2 DATU 21:3 - Sura' Madatu

³ Sia napabendan sule tu inan madao, tu mangka nasanggang Hizkia, ambe’na, sia nabangunan Baal tu inan pemalaran sia nagaragai tu lentong kayu di podeata, susi mangka napogau’ Ahab, datu Israel, sia tukku menomba dio tingayona mintu’ ma’dandan maritik dao langi’ sia mengkaola lako.

2 DATU 21:3 ပူးပေါင်းရင်းမြစ်များ

1 DATU 18:21

Attu iato napentireke’imi Elia tu mintu’ to buda, anna ma’kada nakua: Sangapaporokomi la lumingka sondo’ patomali? Iake PUANG tu Kapenomban, pengkaolaimi, ianna Baal, pengkaolaimi. Moi sangbuku kada tae’ napebalii to buda lako.

1 DATU 18:26

Naalami tau iato mai tu sapi laki, tu nabenni Elia, anna pasakka’i, nametamba ussa’bu’ sanganna Baal tempon dio mai melambi’ sae lako ma’tangngana allo, nakua: O Baal, pebaliikanni! Apa tae’ tu gamara sia moi misa’ tau tae’ duka mebali. Unnondo-ondomi tu tau iato mai untikui inan pemalaran mangka nagaraga.

2 DATU 13:6

Apa tae’ naboko’i tu mintu’ kasalanna bati’na Yerobeam, tu napa’pesuan lako to Israel umpogau’i sangadinna napatarru’ bang tau iato mai. Sia tontong duka bendan dio Samaria tu lentong kayu dipodeata.

2 DATU 17:16

Naboko’i tu mintu’ pepasanNa PUANG, Kapenombanna, anna garaganni kalena tu rapang-rapang dipodeata dipati’no’, iamotu da’dua anak sapi; nagaragai duka tu ba’tu pira-pira lentong dipodeata, sia tukku umpenombai tu mintu’ ma’dandan maritik dao langi’ sia Baal.

2 DATU 18:22

Apa iake mikua lako kaleku, kumua: Urrannuangkan PUANG, Kapenombangki tangiaraka Ia tu mangka naputtai Hizkia mintu’ inan madaoNa dinii memala’ sia inan pemalaranNa, anna ma’kada lako to Yehuda sia mintu’ issinna Yerusalem, nakua: La tukkukomi menomba dio tingayo inan pemalaran iate?

2 DATU 18:4

Naratoimi tu mintu’ inan madao dinii memala’, sia natesse-tesse tu batu dipodeata sia nalelleng tu lentong kayu dipodeata, sia nanisak-nisak duka tu ula’ tambaga tu nagaragai Musa, belanna sae lako allo iato nanii to Israel memala’. Nasangaimi tau Nehustan.

2 DATU 8:18

Unturu’mi bate lalanna mintu’ datu Israel, susi penggauranna to lan tongkonan layukna Ahab, belanna umpobaine anakna Ahab; napogau’i tu apa kadake dio pentiroNa PUANG.

2 DATU 8:27

Unturu’mi bate lalanna bati’na Ahab sia umpogau’ apa kadake dio pentiroNa PUANG, susi penggauranna bati’na Ahab, belanna to sirapu dio bati’na Ahab.

2 OSSORANNA DATU 32:12

Tang Hizkia dukaraka tu mangka umputtai tu mintu’ inan madaoNa sia inan pemalaranNa, anna ma’kada lako to Yehuda sia to Yerusalem nakua: Dio manna tingayona misa’ inan pemalaran la minii tukku menomba sia untunu pemala’.

2 OSSORANNA DATU 34:3

Iatonna ma’karuamo taunna ma’parenta, tonna mangurapa, naparandukmi undaka’ Kapenombanna Daud, nene’ to dolona, na iatonna ma’sangpulo duamo taunna ma’parenta naparandukmi usseroi Yehuda sia Yerusalem dio mai mintu’ inan madao, sia lentong dipodeata sia iatu rapang-rapang dipodeata dipa’ sia rapang-rapang dipodeata dipati’no’.

AYUB 31:26

iangku penunumo mata allo, ke parrangmi, sia iatu bulan, ke lumilingi nakabu’ kamala’biran,

YESAYA 65:11

Apa iatu kamu, e mintu’ to untampe PUANG, tu tang ungkilalai buntu maindanKu, sia to umpasakkaran kande Gad sia to umbolikan apa dipairusan Meni.

YEREMIA 7:30

Belanna iatu bati’na Yehuda umpogau’ kadake dio pentiroKu, kadanNa PUANG; iatu apa megallian napalanmo banua, tu mangka dinii unggente’ sangangKu, anna ruttakki.

MIKHA 6:16

Belanna mintu’ tu apa napondok Omri dikaritutui sia mintu’ penggauranna to lan banuanna Ahab, sia lolangko unturu’ pa’timbanganna, kumua angKu popendadiko misa’ apa metirambanan sia iatu mintu’ pa’tondokkanna la Kupadadi misa’ apa ditatta; susimokomito la umpassanni tu kadilo’boanna taungKu.

PA’TOLE 16:21

Da muosokki tu lentong kayu dipodeata, sia ba’tu pira-pira kayu dio sa’de inan pemalaranNa PUANG, Kapenombammu, tu la mugaragan kalemu.

PA’TOLE 17:2

Iake denni dio lu kamu, lan sala umbanna kotamu, tu la Nabenko PUANG, Kapenombammu, tu misa’ muane ba’tu misa’ baine diapparan umpogau’ apa kadake dio pentiroNa PUANG, Kapenombammu, untengkai bassena;

PA’TOLE 17:3

anna male umpengkaolai kapenomban senga’ sia tukku umpenombai, iamotu dio olona mata allo, ba’tu bulan ba’tu iatu mintu’ ma’dandan maritik dao langi’, tu apa mangka Kupa’gagai;

PA’TOLE 20:18

kumua da naada’ikomi umpogau’i tu mintu’ apa megallian, tu napogauran deatanna, miurungan umpogau’ kasalan umbali PUANG, Kapenombammi.

PA’TOLE 4:19

Sia da duka mumentingara langngan langi’ sia mentiro langngan mata allo sia bulan na bintoen, iamotu mintu’ ma’dandan maritik dao langi’ sia da nanaranko la umpenombai sia umpengkaolai, tu Nataai PUANG, Kapenombammu, lako mintu’ bangsa nasambo langi’ –