2 DATU 21:13 - Sura' Madatu

¹³ Sia la Kupae’te’i ulang pesuka’ tu Yerusalem, susitu mangka Kue’teran Samaria sia batu petimbang, susitu mangka Kue’teran bati’na Ahab, sia la Kupa’dii tu Yerusalem susito umpa’dii kandian; ke mangkami dipa’dii, nabaliangan lenmi tau.

2 DATU 21:13 ပူးပေါင်းရင်းမြစ်များ

1 DATU 14:10

Iamoto manassa la Kuparampoi kamandasan tu bati’na Yerobeam. Sia iatu mai muane, bati’na Yerobeam, la Kumangsanni sola nasang, la to mala’bi’na la to bitti’na dio lu to Israel. Kusapui tu mai bati’na Yerobeam, susito ussapui tai, naurungan tae’mo tinampe len.

2 DATU 10:11

Napatei dukapa Yehu tu mintu’ to lan banuanna Ahab, tu torrona dio Yizreel sia mintu’ to kapuana na mintu’ to manappa’na sia to minaanna, naurungan moi misa’ tae’mo napatuo tu tau iato mai.

2 DATU 17:6

Iatonna taun ma’pengkaseramo kadatuanna Hosea natalomi datu Asyur tu Samaria, anna pali’i tu to Israel lako Asyur, sia napopa’tondok dio Halah, dio biring salu Habor, iamo salu dio Gozan, sia dio lu mintu’ kota to Madai.

2 DATU 21:14

Sia la Kutibe tu taan mana’Ku, tu torronapa, sia la Kusorong tama kuasanna mintu’ ualinna, naurunganni dadi pangrampa sia nasialai mintu’ ualinna.

2 DATU 23:27

Ma’kadami tu PUANG nakua: La Kusabu’i duka tu to Yehuda dio mai oloKu, susi to Israel mangka Kusabu’i; sia la Kuboko’i te kota iate, tu mangka Kupilei langsa’, iamotu Yerusalem, sia iatu banua, tu mangka Kunii ma’kada kumua: La nanii sangangKu dio.

2 DATU 9:8

Mintu’ to lan banuanna Ahab la sanggang; sia iatu muane, bati’na Ahab, la Kumangsanni nasang, la to mala’bi’na la to bitti’na dio lu to Israel.

YESAYA 10:22

Belanna, moi anna iatu bilanganna bangsamu, e Israel, susito karangan dio biring tasik, ia manna tibalik sule tu torronapa; inang tilampakmo tu kasanggangan situang kamaloloan lempan.

YESAYA 14:23

Sia la Kupopendurukanna kayo sia la Kupopendadi buka sia la Kusarrinni pesarrin kasanggangan, kadanNa PUANGna mintu’ ma’dandan maritik.

YESAYA 28:17

Apa salunna la Kupadadi ulang pesuka’ sia kamaloloan la Kupadadi batu petimbang, anna attu iato iatu uran batu la ussoloi tu pentirerungan mo’rang sia la nakabu’ uai tu inan pembunian.

YESAYA 34:11

Sangadinna padang iato napoinan mundan sia kayo, na langau sia kadoya la torro lan, sia Nae’te’ Puang tu ulang pesuka’ kataloan daona lu sia batu petimbang kamakarorrongan.

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

BATING 2:8

Nara’ta’mo PUANG la Nasanggang, tu rinding tembo’na anak dara Sion. Nae’te’mo tu ulang pesuka’ sia tang Napodoran tu limanNa la pasanggang. Iatu baba tembo’ sia rinding tembo’ Napamadu’sen, anna sangtibambangan.

YEHEZKIEL 7:5

Inde sia tu kadanNa Puangta PUANG Nakua: Situru’-turu’ tu kamandasan! Tonganna saemo!

ZAKHARIA 1:16

Iamoto, inde sia tu kadanNa PUANG, Nakua: La suleNa’ lako Yerusalem situang kamamasean, anna dibangun tu banuangKu lan, kadanNa PUANGna mintu’ ma’dandan maritik, sia iatu tinting pesuka’ la dirittingan lan Yerusalem.