2 DATU 2:19 - Sura' Madatu

¹⁹ Ma’kadami tu pa’tondokan lako Elisa nakua: Tonganna melomo torrona te kota iate susitu natiro puangki, apa iatu uainna kadake sia iatu padang umpaden katangmemba’karan.

2 DATU 2:19 ပူးပေါင်းရင်းမြစ်များ

1 DATU 16:34

Iatonna linona Ahab nabangun pole’mi Hiel, to Betel, tu kota Yerikho. Sisayurammi anak pa’bunga’na, iamo tu Abiram tonna parandanganni; sia sisayuran anak tampakna, iamotu Segub tonna pabendanni tu babangan – susi kadanNa PUANG tu mangka Napokada nalopian Yosua, anakna Nun.

1 DATU 18:13

Tae’raka midipokadan tu apa mangka kupogau’ tonna patei nasangi Izebel tu nabinNa PUANG? Attu iato kubuni tu saratu’ nabinNa PUANG, limangpulo ke simisa’oi lo’ko’ sia kuparakai kuben roti sola uai.

1 DATU 18:7

Iatonna marassan tu Obaja lumingka, pakalan nasitammu Elia; iatonna tandaimi tukkumi umpekatabe’i, nakua: Kamuraka te, puangku Elia?

2 DATU 2:18

Sulemi tu tau iato mai lako Elisa, tonna torro siapa dio Yerikho, anna ma’kada Elisa lako: Tae’raka kupokadangkomi kumua: da mimale?

2 DATU 2:20

Nakuami tu Elisa: Alanna’ misa’ pindan ba’ru, ammi parokkoi sia. Nabaami tau lako tu pindan.

KATASSURAN 15:23

Rampomi tu tau iato mai lako Mara, apa iatu uai dio Mara tae’ nadiiru’ belanna mapai’, iamoto nasangai tau Mara.

KATASSURAN 23:26

Lan tondokmu tae’ kanaoan sia tamanang sia Aku la umpaganna’i tu mintu’ taun kadadiammu.

KATASSURAN 7:19

Sia Nakuapa PUANG lako Musa: Pokadanni Harun: Alai tu tekkenmu, angka’i tu limammu lako mintu’ uai to Mesir, lako mintu’ salunna sia kalo’na sia limbongna sia lako mintu’ pa’rampunan uainna, kumua anna membali rara; nake nanii nasangi rara tu mintu’ lili’na tondok Mesir, la lan lu busso kayu, la lan lu busso batu.

HOSEA 9:14

Benni tau iato mai, o PUANG, tu sipatunna la Mibenni: benni tau iato mai tu inan tau tang kasampean sia susu tang sekka’.

KADIBILANGAN 12:11

Ma’kadami tu Harun lako Musa nakua: O puangku, da mipapassannikan te kasalan iate, tu kipogau’ diona kabagangki.

PA’TOLE 28:11

PUANG dukamo la ungkamaseiko kameloan sebo, lan rianna pa’tambukammu sia kamemba’karan patuoammu sia bura padangmu – lan tondok, tu Napalaoan sumpa PUANG unnalluranni nene’ to dolomu, kumua la Nabenko.

1 TIMOTIUS 5:17

Iatu mai penatua-penatua manglopian melo, sipato’ dikasiri’ manglokkon penduan, ontong pole’ tu to umposara’ kadanNa Puang Matua sia ma’pangada’.

YOSUA 6:17

Apa iate kota iate sola mintu’ tu apa lan la disabu’i belanna dipemalian PUANG; sangadinna Rahab, tu baine bualang la dipatuo, la ia la mintu’ tau nasolan la banuanna, belanna nabuni tu pesua mangka tasua.

YOSUA 6:26

Allo iato umpalaomi sumpa Yosua, nakua: La ditampakki ropu dio olona PUANG minda-minda tu ke’de’ umpabendan pole’i te kota Yerikho; iake naparandanganni la sanggang tu anak pa’bunga’na, sia iake napabendanni tu babanganna la sanggang tu anak tampakna.