2 DATU 21:23 - Sura' Madatu

²³ Sipakulu-kulumi tu to mase’ponna Amon unneai, anna patei tu datu lan tongkonan layukna.

2 DATU 21:23 ပူးပေါင်းရင်းမြစ်များ

1 DATU 15:27

Iatu Baesa, anakna Ahia, dio mai rapu Isakhar, umpaden kasiturusan la unneai. Napatei Baesa dio Gibeton, lili’ to Filistin, tonna patama limbui Nadab sola mintu’ to Israel tu Gibeton.

1 DATU 16:9

Iatu Zimri, tu taunna, iamo umpangului sangsesena kareta parari, umpaden kasiturusan la unneai. Iatonna marassan mangiru’ dio Tirza lan banuanna Arza, pangulu sandan uai datu dio Tirza, namalango,

2 DATU 12:20

Iatu mai to mase’ponna ke’de’mi sipakulu-kulu, anna patei tu Yoas lan banuanna Milo, diong se’pon lalan rokko Sila.

2 DATU 14:19

Sipakulu-kulumi tu tau unneai dio Yerusalem, anna mallai tu datu lako Lakhis, apa mesua tu tau iato mai unnula’i lako Lakhis, anna patei dio.

2 DATU 15:25

Iatu Pekah, anakna Remalya, kamandangna, sipakulu-kulu limangpulo tau dio mai Gilead unnea datu, anna patei dio Samaria, lan tambakukunna tongkonan layuk sola Argob sia Arye; napateimi anna ia ussondai dadi datu.

2 DATU 15:30

Iatu Hosea, anakna Ela, umpadenmi kasipakulu-kuluan unnea Pekah, anakna Remalya; napateimi anna ia ussondai dadi datu tonna taun ma’penduangpulo kadatuanna Yotam, anakna Uzia.

2 DATU 9:27

Iatonna tiromi Ahazia, datu to Yehuda, tu iannato, mallaimi umpempatui Bet-Hagan. Apa undi naula’ Yehu, nakua: Pongko dukai tu! Panai dao karetana! Napabasaimi tau dio lalan tuka’ langngan Gur, sikandappi’ Yibleam; mallaimi lako Megido, namate dio.