2 DATU 18:7 - Sura' Madatu

⁷ Iamoto Narondongi PUANG; umba-umba tu nanii male, inde to nanii maupa’. Nabalimo tu datu Asyur sia tae’mo napengkaolai.

2 DATU 18:7 ပူးပေါင်းရင်းမြစ်များ

KADADIAN 21:22

Ma’kadami tonna attu iato lako Abraham tu Abimelekh sola Pikhol, pa’baraninna, nakua: Iatu kamu narondongkomi Puang Matua lan mintu’ penggauran mipogau’.

2 SAMUEL 8:14

Sia napao’ko’i surodadu ma’kampa lan tu Edom; lan mintu’ tondok Edom napao’ko’i surodadu ma’kampa, naurunganni lumbang baka direngnge’ tu mintu’ to Edom lako Daud. Susimoto tu PUANG ungkamasei Daud kapataloan umba-umba nanii male.

2 SAMUEL 8:6

Sia napao’ko’imi Daud surodadu ma’kampa lan tu ba’tu pira-pira tondok dio Aram lili’na Damsyik, anna lumbang baka direngnge’ tu to Aram lako Daud sia umbaya’ sima. Susimoto tu PUANG ungkamasei Daud kapataloan umba-umba nanii male.

2 DATU 16:7

Nasuami datu Ahas tu ba’tu pira-pira pesua male umpennoloi Tiglat-Pileser, datu to Asyur, kumua: Akumote tu taummi sia anakmi; la malekomi urrampanangkan dio mai kuasanna datu Aram sia dio mai kuasanna datu Israel tu ke’de’mo ullaoina’.

2 DATU 17:3

Ke’de’mi tu Salmaneser, datu to Asyur, la ullaoi, apa iatu Hosea lumbang baka direngnge’ lako sia umbaya’ sima.

2 DATU 18:14

Ussuami pesua tu Hizkia, datu Yehuda, lako datu Asyur dio Lakhis, nakua: Salamo’; serekomi dio mai kaleku, na apa-apa tu mipapassananna’ la kupassan. Napapassannimi datu Asyur tu Hizkia, datu Yehuda, tallu ratu’ talenta salaka na tallungpulo talenta bulaan.

2 DATU 18:20

Misangaraka, kumua puduk bangri la dipomanarang sia la dipomatoto’ parari! Mindara miporannuan, ammi balira’?

2 OSSORANNA DATU 15:2

Malemi umpessitammui Asa, nama’kada lako nakua: Perangiina’, e Asa, sia mintu’ to Yehuda sia to Benyamin. Narondongkomi PUANG, ke mengkara’pakomi lako Kalena; iake midaka’I, manassa la miappa’; apa iake miboko’i, manassa la Naboko’i dukakomi.

2 OSSORANNA DATU 31:21

Mintu’ pengkarangan tu naparandukmo diona kapengkaolan lan banuanNa Puang Matua sia iatu Sukaran aluk sia pepasan, tu nanii undaka’ Kapenombanna, napogau’ situang kalantukan penaanna, sia maupa’ lan mintu’nato.

2 OSSORANNA DATU 32:30

Hizkia duka untampoi tu saruran Gihon tu rampe daoan, anna palolongi tu uainna rokko ma’palulako rampe matampu’na kotana Daud. Iatu mintu’ apa nagaragai Hizkia, napaupu’ marampa’.

PA’PUDIAN 1:3

Belanna sangtinti ia kayu, ditanan dio to’ randan lalan uai, tu membua ke nalambi’mi attunna, sia tang malayu tu daunna, sia mintu’ tu mai napogau’na, umpabu’tuanni kameloan.

PA’PUDIAN 46:11

Rapa’komi sia issanni kumua Akumo tu Puang Matua; Akumo tu mala’bi’ dio lu mintu’ bangsa, sia mala’bi’ lan lino.

PA’PUDIAN 60:12

Tang Kamuraka, o Puang Matua, tu mangka ussualekan? Tae’moraka Mila sun ussolan mintu’ to pararingki, o Puang Matua?

YESAYA 33:6

Tang leluk tu attummu, iamotu misa’ kaseboan kapua dio mai ma’rupa-rupa kasalamaran sia kakinaan sia kapaissanan; kapengkaolan lako PUANG iamo iananna tau iato mai.

YESAYA 36:5

Misangaraka, kumua puduk bangri la dipokamanarangan sia la dipomatoto’ parari! Mindara miporannuan, ammi balira’?

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

ROMA 8:31

Totemo apara la takua diona tu mintu’nato? Iake sisolaki’ Puang Matua mindapa la umbaliki?

TO PARENGNGE’ 1:19

Narondongmi PUANG tu Yehuda, iamoto naala nasangi tu mintu’ tondok ma’buntunna, apa tang naatta unnula’i tu tau dio padang marante, belanna tau iato unnampui kareta bassi parari.

1 SAMUEL 18:14

Iatu Daud maupa’ dio lu mintu’ lalanna, belanna Narondong PUANG.

1 SAMUEL 18:5

Ianna tassu’ male tu Daud, ke nasuaoi Saul, tontong bang patalo; iamoto anna angka’i Saul pangulu surodadu. Na iatu iannato naala penaanna to buda sia mintu’ to naala parea Saul.