2 DATU 2:14 - Sura' Madatu

¹⁴ Naalami tu bayu lamba’na Elia, tu rondon dio mai kalena, anna sambakki tu uai sia metamba nakua: Umbara tu PUANG, Kapenombanna Elia, manassa iamo Ia? Nasambakkimi tu uai anna tipa’dua lu rekke sia lu sau’, anna ma’din ullambanni Elisa lian.

2 DATU 2:14 ပူးပေါင်းရင်းမြစ်များ

2 DATU 2:13

Naalami tu bayu lamba’na Elia, tu rondon dio mai kalena, anna sule sia bendan dio biring Yordan.

2 DATU 4:29

Nakuami Elisa lako Gehazi: Ma’tambeke’ko, tangkei tu tekkenku ammu male; ianna den tau musitammuan da musalama’i, ianna deno tau ussalama’ko da mubalii, ammu patorroi te tekkenku dao to’ lindona tu pia.

PA’PUDIAN 115:2

Ma’apari anna la sumura tu mintu’ to kapere’ kumua: Umbamira tu Kapenombanna?

PA’PUDIAN 42:10

La kukua lako Puang Matua, buntu batungku susite; ma’apari amMi tang kilalaimora’? Ma’apari angku lolang ma’pote dibolong, belanna pa’pakario-riona mintu’ ualingku?

PA’PUDIAN 42:2

Susi donga ungkabarii salu, ten dukamoto tu penaangku ungkamali’Komi, o Puang Matua.

KATASSURAN 14:22

Lumingkami tu to Israel lan tangnga tasik unnolai tu marangkena, na iatu uai butung to rinding tembo’ dio la’pekna patomali.

YEREMIA 2:6

Sia tae’ nama’kada tu tau iato mai kumua: Umbara Nanii tu PUANG, tu mangka ussolangkanni tassu’ lan mai tondok Mesir sia unnanta’kan unnolai padang aak sia kalo’tokan, misa’ padang rangke sia nabayo-bayoi kamatean, misa’ padang tu tae’ lenpa nalendu’i sia natorroi tau?

YOËL 2:17

Iatu mintu’ to minaa, iamo tu to untoe pentoeanNa PUANG, la tumangi’ lan kasiallaranna sarambi sia inan pemalaran, anna ma’kada nakua: Kasayangi tu taumMi, PUANG sia da Misa’bianganni tu taa mana’Mi la ditatta, naurunganni napoparumbasan to kapere’ tu tau iato mai. Ma’apai nala ma’kada tu mai tau dio lu mintu’ bangsa, nakua: Umbara tu Kapenombanna tau iato mai?

MARKUS 16:20

Male nasangmi tinde tau sia ma’pangada’ umba-umba nii, Natundui Puang sia Napamatoto’ tu kada iato sisola tu mai tanda kalle-kallean unturu’i.

YOHANES 14:12

Tonganna tongan Kukua mati’: Minda-minda tu umpatonganNa’, la napogau’ tu mintu’ penggauran Kupogau’, sia napogau’ tu penggauran ondong kapuana na iate, belanna Aku te la laoNa’ lako Ambe’Ku.

PENGGAURANNA RASULU’ 2:33

Iatonna pamalangka’mi lima kananNa Puang Matua sia Natarima dio mai Ambe’ tu Penaa Masallo’ diallu’, Natua’mi tu Penaa iato susite mikita sia mirangi.

TO PARENGNGE’ 6:13

Apa ma’kada tu Gideon lako nakua: O puangku, iake Narondongkan PUANG, ma’apai anna rampoimokan te mintu’na te? Umbamira tu tanda mangnga tu nauleleangkan nene’ to doloki, tu nakua: Tang PUANG raka ussolangkan lan mai Mesir? Apa totemo Nasualemokan PUANG sia Nasorongmokan tama limanna to Midian.