2 DATU 19:1 - Sura' Madatu

¹ Iatonna rangimi datu Hizkia tu iannato, naserek-serekmi tu tamangkalena, anna ma’pakean karoro’, male tama banuanNa PUANG.

2 DATU 19:1 ပူးပေါင်းရင်းမြစ်များ

KADADIAN 37:34

Naserekmi Yakub tu tamangkalena, anna pododo karoro’ sia ma’barata ba’tu pirang-pirang allo diona tu anakna.

1 DATU 21:27

Iatonna rangimi Ahab tu mintu’ kada iate, nase’bu-se’bumi tu tamangkalena, anna potamangkale karoro’, sia ma’puasa; ondongpi umbambangan kalena mennammu’ karoro’ sia napela’-pela’ lumingka.

1 DATU 21:29

Mutiromoraka, kumua iatu Ahab umpamadiongan kalena dio oloKu? Belanna umpamadiongammo kalena dio oloKu, iamoto natae’ angKu la umparampoi kamandasan ke tuopi, sangadinna angge tuonapi anakna muane, Kumane umparampoi kamandasan tu bati’na.

2 DATU 18:37

Saemi tu Elyakim, anakna Hilkia, pangulu sandan uai sia Sebna, pangulu to massura’, sia Yoah, anakna Asaf, pa’paelean, usserek-serek tamangkalena umpennoloi Hizkia, anna parampoi lako datu tu mintu’ kadanna kamandang lompo.

2 DATU 5:7

Iatonna mangkamo datu to Israel umbasai tu sura’, nase’bu-se’bumi tu tamangkalena, anna ma’kada nakua: Puang Matuara’kate, angku ma’dinra ma’pamate sia ma’patuo, na urunganni te tau iate umparampo kada lako kaleku, kumua la umpamondona’ golenna misa’ tau? Tiromi, manassamo kumua undaka’mo posanga la ungkadakeina’.

2 DATU 6:30

Iatonna rangimi datu tu mintu’ kadanna te baine, naserek-serekmi tu pakeanna; na iatonna lendu’ dao benteng tembo’, natiromi to buda kumua iatu datu ma’pakean karoro’mo.

EZRA 9:3

Iatongku rangimi te apa iate, kuserekmi tu bayu lanku lu sia bayu lamba’ku, kudu’dukki tu beluak dao mai ulungku sia kudu’dukki tu danggo’ku, angku unno’ko’ tang unnissan apa.

PA’PUDIAN 35:13

Apa iatu aku tonna masaki tau iato mai, ma’pakean karoro’na’, umpandasana’ kaleku ma’puasa, sia tu’tun tama ara’ku tu ulungku massambayang.

YESAYA 37:37

Sangtiangkarammi sule tu Sanherib, datu Asyur, anna torro dio Niniwe.

YEREMIA 36:24

Tae’ duka natiramban tu penaanna tau iato mai sia tae’ duka naserek-serekki tu pakeanna la datu la mintu’ to mase’ponna, tonna rangii tu mintu’ kada iato.

YUNUS 3:5

Napatonganmi to Niniwe tu Puang Matua, anna sangra’banan metamba, kumua anna ma’puasa tu tau, pantan ma’pakean karung randuk dio mai kapuanna sae lako bitti’na.

YUNUS 3:8

Sangadinna iatu mai tau sola patuoan la ma’pakean karung sia la napemandui metamba-tamba lako Puang Matua sia la pantan mengkatoba’ dio mai lalan kadakena sia kamasa’garan tu dio limanna.

MATIUS 11:21

Upu’ allomu, E Khorazim! Sumpu sumandakmu, e Betsaida! Belanna iakenna susinna nalan Tirus na Sidon nanni dadi tu mintu’na tanda mangnga mangka dadi lan lili’mi, tae’ natang masaimo ia namangka mengkatoba’ naumpembungku’ karoro’ sia au.

MATIUS 26:65

Usse’bu-se’bumi pakeanna tu Tominaa Kapua sia nakua: Umpa’kada solangi Puang Matua; apaopa gai’na lako kaleta tu sa’bi? Totemo mirangimo tu kada solangNa.

KADA OMBO’ LAKO RASULU’ YOHANES 11:3

La Kuben kuasa tu da’dua to ma’katottongingKu tu ma’tamangkale karoro’, ma’nubua’ sangsa’bu duaratu’ annan pulona allona.

1 SAMUEL 4:12

Lussu’mi misa’ to Benyamin dio mai pa’telangan kasirarian anna rampo lako Silo allo ia dukato, titepu-tepu bangmo tu tamangkalena sia barra’-barra’ daomo ulunna.