2 DATU 20:3 - Sura' Madatu

³ nakua: O PUANG, la Mikilalai umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

2 DATU 20:3 ပူးပေါင်းရင်းမြစ်များ

KADADIAN 17:1

Iatonna ganna’mo kasera pulona ngkasera taunna tu Abram, ombo’mi tu PUANG lako kalena, sia ma’kada Nakua: Akumo Kapenomban Umpoissan angge maritik; la lolangko dio oloKu sia la lantuk tu penaammu.

KADADIAN 5:22

Iatu Henokh, tonna mangka undadian Metusalah talluratu’pa taunna tuo, la’ka’bang lako Puang Matua, anna dadian ba’tu pira-pira muane sia baine.

KADADIAN 5:24

Iatu Henokh la’ka’ bang lako Puang Matua, pa’demo ia, belanna Nasolan Puang Matua langngan.

KADADIAN 8:1

Nasusito Nakilalaimi Puang Matua tu Nuh sia mintu’ olo’-olo’ marira sia mintu’ patuoan tu nasolan lan lembang; Napopangiri’i Puang Matua tu angin lan lino, namere tu uai.

1 DATU 11:4

Belanna iatonna matuamo tu Salomo, napasepangmi mintu’ bainena tu penaanna umpenombai kapenomban senga’, naurunganni tae’mo nalantuk tu penaanna lako PUANG, Kapenombanna, susi Daud, ambe’na.

1 DATU 15:14

Apa iatu inan madao tu dinii memala’ tae’ nadiratoi. Moi susito iatu penaanna Asa lantuk lako PUANG lan mintu’ allo katuoanna.

1 DATU 2:4

Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

1 DATU 3:6

Mebalimi tu Salomo nakua: Mipakitanmo taumMi Daud, ambe’ku, tu kamasokanan kapua, susitu kalolanganna dio oloMi situang kamarurusan sia kamalamburan sia lantuk penaa lako KaleMi; na iatu kamasokanan kapuaMi Mipatontong dio kalena, Miurunganni ungkamaseanni misa’ anak, tu unnisung dao kapayunganna susite allo iate.

1 DATU 8:23

Sia ma’kada nakua: O PUANG, Kapenombanna to Israel, tae’ tu Kapenomban senga’ sangadinna Kamu manna, la lan langi’ dao la dao kuli’na padang diong, tu umpalanda’ basseMi sia kamasokanamMi lako taumMi, tu lantuk penaanna lolang dio oloMi.

1 DATU 8:61

sia anna iatu penaammi mengkara’pa lako PUANG, Kapenombanta, la lolang umpengkaolai tu mintu’ apa Napondok sia ungkaritutui pepasanNa, susite allo totemo.

1 DATU 9:4

Iake lolangko dio oloKu, susi Daud, ambe’mu lantuk sia bulo lollong penaanna lolang dio oloKu, ammu pogau’i tu mintu’ apa Kupepasanan lako kalemu sia ungkaritutui tu mintu’ apa Kupondok sia tu Kupa’parentan,

2 DATU 20:2

Messailemi tu datu lako to’rinding, namassambayang lako PUANG,

2 DATU 20:4

Tae’pa natassu’ tu Yesaya lan mai tarampak tangnga, pakalan saemi tu kadanNa PUANG lako kalena, Nakua:

2 OSSORANNA DATU 16:9

Belanna iatu matanNa PUANG ma’penunu tiku lao dao te kuli’na padang, la ungkamaseanni kamatotoran minda-minda tu lantuk penaanna lako Kalena. Kabagan tongan te mipogau’, iamoto randuk totemo tae’mo mila ka’tu dirarii.

NEHEMIA 13:14

Kilalaina’, o Kapenombangku, tete dio tu mintu’nate sia da Miputtai tu penggauran melo, tu kupogau’ lako banuanNa kapenombangku sia mintu’ atoranna.

NEHEMIA 13:22

Sia kusua duka usseroi kalena tu mintu’ to Lewi sia la sae ungkampai babangan, kumua anna dipamadatu tu allo katorroan. O Kapenombangku, kilalaina’ belanna diona duka te apa iate sia kamaseina’ sitinaya kakapuanna kamasokanamMi.

NEHEMIA 13:31

susi dukato tu to umbaa kayu, ke attu dipamanassanni sia bunga’na bura padang sia patuoan. Kilalaina’, o Kapenombangku, angku pomeloi.

NEHEMIA 5:19

O Kapenombangku, kilalaina’ tu kupomelona sitinaya tu mintu’ apa mangka kupogau’ lako bangsa iate.

AYUB 1:1

Lan tondok Us den misa’ tau, disanga Ayub, tau iato mengkaola tongan sia bulo lollong sia mataku’ lako Puang Matua na umpatoyang kalena dio mai kadake.

AYUB 1:8

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan mengkaolana, bulo lollongna sia mataku’na lako Puang Matua sia umpatoyang kalena dio mai kadake.

AYUB 16:20

Moi natelle-tellena’ tu mai sangmaneku, apa iatu matangku ma’palulako bang Puang Matua;

AYUB 4:6

Tangiaraka kamekaalukammu tu mupopentionganan, sia tae’raka murannuanni tu gau’ tang sayuammu?

PA’PUDIAN 102:9

Kiallo-kiallo nabe’sena’ mintu’ ualingku, sia mintu’ tu to sumadang-madang lako kaleku, unggatai tau, umpotandaran kada sangangku;

PA’PUDIAN 119:26

Kuparampo nasangmo Mati’ tu diona torro ke’de’ku, amMi perangiimo’, patudumo’ tu mai apa Mipondok.

PA’PUDIAN 119:49

Kilalai tu kadamMi lako te taumMi. Belanna Mibenmo’ kapa’rannuanan;

PA’PUDIAN 145:18

PUANG urreke’ mintu’ to meongli’ lako Kalena, tu to lantuk meongli’ lako Kalena.

PA’PUDIAN 25:7

Da Mipalan ara’i tu mintu’ kasalangku tongku mangura sia mintu’ kapatodo-tintingangku, sangadinna kilalaina’ sitinaya pa’kamaseamMi, belanna kamasokanamMi, o PUANG.

PA’PUDIAN 26:1

Pa’pudianna Daud. O PUANG, sanda tongannina’, belanna lolang malolomo’, sia lantukna’ ungkatappa’i PUANG.

PA’PUDIAN 26:3

Belanna iatu kamasokanamMi dio bang lindoku, sia tontongna’ lolang lan kamanapparamMi.

PA’PUDIAN 32:2

Maupa’ tu to tang Nareken PUANG tu kakadakeanna, sia to tae’ kalando-pa’duan lan ba’tengna.

PA’PUDIAN 39:13

Perangiimi tu passambayangku, o PUANG, sia tananni talingamMi tu pengkamoyaku, sia da Mipa’loko-lokoi tu tangi’ tang marangangku, belanna iate aku te misa’na’ to sae dio Kalemi, sia to mentiruran susi mintu’ to doloku.

PA’PUDIAN 6:6

Belanna lan kamatean tae’mo kapengkilalan lako Kalemi, sia lan lino to mate mindapa la umpudiKomi?

PA’PUDIAN 6:7

Mata’ka’ tonganmo’ sumarro; bongi-bongi umpennampa’na’ uai matangku; umpotilan tangi’ tang marangaku.

PA’PUDIAN 89:47

O PUANG, sangapapoKomi la tontong bang membuni, sia sangapapi la dukku susi api tu kasengkeamMi?

PA’PUDIAN 89:50

O Puang, umbamira tu mintu’ kamasokanamMi pirambongi’, tu mangka Mialluran Daud, Mipasiindo’ sumpa diona kamarurusamMi?

YESAYA 38:14

Susi kaluppini’ ma’kisi’-kisi’, susi dukamoto tu gamarangku. Mamali’na’ mentingara lu langngan, o PUANG; mataku’na’, Kamu la unnindo’ina.

YESAYA 63:11

Apa Nakilalai to attu mangka diboko’. Naingarammi tu Musa sia taunNa. Umbamira Ia tu To mangka ussolan to mangkambi’ baanan dombaNa diong mai to’ uai? Umbamira tu To mangka untua’ Penaa Masallo’Na tama ba’tengna tau iato mai?

YEREMIA 4:2

sia la umpalaoko sumpa mukua: La lelukraka tuoNa PUANG situang kamanapparan, katonganan sia kamaloloan, anna mintu’ bangsa sipalakuan kamasakkean sia massattuan tete dio sanganNa PUANG.

AMOS 5:4

Belanna inde sia tu kadanNa PUANG lako bati’na to Israel, Nakua: Daka’Na’, ammi tuo.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

YOHANES 1:47

Nakitami Yesu tu Natanael sae lako Kalena, Nama’kada umpokadai tu a’ganna Nakua: Tiromi tu misa’ to Israel tongan, tu tae’ tangnga’ kadake dio kalena!

2 KORINTUS 1:12

Belanna iatu kapassattuangki, tu natonganan sukaran inaangki, kumua iatu gau’ki lan te lino, ontongpi lako kamu situru’ kamaindanan sia kamaseroan, lu dio mai Puang Matua, tangngia situru’ kakinaan katolinoan, sangadinna diona pa’kamaseanNa Puang Matua.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;