2 DATU 18:17 - Sura' Madatu

¹⁷ Mangkato nasuami datu Asyur tu kamandang ma’iringanna sia pangulu to mase’ponna datu sia kamandang lompo dio mai Lakhis sola sangtuntunan surodadu matoto’ lako Yerusalem, lako datu Hizkia. Ke’de’mi tu tau iato mai anna rampo lako Yerusalem. Iatonna rampomo, ma’kaponanmi sikandappi’ saruran limbong iringna dao dio lalan ma’palulakona padang pamusoran sampin bulu domba.

2 DATU 18:17 ပူးပေါင်းရင်းမြစ်များ

2 DATU 14:19

Sipakulu-kulumi tu tau unneai dio Yerusalem, anna mallai tu datu lako Lakhis, apa mesua tu tau iato mai unnula’i lako Lakhis, anna patei dio.

2 DATU 18:16

Iatonna iato nakalopakkimi Hizkia tu bulaan dio mai mintu’ ba’ba sia lentong banua kabusunganna PUANG tu napale’ke’ Hizkia, datu Yehuda; anna sorongi lako datu Asyur.

2 DATU 19:23

Tete dio sumbungan pudukmu ammu be’sei tu PUANG, sia ma’kada kumua: Kabudanna karetaku angku kendekki tu bottona buntu sae lako malangka’na Libanon; sia kulelleng tu mintu’ garonto’ arasi’ kalandona, sia mintu’ sendana mellongna, sia la rampona’ tama inan mandalanna sia tama pangala’ tamman makampunna.

2 DATU 19:6

Ma’kadami Yesaya lako tau iato mai nakua: Inde sia tu kada la miparampoan puangmi, kumua: Nakua kadanNa PUANG: Da mukataku’i tu mintu’ kada, mangka murangi, tu napokada to mase’ponna datu Asyur umpa’kada solangiNa’.

2 DATU 20:20

Iatu tang dipokadannapa tu mintu’ tuna’na Hizkia, sia mintu’ penggauran lalongna, sia umba nakua unggaragai tu limbong sia saruran sia umpatama kota uai, tang tisura’moraka lan sura’ ossoranna mintu’ datu Yehuda?

2 OSSORANNA DATU 12:4

Natalomi tu mintu’ kota ditambakuku tu nalili’ Yehuda, natarru’ lako Yerusalem.

2 OSSORANNA DATU 32:9

Mangkato nasuami Sanherib, datu Asyur, tu taunna lako Yerusalem, tonna torropa sola mintu’ surodadunna dio tingo Lakhis, umpellambi’i Hizkia, datu Yehuda, sia mintu’ to Yehuda, tu diapparan lan Yerusalem, nakua:

YESAYA 20:1

Iatonna taun nasaean kamandang lompo lako Asdod, nasua Sargon, datu Asyur lao ullaoi anna taloi.

YESAYA 36:2

Nasuami datu Asyur tu kolonel dio mai Lakhis lako Yerusalem umpangului buda surodadu la ullaoi datu Hizkia, anna torro tu tau iato mai sikandappi’ saruran limbong tu iringna dao, dio lalan ma’palulakona padang pamusoran sampin bulu domba.

YESAYA 7:3

Ma’kadami tu PUANG lako Yesaya Nakua: Maleko sola anakmu muane Syear Yasyub umpessitammui Ahas lako saruran limbong iringna daona lu, lu lako lalan padang pamusoran sampin bulu domba,