2 DATU 2:6 - Sura' Madatu

⁶ Ma’kadami tu Elia lako nakua: Torromoko inde te, belanna Nasuana’ PUANG lako Yordan. Apa mebali nakua: La lelukraka tuoNa PUANG sia tonganna susi tuomi, inang tae’ kula untampekomi. Nasusito tarru’mi male sola duai.

2 DATU 2:6 ပူးပေါင်းရင်းမြစ်များ

KADADIAN 22:6

Naalami Abraham tu kayu la dipantunuan pemala’ ditunu pu’pu’, anna papassanni tu Ishak, anakna, anna ia kalena untangke ruaya sia piso, namale sola duai.

KADADIAN 22:8

Mebalimi tu Abraham, nakua: E anakku, Puang Matua Ia umpadenanni Kalena tu anak domba la ditunu pu’pu’. Malemi sola duai.

2 DATU 2:2

Ma’kadami tu Elia lako Elisa nakua: Torromoko inde te, belanna Nasuana’ PUANG male lako Betel. Apa mebali tu Elisa nakua: La lelukraka tuoNa PUANG sia tonganna susi tuomi, inang tae’ kula untampekomi. Malemi tu tau iato mai rokko Betel.

2 DATU 4:30

Apa nakua tu indo’na pia iato: La lelukraka tuoNa PUANG sia tonganna susi tuomi, tae’ kula untampekomi. Ke’de’mi tu Elisa, namale unturu’i.

YOSUA 3:15

Iatonna rampomo tu to umbulle patti lako Yordan sia iatonna mellesemo tu lette’na mintu’ to minaa umbullei tu patti rokko uai – iatu Yordan saba’mo lako biringna lan mintu’ allo pegandungan –,

YOSUA 3:8

La mupa’parentan lako mintu’ to minaa tu umbulle patti basse kumua: Iake rampomokomi lako randanan Yordan, torrokomi bendan lan Yordan.

RUT 1:16

Apa mebali tu Rut nakua: Da miparukuna’ la untampekomi sia la tibalik dio mai kalemi; belanna umba-umba tu la minii male, ia duka la kunii male, sia umba-umba tu la minii ma’bongi, ia duka la kunii ma’bongi’, iatu bangsami iamo bangsaku sia iatu Kapenombammi iamo Kapenombangku.

1 SAMUEL 1:26

Ma’kadami Hana nakua: La messimanna’, tuang, kukua: la lelukraka tuomi, nala lelukra kadangku tuang, kumua aku bangsiamote tu to bendan dolona sikandappi’ tuang, massambayang lako PUANG.

1 SAMUEL 20:3

Umpalaomi sumpa tu Daud nakua: Naissan tongan ambe’mu kumua muporai tonganna’. Iamoto nama’tangnga’ nakua: Tae’ nala dipaissanni Yonatan te iannate, da napomasussai. Apa la tilelukraka tuoNa PUANG sia tuomu, manassa sangpentengkanri alla’ku na kamatean.