinding tembo’ tallu silopak dio mai batu dipa’, tu dilopak lentong kayu arasi’ dibingkung; susi dukato tu tarampak lanna lu banuanNa PUANG sia sarambi tongkonan layuk.

2 DATU 23:12

Iatu mintu’ inan pemalaran dao papa, sikandappi’ bilik mengkadaoanna Ahas, tu nagaragai datu Yehuda, sia mintu’ tu inan pemalaran napabendan Manasye, tu lan da’dua tarampak banuanNa PUANG, narondon datu sia naangka’i inde to dio mai tu barra’-barra’na, anna buangi rokko salu’-salu’ Kidron.

2 DATU 23:4

Mesuami tu datu lako tominaa kapua Hilkia sia mintu’ tominaa undampi’i sia mintu’ pa’kampa babangan, la umpatassu’i lan mai banua kabusunganNa PUANG tu mintu’ parea, tu digaragan Baal sia Asyera sia mintu’ ma’dandan maritik dao langi’; anna ballai tu mintu’nato dio saliananna kota Yerusalem dio rante salu Kidron, na iatu aunna nabaa lako Betel.

2 DATU 23:5

Natassu’i duka datu tu mintu’ to minaa deata tu naangka’ mintu’ datu to Yehuda untunu pemala’ dao inan madao, lan lu mintu’ kota Yehuda sia lan lu lili’na Yerusalem, sia iatu mai to untunuan pemala’ Baal sia mata allo sia bulan sia ma’rupa-rupa bintoen sia mintu’ ma’dandan maritik dao langi’.

2 DATU 23:6

Sia napatassu’ duka datu tu lentong kayu dipodeata lan mai banuanNa PUANG lako salianna Yerusalem, lako salu’-salu’ Kidron, sia natunu dio biring salu’-salu’ Kidron sia nanisak-nisak nadadi au, namane ussamboranni dio to’ lamunanna to kamban.

2 OSSORANNA DATU 33:15

Naalaimi tu mintu’ rapang-rapang napodeata bangsa senga’ sia rapang-rapang batu dipodeata lan mai banuanNa PUANG, susi duka tu mintu’ inan pemalaran, tu napabendan dao buntu, nanii banuanNa PUANG sia dio Yerusalem, anna tibei lako salian kota.

2 OSSORANNA DATU 33:5

Sia napabendanan ba’tu pira-pira inan pemalaran tu mintu ma’dandan maritik lan to da’dua tarampak banuanNa PUANG.

2 OSSORANNA DATU 4:9

Nagaragaipi tu tarampak to minaa, tu tarampak kalua’ sia ba’ba lu tama tarampak; sia iatu ba’ba rapi’ iato nasapu’ tambaga.

YEHEZKIEL 40:28

Mangkato nabaana’ tama tarampak lanna lu; unnola babangan rampe sau’na, sia nasuka’ tu babangan rampe sau’na, pada suka’na, tu ina’na.

YEHEZKIEL 40:32

Nabaamo’ tama tarampak lanna lu dio rampe matallo, anna suka’i tu babangan, pada suka’na tu ina’na;

YEHEZKIEL 40:37

Na iatu sarambinna dio rampe tarampak dio salian; sia den tu koroma dio to’rinding tembo’na patomali, sia karua pellesean dio ampangna langngan.

YEHEZKIEL 40:47

Mangkato nasuka’mi tu tarampak; iatu lambe’na saratu’ siku na babana saratu’ siku, pada sappa; na iatu inan pemalaran iato bendan dio tingo Banua.

YEHEZKIEL 42:3

Siupu’ tu duangpulo siku dio mai tarampak lanna lu sia siupu’ tu sali batu tarampak dio salian, den tangdo’ sitingoan tangdo’ tallung kalada’ langngan sitodo’.

YEHEZKIEL 43:5

Naangka’mo’ Penaa, anNa Baana’ tama tarampak lanna lu, tonganna iatu kamala’biranNa PUANG umponnoi tu banua.

YEHEZKIEL 44:19

Ianna tassu’ tu tau iato lako to’ to buda dio tarampak dio salian, la naalai tu pakeanna tu mangka napake lan pentoeanna, anna patorroi lan bilik inan maindan, anna pake pakean senga’, kumua da napamarimbanganni tau iato mai tu to buda tete dio pakeanna.

YEHEZKIEL 8:16

Nabaamo’ tama tarampak lanna lu banuanNa PUANG. Kutiromi dio lalan tama Banua kabusunganNa PUANG, kasiallaranna sarambi na inan pemalaran, den tau agi-agi duangpulo llima umboko’i Banua kabusunganNa PUANG, namentingo lu lako matallo, sia tukku menomba lako allo, ma’palulako matallo.