2 DATU 2:12 - Sura' Madatu

¹² Iatonna tiroi Elisa tu apa iato, metambami nakua: O ambe’ku, ambe’ku! Karetana sia pakkanarangna to Israel! Ta’kala natae’mo natiro. Nalalakkimi tu pakeanna, naserekki napa’dua.

2 DATU 2:12 ပူးပေါင်းရင်းမြစ်များ

KADADIAN 37:34

Naserekmi Yakub tu tamangkalena, anna pododo karoro’ sia ma’barata ba’tu pirang-pirang allo diona tu anakna.

KADADIAN 5:24

Iatu Henokh la’ka’ bang lako Puang Matua, pa’demo ia, belanna Nasolan Puang Matua langngan.

2 DATU 13:14

Iatonna masaki tu Elisa, tu saki napobannang mate, saemi tu Yoas, datu to Israel lako kalena anna tumangi’ dio olona sia ma’kada nakua: O ambe’ku, ambe’ku! Karetana sia pakkanarangna to Israel!

2 DATU 2:13

Naalami tu bayu lamba’na Elia, tu rondon dio mai kalena, anna sule sia bendan dio biring Yordan.

2 DATU 5:13

Apa attu iato saemi tu mai to mase’ponna urreke’i, anna ma’kada lako, nakua: O ambe’, ianna den misa’ apa masussa napasanangkomi tu nabi, umba mikua tang la umpogau’i? Ondong polepi totemo nakuan mannakomi: Mendio’komi ammi mondo sule?

2 DATU 6:21

Iatonna tiromi, ma’kadami tu datu to Israel lako Elisa, nakua: E ambe’ ma’dinraka la kupatei te tau iate mai?

AYUB 22:30

Ia duka tu to kasalan manassa Natundui Puang, sia tete dio kadiseroianna limammu ammu ma’din dikarimmanni.

SARAMBU PEADA’ 11:11

Bannang dio kadipamasakkeanna to bulo lollong anna dipamarua’ tu kota, apa buntu tumangna pudukna to tang mekaaluk, anna disanggang tu kota.

SARAMBU PEADA’ 30:4

Mindara tu kendek langan langi’ sia songlo’ sule dao mai, mindara urrampun angin diong pa’ka’panna? Mindara umbungku’ uai diong tamang-kalena, mindara umpamanassai tu mintu’ randan langi’? Mindara tu sanganna sia mindara sanganna tu anakna muane? Manassa mutandai.

TOMANGADA’ 7:19

Iatu kakinaan umpabu’tuan kuasa to kinaa losong na iatu kuasa naampui sangpulo to paa lan misa’ kota.

YESAYA 37:15

Massambayangmi tu Hizkia dio oloNa PUANG, nakua:

YESAYA 37:21

Attu iato mesuami Yesaya, anakna Amos, umpokadanni Hizkia kumua: Nakua kadanNa PUANG, Kapenombanna to Israel: Belanna passambayangmu lako Kaleku tu diona Sanherib, datu Asyur –,

YESAYA 37:4

Naperangii sia manii PUANG, Kapenombangki tu mintu’ kadanna kolonel, tu nasua puangna, datu Asyur, uparampoangki’, kumua anna be’sei tu Puang Matua matontongan, anNa ukungi Puang tu belanna kada iato Narangimo PUANG, Kapenombammi; melo ke mipassambayanganni tu to torro siapa, tu denna siapa.

MARKUS 16:19

Iatonna mangka ma’kada susito tu Puang Yesu lako tinde tau, tiangka’mi kendek langngan suruga, Naunno’ko’ dio kananNa Puang Matua.

LUKAS 2:15

Iatonna memboko’mo tu malaeka’ sule langngan langi’, nakuami tinde to mangkambi’ sipa’kada-kada: Maikomika duka talao lako Betlehem, untiroi tu apa dadimo dio, tu mangka dipokada, Napa’peissanan Puang lako kaleta.

LUKAS 24:51

Marassan bangsiapa umbura’i lindo masakke, nasisarakmo tinde tau, Nadiangka’ langngan suruga.

YOHANES 3:13

Moi misa’ tau tae’ kendek langngan suruga, sangadi Ia tu mangkanna songlo’ dao mai suruga, Iamotu Anak rampan dilino.

PENGGAURANNA RASULU’ 1:9

Iatonna mangka ma’kada susito, tiangka’Mi tonna mentiro lako tinde tau, anNa tileak tama gaun, natae’mo natiro tinde tau.

PENGGAURANNA RASULU’ 27:24

nakua: Da mumataku’, Paulus! Tae’ nasalai tang mennoloko dio olona datu kapua, tiromi Nasorongmo Puang Matua lako kalemu tu mintu’ to musolan massombaran.

PENGGAURANNA RASULU’ 8:2

Denmi ba’tu pira-pira to umpengkaolai Puang Matua ullamunni tu batang rabukna Stefanus, sia napotangi’-tangi’ tongan nabatingi.

2 KORINTUS 5:2

Iamoto anta sumarro indete kumua mamali’ki’ la umperrampangi tu banua lu daota mai suruga.

2 KORINTUS 5:4

Belanna iake lanpaki’ te tenda iate, sumarroki’, apa magasa pamaanta, belanna tang taporai dipopa’kale-kale, sangadinna la ditamangkaleiriki’, kumua anna kapu’i katuoan tu la matena.

EFESUS 4:8

Iamoto anna kua lan Sura’ Madatu: Iatonna kendek langngan Narampa sia Nakaloli’ tu mai to dirampa, sia mangkamo umpa’kamasean ba’tu pira-pira pamengan lako tolino.

KADA OMBO’ LAKO RASULU’ YOHANES 11:12

Tau iato mai mangka urrangi misa’ gamara kapua dao mai langi’ ungkuanni sola duai: Kendekkomi mai. Kendekmi sola duai langngan langi’ naputu’ gaun, sia mintu’ ualinna untiroi.

TO PARENGNGE’ 17:10

Ma’kadami tu Mikha lako nakua: Tatorro bangmo sola, angku poambe’komi sia angku potominaakomi; angku benkomi sangpulo sikele’ salaka sia sangpasang pakean ke sangtaunoi sia la kupakandekomi.