2 DATU 19:7 - Sura' Madatu

⁷ Manassa Aku la umpabu’tui lan penaanna, naurunganni, ke urrangimi misa’ kareba, manassa la sule lako tondokna, sia la Kubambangan nakande pa’dang lan tondokna.

2 DATU 19:7 ပူးပေါင်းရင်းမြစ်များ

2 DATU 19:28

Belanna kapabali-balian masarrangmu lako Kaleku sia kamatampoammu, tu rampomo tama pa’perangingKu, manassa Aku la umpalakoi kale’ke’Ku tu illongmu sia sanga’Ku tu sadangmu, angKu pasuleko lako tu lalan muola sae.

2 DATU 19:33

La sulemo lako tu lalan naola sae, apa tae’ nala tama kota iate, kadanNa PUANG.

2 DATU 7:6

Belanna Napa’perangiammo Puang lako surodadu to Aram tu ongngo’na, ba’tu pira-pira kareta sia gumaluntu’na darang sia arrakna sangtuntunan kapua surodadu, naurungan pantan sipa’kada tau iato mai: Manassa nasaroi datu to Israel tu datu to Het sia datu to Misraim unneaki’ sia la ullaoiki’.

2 OSSORANNA DATU 32:21

Nassuami PUANG tu misa’ malaeka’ la ussanggangi tu mintu’ pa’barani, arung sia kamandang dio to’ tendana surodadunna datu to Asyur, naurunganni sule lako tondokna natoding siri’. Iatonna tamamo banuanna deatanna, napateimi pa’dang anak dadianna.

AYUB 15:21

Iatu oni apa mepatiramban tialling lan talinganna, iake lanni kamarampasan tongan narampoimi to ma’kasanggang.

AYUB 4:9

Tete dio penaanNa Puang Matua anna sanggang tu tau iato, sia tete dio pamurru’ illongNa anNa sabu’i.

PA’PUDIAN 11:6

La Napauranni ruaya sia solo’ tu to tang mekaaluk, sia angin malallang tu taana tau iato mai.

PA’PUDIAN 50:3

Iatu Kapenombanta la sae tae’ nala ma’pakappa, dio oloNa den api la ma’pamampu’, sia naguririkkI angin bara’.

PA’PUDIAN 94:23

Ia umpapakkanni kabulitukanna tau iato mai, sia Ia la ussabu’i sola nasangi lan kakadakeanna, pissanmito la Nasabu’i PUANG Kapenombanta tu tau iato mai.

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

YEREMIA 49:14

Denmo kareba kurangi dio mai PUANG sia misa’ sumbungan puduk disua ullelei tu bangsa iato, nakua: Sirampunkomi ammi laoi tu Edom sia ke’de’komi parari!

YEREMIA 51:1

Inde sia tu kadanNa PUANG, Nakua: Manassa la Kuparampoi penaa pa’kasanggang tu Babel sia tau untorroi Indo’na to umbali-baliNa’.

YEREMIA 51:46

Da namoro’ tu penaammi ammi mataku’ tu diona kareba dirangi lan tondok, belanna den misa’ kareba la rorak lan sangtaun, na undinna pole’o den misa’ kareba senga’ lan taun ia dukato; sia la den pa’pakario-rio lan tondok iato, anna iatu mai pangulu pada siea pangulu.

OBAJA 1:1

Patiro mendeatanna Obaja. Inde sia tu kadanNa Puangta PUANG diona Edom – diori mai PUANG kinii urrangi kareba, iamotu misa’ pesua disua ullelei mintu’ bangsa, tu ma’kada nakua, Maikomi, take’de’ urrarii! –