2 DATU 2:5 - Sura' Madatu

⁵ Attu iato saemi tu mintu’ passikola nabi dio Yerikho lako Elisa sia mekutana lako nakua: Miissan sia raka, kumua allo iate la Naangka’ PUANG tu puangmi dao mai ulummi? Mebali nakua: Kuissan duka sia; kappakomi.

2 DATU 2:5 ပူးပေါင်းရင်းမြစ်များ

KADADIAN 48:19

Apa noka tu ambe’na sia nakua: Kuissan sia, e anakku, kuissan sia; la mendadi duka ia misa’ bangsa sia la kapua duka, apa ia duka tu adinna la mandu kapua na ia sia iatu bati’na la mendadi misa’ bangsa tepu.

1 DATU 20:35

Attu iato ma’kadami tu misa’ passikola nabi lako solana tete dio kadanNa PUANG, nakua: Bambana’! Apa noka tu tau iato umbambai.

2 DATU 2:3

Attu iato tassu’mi tu mintu’ passikola nabi, tu torro dio Betel, lako Elisa sia mekutana lako nakua: Miissan siaraka, kumua allo iate la Naangka’ PUANG tu puangmi dao mai ulummi? Mebali nakua: Kuissan duka sia; kappakomi.

2 DATU 4:1

Denmi misa’ tu mintu’ bainena passikola nabi mengkamoya lako Elisa sia ma’kada nakua: Iatu taummi, muaneku, matemo sia miissan kalena, kumua iato taummi mengkaola lako PUANG. Na totemo saemo to ma’paindan la unnalai tu anakku da’dua la napokaunan.

2 DATU 5:22

Mebalimi nakua: Malaga’-laga’ sia. Nasuana’ puangku umpokadangkomi nakua: Mane ina’ nasae tu da’dua pia muane, iamo passikola nabi dio mai buntu Efraim. La miben dikka’ salaka sangtalenta sia pakean mala’bi’ duang lamba’ sola duai.

2 DATU 6:1

Den pissan ma’kadami tu passikola nabi lako Elisa nakua: Tiromi tu inan dio tingayomi tu kinii torro, tarru’ si’pi’kan.

2 DATU 9:1

Natambaimi nabi Elisa tu misa’ passikola nabi nama’kada lako nakua: Ma’tambeke’ko ammu alai te busso’-busso’ nanii minna’ lan, ammu male lako Ramot, lili’na Gilead.

TOMANGADA’ 3:7

Den tu attu dinii masserek sia den tu attu dinii mandasi’, den tu attu dinii ma’pakappa sia den tu attu dinii ma’ulelean.

YESAYA 41:1

Kappakomi miperangiiNa’, e mintu’ biring tasik, sia la umba’rui kamatotoranna tu mintu’ bangsa; melo ke saei tu tau iato mai anna ma’kada; melo ke pada-padaki’ tama pa’paolaian salu.

AMOS 7:14

Mebalimi tu Amos lako Amazia nakua: Tangiana’ nabi sia tangiana’ anak nabi sangadinna misa’na’ to manglaa sia to ungkaduttu’ bua ara pangala’.

HABAKUK 2:20

Apa iatu PUANG lan Ia Banua Kabusungan maindanNa. Ma’pakappakomi dio oloNa, e issinna mintu’ lino.

LUKAS 24:51

Marassan bangsiapa umbura’i lindo masakke, nasisarakmo tinde tau, Nadiangka’ langngan suruga.

PENGGAURANNA RASULU’ 1:11

sia ma’kada nakua: E kamu to Galilea, ma’apari mike’de’ra mentingara langngan langi’? Iatu Yesu tu dipakendek dio mai tingayomi langngan suruga, la ten dukamoto tu kasaeanNa sule, susitu kakendekanNa langngan suruga mitiro.

PENGGAURANNA RASULU’ 1:2

sae lako allo dipakendekNa langngan suruga, tonNa mangka umpokadanni parenta tu mai rasulu’ mangka Napilei umpake kuasanNa Penaa Masallo’.

PENGGAURANNA RASULU’ 26:25

Apa nakua Paulus: Tae’ kukatama-taman, o Festus to kabarre-alloan, sangadinna tonganna tu kupokada sia lu diong mai penaa malino.

1 SAMUEL 10:5

Mangkato la rampoko lako GibeaNa Puang Matua, tu nanii pa’kampan to Filistin. Iake tamako kota, ta’pa la sitammuko sangtuntunan nabi solo’ dao mai inan madao nadoloan to sibaa dandi sia ganda’-ganda’ sia suling sia su’dekan, anna tiakka’ penaanna ma’nubua’.