2 DATU 20:4 - Sura' Madatu

⁴ Tae’pa natassu’ tu Yesaya lan mai tarampak tangnga, pakalan saemi tu kadanNa PUANG lako kalena, Nakua:

2 DATU 20:4 ပူးပေါင်းရင်းမြစ်များ

1 DATU 7:8

Ia duka tu banua nanii torro lan tarampak senga’, rampe tamanna bilik pa’paolaian salu, pada bang garaganna. Sia nagaraga dukapa Salomo tu misa’ banua pada garaganna tu bilik pa’paolaian salu, napannii anakna baine Firaun tu napobaine.

2 DATU 20:3

nakua: O PUANG, la Mikilalai umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

2 DATU 20:5

Tibalikko sule sia pokadanni Hizkia, arungna taungKu, kumua: Inde sia tu kadanNa PUANG, Kapenombanna Daud, nene’ to dolomi, nakua: Kurangimo tu passambayangmu sia Kutiromo tu mintu’ uai matammu; manassa la Kupamondoko, anna allo ma’pentallun mumale langngan banuanNa PUANG.

2 DATU 22:14

Malemi tu to minaa Hilkia sia Ahikam sia Akhbor sia Safan sia Asaya lako Hulda, nabi baine, bainena Salum, to ma’kampa pakean, anakna Tikwa, anakna Harhas. Iatu Hulda torro dio Yerusalem lan kampong ba’ru. Anna sipa’kada-kada tau iato mai tu baine iato.