Iatonna linona Pekah, datu Israel, saemi tu Tiglat-Pileser, datu Asyur, untalo kota Iyon. Abel-Bet-Maakha, Yanoah, Kedesh sia Hazor, Gilead sia Galilea, sia mintu’ tondok Naftali; napali’i tu pa’tondokan lako Asyur.
Dio lu mintu’ deatanna tondok iato, mindara ungkullei ullendokan tondokna lan mai kuasangku, naurunganni ma’din dukao tu PUANG urrampanan Yerusalem lan mai kuasangku?
Inde sia tu kada la miparampoan Hizkia, datu to Yehuda, kumua: Da napakenakomi Kapenombammi, tu mirannuan, kumua: Iatu Yerusalem tae’ nala disorong tama kuasanna datu Asyur.
Nakulleraka tu deatanna mintu’ bangsa, tu nasabu’i nene’ to doloku, ullendokanni tu tondok iato mai: iamotu Gozan sia Haran sia Rezef sia to umpa’tondokki Eden, lili’na Telasar?
Sia nasura’ tu misa’ sura’ tu nanii umbelle’i PUANG, Kapenombanna to Israel, sia napokada tu diona Puang nakua: Susi deatanna mintu’ bangsa lan lu tondok senga’ tae’ narampananni tu taunna lan mai kuasangku, susi dukato tu Kapenombanna Hizkia tae’ nala urrampanan taunNa lan mai kuasangku.