2 DATU 18:27 - Sura' Madatu

²⁷ Apa nakua tu kamandang lompo lako tau iato mai: Nasuara’ka puangku umparampoi te mintu’ kada iate lako puangmi sia lako kalemi? Tang lakoraka tu mintu’ to unno’ko’ dao rinding tembo’ la dinii umparampoi, tu la misisolan ungkande tainna sia unniru’ tenena?

2 DATU 18:27 ပူးပေါင်းရင်းမြစ်များ

2 DATU 18:17

Mangkato nasuami datu Asyur tu kamandang ma’iringanna sia pangulu to mase’ponna datu sia kamandang lompo dio mai Lakhis sola sangtuntunan surodadu matoto’ lako Yerusalem, lako datu Hizkia. Ke’de’mi tu tau iato mai anna rampo lako Yerusalem. Iatonna rampomo, ma’kaponanmi sikandappi’ saruran limbong iringna dao dio lalan ma’palulakona padang pamusoran sampin bulu domba.

2 DATU 18:26

Nakuami tu Elyakim, anakna Hilkia sia Sebna sia Yoah lako kamandang lompo: Melo ke ma’basa Aramkomi umpa’kadaikanni, belanna kitandai sia; ke ma’dinni da mima’basa Yehuda ma’kada lako kaleki dio pa’peranginna mintu’ to buda, tu dao rinding tembo’.

2 DATU 18:28

Malemi lako tingayo tu kamandang lompo, anna metamba umpekapuai gamaranna ma’basa Yehuda, nakua: Perangiimi tu kadanna datu kapua, iamotu datu Asyur.

2 DATU 6:25

Narampoimi karorian pannang tu Samaria, belanna masai tongan napatama limbu tau iato mai tu kota iato, naurungan misa’ ulu keledai karua pulona sikele’ allinna, na sangtepo ka’ tai bu’ku’ lima sikele’.

PA’PUDIAN 73:8

Tau iato mai ma’telle-telle sia malla’ penaanna umpokada pa’pakario-rio; sia madongnga’ ma’kada.

YESAYA 36:12

Nakuami kolonel: Nasuara’ka puangku umparampoi te mintu’ kada iate lako puangmi sia lako kalemi? Tang lakoraka tu mintu’ to dao tembo’ benteng la dinii umparampoi, tu la misisolan ungkande tainna sia unniru’ tenena?

BATING 4:4

Iatu pia’-pia’ sumusupa, la’ka’ tu lilana langngan lingarona napobua’ kama’rangan, iatu mai pia umpalaku roti, apa moi misa’ tau tae’ untadoanni.

BATING 4:5

Iatu to ma’pemammi’ bang kumande limpumo mangelo dio lu mintu’ lalan; iatu to ditaranak mamma’ dao sampin karamisi, urraka’mo pa’rampunan au.

YEHEZKIEL 4:13

Ma’kadami tu PUANG, Nakua: Susimoto tu to Israel la ungkande roti maruttakna dio lu mintu’ bangsa, tu padangna Kunii la ussualei tu tau iato mai.

YEHEZKIEL 4:15

Ma’kadami lako kaleku Nakua: Manassa la Kuelorangko umpakei tu tai sapi la mupasondana tai tau; iamoto tu la mupanggaragai rotimmu.