2 DATU 20:13 - Sura' Madatu

¹³ Natammuimi Hizkia tu sumbungan puduk iato, anna patiroanni tu banua pangnannan iananna, iamotu mintu’ salaka sia bulaan sia rampa-rampa sia minna’ keangga’ sia mintu’ inan pa’bunona sia mintu’ lan inan pangnannan iananna. La iatu lanna tongkonan layukna, la iatu lanna mintu’ parentana, moi misa’ tae’ tang napatiroan Hizkia lako tau iato mai.

2 DATU 20:13 ပူးပေါင်းရင်းမြစ်များ

1 DATU 10:10

Nabenmi bulaan tu datu Salomo saratu’ duangpulo talenta sia lendu’ budanna pebangki’ sia ma’rupa-rupa parimata ballo: iatu pebangki’ napa’bengan datu baine Syeba lako datu Salomo, tae’mo padanna totu nabaa tau.

1 DATU 10:15

Boko’ ia tu apa napatama to ma’balili kapua sia iatu sima napatama to ba’balu’-balu’ sia mintu’ sima napatama datu to Arab sia to maraa lan mintu’ tondok.

1 DATU 10:2

Saemi dio Yerusalem naturu’ baanan makamban sia ba’tu pira-pira unta unteke’ pebangki’ sia bulaan lendu’ budanna sia ma’rupa-rupa parimata ballo. Rampomi lako Salomo, anna pokadai lako tu mintu’ apa lan penaanna.

1 DATU 10:25

Pantan umbaami pamenganna, iamotu oongan salaka sia bulaan, pakean, pa’buno, pebangki’, darang sia bagala’, ke taunnoi.

2 DATU 20:14

Attu iato saemi nabi Yesaya mennolo lako datu Hizkia, anna mekutana lako datu, nakua: Apara napokada tu tau iato mai sia umbara nanii sae ussitiroan puangku? Mebalimi Hizkia nakua: Iatu tau iato sae lako kaleku lu dio mai tondok mambela, iamotu Babel.

2 DATU 20:15

Mekutanami Yesaya nakua: Apara natiro lan tongkonan layukmi? Mebalimi Hizkia nakua: Mintu’ apa lan tongkonan layukku natiro nasangmo tau iato mai; moi misa’ tu lanna inan pangnannan iananku, tae’ tang kupatiroanni

PA’PUDIAN 62:11

Da mirannuanni tu apa mipabu’tu ma’pakario-rio, sia da miparannuan lo’bangi tu apa mipabu’tu mangrampa; iake memba’ka’i tu iananmi, da mipala’ka’ lakoi tu penaammi.

SARAMBU PEADA’ 23:5

Iake mupenunui, simpolo pa’de, belanna ta’pa unggaragan kalena pani’, susito langkan maega mettia’ langngan langi’.

TOMANGADA’ 7:20

Belanna tae’ misa’ to malambu’ susito dao kuli’na padang, naurunganni melona manna napogau’ sia tae’ nakasalan.

YESAYA 39:2

Parannumi penaanna Hizkia diona kasaeanna tau iato mai, anna patiroanni tu banua pangrampunan iananna, iamotu mintu’ salaka sia bulaan sia rampa-rampa sia minna’ keangga’ sia mintu’ inan pa’bunona sia mintu’ tu apa lan inan pangrampunan iananna. La iatu lanna tongkonan layukna, la iatu lanna mintu’ parentana, moi misa’ tae’ tang napa’petiroan Hizkia lako tau iato mai.

YEREMIA 9:22

– nakua kadanNa PUANG: Ma’kadako – iamo napourung to na iatu batang rabukna tau situlambenan, susi pangangku’ dio lu padang sia susi gandung dika’pan tobang dio boko’na to ungka’ta’i, namoi misa tau tae’ urrampunni.