2 DATU 18:32 - Sura' Madatu

³² Sae lako kasaeangku umpalelekomi lako misa’ padang tu susi padangmi, iamotu misa’ padang sebo gandungna sia uai anggoro’ ba’runna, misa’ padang sebo rotinna sia pa’lak anggoro’na, misa’ padang sebo kayu saitunna sia minna’na sia tani’ enoanna, kumua ammi tuo, da mimate. Apa da miperangii tu kadanna Hizkia, belanna napapusakomi, tu nakua: PUANG la ullendokangki’.

2 DATU 18:32 ပူးပေါင်းရင်းမြစ်များ

KADADIAN 49:11

Iatu keledai manguranna nasangkin dio to’ garonto’ anggoro’ sia iatu anak keledai birangna nasangkin dio to’ garonto’ anggoro’ mandu melo. Anna busukki tamangkalena tama to’ uai anggoro’, sia iatu bayu lamba’na tama to’ rara anggoro’.

2 DATU 17:23

sae lako attu Nanii PUANG umpatoyang to Israel dio mai oloNa, susitu mangkamo Napokada nalopian mintu’ taunNa, iamotu mai nabi. Iamoto nadipali’ tu to Israel dio mai tondokna lako tondok Asyur sae lako allo totemo.

2 DATU 17:6

Iatonna taun ma’pengkaseramo kadatuanna Hosea natalomi datu Asyur tu Samaria, anna pali’i tu to Israel lako Asyur, sia napopa’tondok dio Halah, dio biring salu Habor, iamo salu dio Gozan, sia dio lu mintu’ kota to Madai.

2 DATU 18:11

Napali’mi datu Asyur tu to Israel lako Asyur sia nabaa lako Halah, sia lako biring salu Habor, iamotu salu dio Gozan, sia lako tu mai kota to Madai.

2 DATU 19:10

Inde sia tu kada la miparampoan Hizkia, datu to Yehuda, kumua: Da napakenakomi Kapenombammi, tu mirannuan, kumua: Iatu Yerusalem tae’ nala disorong tama kuasanna datu Asyur.

2 DATU 25:11

Iatu to tinampenapa lan kota sia iatu mai to menta’pa tu malemo lako datu Babel, sia iatu mai to buda tu tinampepa napali’mo Nebuzaradan, pangulu to ma’kampa.

PA’PUDIAN 3:3

Buda tau umpokadana’ kumua: Tae’ pa’tunduanNa Puang Matua lako kalena. Sela

PA’PUDIAN 42:4

Tae’mo kukumande sangadinna uai matangku mannamo kuparra keallo kebongi, belanna nakuan bangmo’ tau kiallo kumua: Umbamira tu Kapenombammu?

KATASSURAN 3:8

Iamoto Kusonglo’ la urrampananni lan mai kuasanna to Mesir sia ussolanni tassu’ lan mai tondok iate lako misa’ tondok melo sia kalua’, iamotu misa’ tondok sebo pangandu’na sia tani’ enoan, tu napa’tondokki to Kanaan sia to Het sia to Amori sia to Feris sia to Hewi na to Yebus.

YESAYA 36:17

Sae lako kasaeangku umpalelekomi lako misa’ padang tu susi padangmi, iamotu misa’ padang sebo gandungna sia uai anggoro’ ba’ru, misa’ padang sebo rotinna sia pa’lak anggoro’na.

KADIBILANGAN 14:8

Iake naalaki’ penaanNa PUANG, manassa Nabaaki’ tama tondok iato sia Nakamaseangki’, iamotu misa’ tondok sebo pangandu’ sia tani’ enoan.

PA’TOLE 11:12

Iamotu misa’ tondok Nakaduttu’ PUANG, Kapenombammu; tontong Napemaranga PUANG, Kapenombammu, randuk pamulanna taun sae lako upu’na taun.