2 DATU 20:5 - Sura' Madatu

⁵ Tibalikko sule sia pokadanni Hizkia, arungna taungKu, kumua: Inde sia tu kadanNa PUANG, Kapenombanna Daud, nene’ to dolomi, nakua: Kurangimo tu passambayangmu sia Kutiromo tu mintu’ uai matammu; manassa la Kupamondoko, anna allo ma’pentallun mumale langngan banuanNa PUANG.

2 DATU 20:5 ပူးပေါင်းရင်းမြစ်များ

2 SAMUEL 5:2

Ondongpi masaimo, tonna datuipakan Saul, puang dukamo tu umpalutama-lulanni-mai tu to Israel, sia lu lako duka kalemi tu kadanNa PUANG: Iko la ungkambi’i tu taungKu Israel sia iko dukamo la dadi datunna mintu’ to Israel.

1 DATU 9:3

Ma’kadami tu PUANG lako Nakua: Kurangimo tu passambayangmu sia pengkamoyamu tu mangka mupennoloan dio oloKu, sia Kupamarimbanganmo te banua mangka mubangun, belanna Kupalanmo tu sangangKu tontong sae lakona; sia iatu matangKu sia penaangKu la dio bang kiallo-kiallo.

2 DATU 19:20

Attu iato mesuami Yesaya, anakna Amos, umpokadanni Hizkia, nakua: Inde sia tu kadanNa PUANG, Kapenombanna to Israel, kumua: Iatu passambayangmu lako Kaleku tu diona Sanherib, datu Asyur, Kurangimo.

2 DATU 20:4

Tae’pa natassu’ tu Yesaya lan mai tarampak tangnga, pakalan saemi tu kadanNa PUANG lako kalena, Nakua:

2 DATU 22:19

belanna malamma’ tu penaammu sia umpamadiongangko kalemu dio oloNa PUANG, tommu mangka urrangii tu apa mangka Kupokada diona te inan iate sia iatu to torro lan, kumua la metakuran sia tampakan ropu, sia belanna usserek-serekko tamangkalemu sia tumangi’ dio oloKu, iamoto Kuperangii dukako, kadanNa PUANG.

2 OSSORANNA DATU 13:12

Manassa iatu Puang Matua undoloangkan, sia iatu mai to minaanNa umbaa tarompe’ kapua oninna, la dipannoni umpatirambankomi. Da’ ammi sirarianni tu PUANG, Kapenombanna nene’ to dolomi, e bati’na Israel, belanna tae’ ammi la maupa’.

2 OSSORANNA DATU 34:3

Iatonna ma’karuamo taunna ma’parenta, tonna mangurapa, naparandukmi undaka’ Kapenombanna Daud, nene’ to dolona, na iatonna ma’sangpulo duamo taunna ma’parenta naparandukmi usseroi Yehuda sia Yerusalem dio mai mintu’ inan madao, sia lentong dipodeata sia iatu rapang-rapang dipodeata dipa’ sia rapang-rapang dipodeata dipati’no’.

PA’PUDIAN 107:20

Umpasaemi kadanNa, sia Napamondo tu tau iato mai, anNa lendokanni tu tau iato mai dio mai tang merambu.

PA’PUDIAN 119:26

Kuparampo nasangmo Mati’ tu diona torro ke’de’ku, amMi perangiimo’, patudumo’ tu mai apa Mipondok.

PA’PUDIAN 126:5

Iatu to mantanan situang uai matanna, la mepare situang la’tek silelean.

PA’PUDIAN 147:3

Ia umpamondoi tu mintu’ to bonnong penaanna, sia Nabimbin tu mai bangkena.

PA’PUDIAN 34:18

Iake meongli’i tu to malambu’, Natananni talinga PUANG, sia Narampanan dio mai mintu’ kamaparrisanna.

PA’PUDIAN 39:12

Iake Mipandasai tu tau, belanna natumang kakelokanna, misanggang tu kameloanna susito nakande busung, manassa iatu mintu’ tolino susi bangri damo’. Sela

PA’PUDIAN 56:8

Ma’apai nala ma’din tilendok tu tau iato mai nabudamo kakadakeanna? Pessambakanni tu tau iato mai diona kasengkeamMi, o Puang Matua!

PA’PUDIAN 56:9

Misimporrosammo tu salamba salaoku, sia patamai buli-bulimMi tu uai matangku; Tang tisura’ nasangmoraka to lan sura’Mi?

PA’PUDIAN 6:10

Naperangiimo PUANG tu pa’palakungku, sia la Natarima tu pasambayangku.

PA’PUDIAN 65:2

Lan Sion sipato’ nanii kendek pudi-pudian mati’ Kalemi, situang penaa rapa’, o Puang Matua; sia mati’ Kalemi la kinii umpalesso’ pangallonangki.

PA’PUDIAN 65:3

O Puang, tu umperangii passambayangna tau, mati’ Kalemi nanii mengkara’pa mintu’na kepenaanna.

KATASSURAN 15:26

Sia ma’kadapa tu Puang, Nakua: Iake muperangii tonganni tu kadanNa PUANG, Kapenombammu sia mupogau’ tu apa malambu’ dio oloNa sia mutananni talinga duammu tu mintu’ pepasanNa sia mukaritutui tu mintu’ apa Napondok, manassa mintu’ tu saki Kupata’pa lako to Mesir, moi misa’ tae’ la Kupata’pa lako kalemi, belanna Akumo PUANG, To ma’dampimmu!

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

KATASSURAN 3:9

Tonganna iatu sarrona to Israel rampomo lako oloKu sia Kutiromo tu pa’pakario-rio nagauranni to Mesir tu tau iato mai.

YESAYA 19:22

Iatu to Mesir la Napa’dikki liu PUANG anNa pamondoi sule, anna mengkatoba’ lako PUANG sia la Natarima PUANG tu passambayangna sia la Napamondo sule.

YESAYA 38:22

Iatu Hizkia mangkamo ma’kada, nakua: Apara la dadi tandana, kumua la kendekna’ langngan banuanNa PUANG?

YESAYA 38:5

Maleko, pokadanni Hizkia, kumua: Inde sia tu kadanNa PUANG, Kapenombanna nene’ to dolomu Daud: Kurangimo tu passambayangmu sia Kutiromo tu mintu’ uai matammu; tonganna la Kurangngannipa tu umuru’mu sangpulo lima taunna.

YESAYA 55:3

Tananni talinga, maikomi perangii, anna tuo tu deatammi; la untananNa’ basse matontongan lako kalemi; mintu’ tanda pa’kamasean tang tilelukKu lako Daud.

MATIUS 22:32

Akumote tu Puangna Abraham, sia Puangna Ishak, sia Puangna Yakub? Iatu Puang Matua tangia Puangna to mate, sangadinna to tuo.

LUKAS 1:13

Apa nakua tu malaeka’ lako: Da mumataku’, Zakharia, belanna ditarimamo tu palakummu; iatu bainemu Elisabet la napadadiangko misa’ pia muane, la musangai Yohanes.

LUKAS 18:10

Den da’dua tau kendek langngan banuanNa Puang Matua la massambayang, iatu misa’ to Farisi na misa’ passima.

YOHANES 5:14

Undinnato sitammumi Yesu dio to’ Banua Kabusungan, Nakuami ungkuanni: Tiromi, malekemoko; damo mupogau’ kasalan, da naruako tu kadakena pissan.

PA’TOLE 32:39

Totemo tiromi, kumua iatu Aku, Akumote, tae’ tu Kapenomban, sangadinna Aku. Aku tu ma’pamate sia ma’patuo, ke mangkaMo’ ma’kasanggang ma’pamondoNa’, sia moi misa’ tau tae’ ma’rampanan lan mai kuasangKu.

IBRANI 2:10

Belanna Puang Matua, tu bannang Dio sia tete Dio duka napodenNi angge maritik, anNa solan ba’tu sangapa budanna anak lako kamala’biran, pato’ umpasundun Panglalan kasalamaranna tau iato, tete dio buda kamaparrisan.

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

1 SAMUEL 9:16

Masiang agi-agi attu susite la Kusua lako kalemu tu misa’ muane dio mai lili’na Benyamin; la mutokko la dadi arungna taungKu Israel, iamo la urrampanan taungKu dio mai limanna to Filistin. Belanna maturu-turuNa’ untiroi tu taungKu, saba’ rampomo pengkamoyana lako Kaleku.