2 DATU 2:24 - Sura' Madatu

²⁴ Messailemi anna tiroi tu pia iato mai, anna tampakki ropu tete dio sanganNa PUANG. Saemi da’dua beruang birang lan mai pangala’, nasepak-sepakki tu pia patangpulondua.

2 DATU 2:24 ပူးပေါင်းရင်းမြစ်များ

KADADIAN 9:25

Nakuami: Tampak ropu tu Kanaan; nake napokaunan tai manukki mintu’ siulu’na.

2 SAMUEL 17:8

Sia nakuapa Husai: Mitandai kumua iatu ambe’mi sia mintu’ taunna lalong nasang, sia mapalla susi beruang setangan dio lu padang, tu sisayuran anakna. Ondongpi iatu ambe’mi to malute parari, dadi tae’ nala torro ma’bongi sola mintu’ to buda.

1 DATU 13:24

Apa iatonna ke’de’mo male, siappa’mi singa dio lu lalan, napatei. Nasumpandan bang tu batang rabukna dio lalan; na iatu keledai bendan dio la’pekna, na iatu singa bendan duka dio la’pekna batang rabuk iato.

1 DATU 19:17

Attu iato minda-minda tu tilendok dio mai pa’dangna Hazael, la napatei Yehu, na minda-minda tu tilendok dio mai pa’dangna Yehu, la napatei Elisa.

1 DATU 20:36

Ma’kadami lako nakua: Belanna nokako unturu’ kadanNa PUANG, manassa, iake mutampemo’, la den misa’ singa umpateiko. Iatonna tampemi naapparanmi misa’ singa anna patei.

2 DATU 2:25

Ke’de’mi tu Elisa inde to dio mai, namale lako buntu Karmel na inde to dio mai nanii sule lako Samaria.

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

SARAMBU PEADA’ 17:12

Melo ia tu sitammu beruang birang sisayuran anakna, na iatu sitammu to baga lan kabaganna.

SARAMBU PEADA’ 19:29

Iatu ukungan diparandanan to pabe’se sia pelonga’ dio boko’na to baga.

SARAMBU PEADA’ 28:15

Susi singa umburrung sia susi beruang tangdia’, susi dukamo a’ganna to tu pangulu tang mekaaluk umparenta misa’ bangsa malamma’.

YEREMIA 28:16

Iamoto, nakua kadanNa PUANG: Manassa la Kuputtaiko dao mai kuli’na padang, lan taun iate ammu la mate, belanna muada’i tu tau pabali-bali lako PUANG.

BATING 3:65

La Mibutai penaanna tu tau iato mai; parampoi tampak ropumMi tu tau iato mai!

HOSEA 13:8

La Kudammak tu tau iato mai susito beruang sisayuran anakna, Kuserekki tu barangkangna, angKu ampello’i susito singa birang, anna olo’-olo’ dio lu padang umbesse-besei.

SURA’ KATOMINAAN 26:22

La Kurampanan tu olo’-olo’ masuru lako kalemi, anna pasisayurangkomi anak sia la napisanni tu mai patuoammi sia la napososso’ lu rokko tu bilangammi, anna iatu mintu’ lalanmi makarorrong.

AMOS 7:17

Iamoto inde sia tu kadanNa PUANG Nakua: Iatu bainemu la pasandak salu lako rampanan kapa’ lan lu kota, iatu anakmu muane sia anakmu baine la songka nakande pa’dang, sia iatu pa’lakmu la ditaa-taa ulang pesuka’, na iko kalena la mate dio to’ padang tang masero, sia iatu to Israel manassa la male dipali’ lan mai tondokna.

MARKUS 11:14

Ma’kadami lako nakua: Da’mo naden len tau ungkandei buammu sae lakona. Narangimi anak gurunNa te kada iate.

MARKUS 11:21

Nakilalaimi Petrus tu iannato, nakuami lako: O Rabbi tiromi marangkemo tu kayu ara Migatai.

PENGGAURANNA RASULU’ 5:5

Iatonna rangii Ananias tu kada iate songkami, naka’tu penaanna. Lendu’mi mataku’na tu mintu’ to urrangii tu iannato.

PENGGAURANNA RASULU’ 5:9

Apa nakua Petrus lako: Ma’apari misituru’iri untoba-toba PenaanNa Puang Matua? Tiromi tu lentekna to ullamun muanemu dio to’ ba’ba, tau iamoto tu la umbulleko lako salian.

PENGGAURANNA RASULU’ 8:20

Apa nakua Petrus ungkuanni: Masolang tu doi’mu sola kalemu, belanna musanga ma’din dialli doi’ tu pa’kamasaeanNa Puang Matua.

2 KORINTUS 10:6

sia sakka’kan la umpapakkanni mintu’ tang kapengkaolan, to ke sundunmi tu pengkaolammi.

TO PARENGNGE’ 9:20

Apa iake tae’i nasusito, manassa la sun tu api lan mai Abimelekh, anna pura ungkandei tu pa’tondokan Sikhem sia Bet-Milo, sia la sun tu api lan mai pa’tondokan Sikhem sia Bet-Milo, anna pura ungkandei tu Abimelekh.

TO PARENGNGE’ 9:57

Sia ia duka tu mintu’ kakadakeanna to Sikhem Napasule nasang Puang Matua langngan botto ulunna. Susimoto tu pa’tampak ropunna Yotam, anakna muane Yerubaal dipalanda’ lako tau iato mai.