2 DATU 21:12 - Sura' Madatu

¹² Iamoto, inde sia tu kadanNa PUANG, Kapenombanna to Israel, Nakua: Manassa la Kuparampoi kamandasan tu Yerusalem sia to Yehuda, na tilanta’ lan talinga duanna tu mintu’ to urrangii.

2 DATU 21:12 ပူးပေါင်းရင်းမြစ်များ

2 DATU 22:16

Inde sia tu kadanNa PUANG, Nakua: Manassa la Kuparampoi kamandasan te inan iate sia mintu’ to torro lan, iamotu mintu’ apa lan sura’ tu mangka nabasa datu to Yehuda,

YESAYA 24:5

Iatu lipu daenan maruttakmo natumang mintu’ to umpa’tondokki, belanna natengkai kalo’mo tu mintu’ sukaran aluk, sia nalutu tombangmo tu apa mangka tipondok, sia naputtai tu basse sangbara’ padang.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YEREMIA 19:3

kumua: Perangii tu kadanNa PUANG, e mintu’ datu Yehuda sia mintu’ to lan Yerusalem. Nakua kadanNa PUANGna mintu’ ma’dandan maritik, Kapenombanna to Israel: Manassa Aku la umparampoi kasanggangan te inan iate, naurungan tilanta’ lan talinganna minda-minda tu umperangii.

YEHEZKIEL 7:5

Inde sia tu kadanNa Puangta PUANG Nakua: Situru’-turu’ tu kamandasan! Tonganna saemo!

DANIEL 9:12

Napalanda’mo tu mintu’ kadanNa, tu mangka Napokada diona kami sia diona mintu’ to ma’parentaki, tu umparentakan, belanna Naparampoikan kasanggangan lendu’ kapuana, susitu tae’ bangpa nadadi lan mintu’ nasambo langi’, sangadinna lan manna Yerusalem.

AMOS 3:2

Mintu’na tu pa’rapuan dao kuli’na padang kamu manna tu Kutandai, iamoto angKu ukungkomi belanna mintu’ kakadakeammi.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

1 SAMUEL 3:11

Ma’kadami tu PUANG lako Samuel, Nakua: Manassa la umpogau’Na’ misa’ penggauran lan lu to Israel, naurungan tilanta’ lan talinganna minda-minda urrangii.