2 DATU 20:14 - Sura' Madatu

¹⁴ Attu iato saemi nabi Yesaya mennolo lako datu Hizkia, anna mekutana lako datu, nakua: Apara napokada tu tau iato mai sia umbara nanii sae ussitiroan puangku? Mebalimi Hizkia nakua: Iatu tau iato sae lako kaleku lu dio mai tondok mambela, iamotu Babel.

2 DATU 20:14 ပူးပေါင်းရင်းမြစ်များ

2 DATU 20:13

Natammuimi Hizkia tu sumbungan puduk iato, anna patiroanni tu banua pangnannan iananna, iamotu mintu’ salaka sia bulaan sia rampa-rampa sia minna’ keangga’ sia mintu’ inan pa’bunona sia mintu’ lan inan pangnannan iananna. La iatu lanna tongkonan layukna, la iatu lanna mintu’ parentana, moi misa’ tae’ tang napatiroan Hizkia lako tau iato mai.

2 DATU 20:15

Mekutanami Yesaya nakua: Apara natiro lan tongkonan layukmi? Mebalimi Hizkia nakua: Mintu’ apa lan tongkonan layukku natiro nasangmo tau iato mai; moi misa’ tu lanna inan pangnannan iananku, tae’ tang kupatiroanni

PA’PUDIAN 141:5

Iake napata’paina’ lima to malambu’, iamo misa’ kameloan to. Sia iake napandasana’, iamo butung dibolloi boka’ tu ulungku to, tae’ nakanokai ulungku, belanna tontong tu passambayangku unneai tu kakadakeanna tau iato mai.

SARAMBU PEADA’ 25:12

Iatu to ma’pakilala kinaa siperangian to untananni talinga susito anting-anting bulaan sielle’ manik bulaan.

YESAYA 13:5

Tau iato mai lu dio mai padang mambela, dio mai randan langi’, PUANG sola parea kasengkeanNa tu la ussanggangi tu mintu’ lino.

YEHEZKIEL 23:23

iamotu to Babel sia mintu’ to Kasdim, Pekod, Soa na Koa, sibaa mintu’ to Asyur; mintu’ tau iato pia lolle’ ballo, to maraa, to maraa lompo, to lalong sia to la’bi’, pakkanarang nasang.

KADIBILANGAN 22:9

Saemi tu Puang Matua lako Bileam Nama’kada, Nakua: Mindara te mai muane musolan?

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,

YOSUA 9:6

Malemi tu tau iato lako Yosua, lako to’ tenda dio Gilgal, anna ma’kada lako kalena sia lako mintu’ muane to Israel, nakua: Kami te lu diokanni mai tondok mambela: totemo la sibasseki’.

YOSUA 9:9

Mebalimi tu tau iato nakua: Iate taummi sae dio mai tondok tarru’ mambela belanna sanganNa PUANG, Kapenombammi, belanna kirangimo tu karebanNa, iamotu mintu’ Napogau’na dio Mesir,