2 DATU 18:31 - Sura' Madatu

³¹ Da miperangii tu kadanna Hizkia, belanna nakua kadanna datu to Asyur: Menombakomi sia ussorongkomi kalemi lako kaleku, ammi pantan ungkandei tu bua anggoro’mi sia bua arami sia pantan unniru’ uai lan mai bubunmi.

2 DATU 18:31 ပူးပေါင်းရင်းမြစ်များ

KADADIAN 32:20

Sia la mikua: Iatu kaunanmi Yakub undi dio mai boko’. Belanna nakua tu Yakub lan penaanna: la kusa’po pamengan tu penaanna, tu dipopennolo kumane rampo, mangkato kumane ussitiroanni, nakambaroan siana’ manii.

KADADIAN 33:11

Karangi te pa’kasiangku tu disorongammokomi, belanna Nakamaseammo’ Puang Matua sia mintu’na apa kuampui nasang. Naparuku-rukumi naurunganni ungkarangi.

1 DATU 4:20

Iatu bilangan to Israel sia to Yehuda susi karangan dio biring tasik budanna; iatu tau iato mai kumande sia mangiru’ sia parannu-rannu.

1 DATU 4:25

Mintu’na to Yehuda sia to Israel, torro tang nairi’ angin diong to’ garonto’ anggoro’na sia garonto’ arana randuk dio mai Dan sae lako Bersyeba, angge tuona datu Salomo.

1 DATU 5:5

Manassamo kusanga la kupabendanan banua tu sanganNa PUANG, Kapenombangku, susitu kadanNa PUANG lako ambe’ku Daud Nakua: Iatu anakmu tu la Kupaunnisung dao isungan kapayungammu ussondako, iamo la umpabendananni banua iato tu sangangKu.

2 DATU 18:30

Sia da nanarankomi Hizkia la urrannuan PUANG, kumua: Manassa PUANG la ullendokangki’, naurunganni iate kota iate tae’ nadisorong tama kuasanna datu to Asyur.

SARAMBU PEADA’ 18:16

Iatu pamengan napa’bengan tau umpakalua’ lalanna sia umpopennoloi dio olona to kapua.

SARAMBU PEADA’ 27:18

Minda-minda ungkaduttu’ garonto’ ara, la nakande tu buanna, minda-minda ungkaritutui apanna puangna, la dipakaraya.

YEREMIA 14:3

Iatu mintu’ to kapuana ussua pa’kurinanna undaka’ uai; iatonna rampomo lako to’ bubun batu, tae’mo uai naapparan, anna sule lo’bang tu tau iato mai umbaa bussona; kasirisan tu tau iato mai sia maila’ anna umbungku’ ulunna.

ZAKHARIA 3:10

Attu ia dukato, kadanNa PUANGna mintu’ ma’dandan maritik la pada mitambai tu solami diong lu garonto’ anggoro’ sia diong lu garonto’ saitun.