2 DATU 18:14 - Sura' Madatu

¹⁴ Ussuami pesua tu Hizkia, datu Yehuda, lako datu Asyur dio Lakhis, nakua: Salamo’; serekomi dio mai kaleku, na apa-apa tu mipapassananna’ la kupassan. Napapassannimi datu Asyur tu Hizkia, datu Yehuda, tallu ratu’ talenta salaka na tallungpulo talenta bulaan.

2 DATU 18:14 ပူးပေါင်းရင်းမြစ်များ

1 DATU 20:4

Mebalimi tu datu to Israel nakua: Susitu kadammi, puangku datu, aku te taummina’ sia mintu’ tu mai apa kuampui.

2 DATU 10:5

Mesuami tu pangulu to mase’ponna datu sia kamandang kota sia iatu mai pekaamberan sia to ma’pangada’ lako Yehu, nakua: Iate kamite taummikan, iatu mintu’ parentami kidudung, moi misa’ tau tae’ra kiangka’ datu; apa iatu misanganna melo, pogau’mi.

2 DATU 14:19

Sipakulu-kulumi tu tau unneai dio Yerusalem, anna mallai tu datu lako Lakhis, apa mesua tu tau iato mai unnula’i lako Lakhis, anna patei dio.

2 DATU 15:20

Iatu mintu’ doi’ napalaku Menahem dio mai to Israel, iamotu dio mai mintu’ to sugi’, anna benni datu Asyur, silimangpulo sikele’ salaka ke misa’oi tau. Mangkato sulemi tu datu Asyur tae’ natorro lan tondok iato.

2 DATU 18:7

Iamoto Narondongi PUANG; umba-umba tu nanii male, inde to nanii maupa’. Nabalimo tu datu Asyur sia tae’mo napengkaolai.

2 DATU 19:8

Iatonna sulemo tu kamandang lompo narampoimi tu datu Asyur marassan sirari Libna, belanna denmo kareba narangi umpokadai, kumua ke’de’mo dio mai Lakhis.

SARAMBU PEADA’ 29:25

Kamatakuran lako tau, iamo untananan poya kaleta, apa minda-minda tu umposande’ PUANG, mentilindung dio inan marampa’.

YEREMIA 34:7

tonna marassan tu surodaduanna datu Babel urrarii Yerusalem sia iatu mai kota Yehuda tu torronapa iamotu Lakhis sia Aseka, belanna ia mannamo te mai tu kota Yehuda ditambakuku tu torronapa.

LUKAS 14:32

Iake tang natananni, nasua tu pesuanna loo umpokada kasitaman su’ding mambelapi tu uali.