2 DATU 18:12 - Sura' Madatu

¹² Belanna tae’ naperangii tau iato mai tu PUANG, Kapenombanna, sangadinna natengkai tu basseNa; iamotu mintu’ apa Napepasanan lako Musa, taunNa PUANG; tae’ naperangii sia tae’ napogau’i.

2 DATU 18:12 ပူးပေါင်းရင်းမြစ်များ

1 DATU 9:6

Apa iatu kamu sola anakmi muane, ke toyangkomi dio mai Kaleku sia tae’ mituru’Na’, sia tae’ mikaritutui tu pepasanKu sia tu apa Kupondok, tu Kupatuduangkomi, sangadinna malekomi umpengkaolai sia tukku umpenombai tu kapenomban senga’,

2 DATU 21:8

Tae’mo Kula umpatengkai tu lette’na to Israel lan mai tondok tu mangka Kukamasean nene’ to dolona, podo ke nakaritutui tu mintu’ apa Kupasan lako sia mintu’ sukaran aluk tu mangka napasan Musa, taungKu, lako tau iato mai.

NEHEMIA 9:17

Mengkailing tu tau iato mai ma’perangi sia tae’ nakilalai tu mintu’ tanda mangnga mangka Mipogau’ dio lu tau iato mai sia napabattuk tu penaanna sia unnangka’ misa’ pangulu lan kapabali-balianna la sule lako kakaunananna. Apa Kamumo tu Kapenomban ma’pagarri’ sia maturu-turu, sia mamase sia kalando pesuka’ sia kapua kamasokanamMi sia tae’ Mitampei tu tau iato mai.

PA’PUDIAN 107:17

Iatu to baga narua parri’, natumang gau’ tang malolona sia mintu’ kakadakeanna.

PA’PUDIAN 78:10

Tae’ anna toe manda’i tu basseNa Puang Matua sia manoka unturu’ atoran Sukaran alukNa.

PA’PUDIAN 81:12

Apa iatu taungKu noka umperangiiNa’, sia tae’ naporaiNa’ to Israel.

YESAYA 1:19

Iake la moraikomi mengkaola sia ma’perangi, manassa la mikande tu bura maelona te padang.

YEREMIA 3:8

Apa Kutiro, tongKu mangka untibei tu Israel, to sorong boko’ sia Kuben sura’ kasitantangan belanna diona mintu’ gau’ sala napogau’, iaomi tu Yehuda sangbainena to tang maruru’, tae’ namataku’, sangadinna male duka ma’gau’ sala;

YEREMIA 7:23

sangadinna pepasan iate Kupokadan tau iato mai, kumua: La miperangii te kadangKu, iake susito iate Aku te KapenombammiNa’ na kamu taungKukomi; la mituru’ tu mintu’ lalan Kupasanangkomi, ammi makarimman.

YEHEZKIEL 11:12

Ammi tandai, kumua Akumo tu PUANG, tu tae’ mituru’i tu apa Napondok sia tae’ mikaritutui tu aturanNa, sangadinna mikaritutui tu atoranna mintu’ bangsa untikuikomi.

DANIEL 9:5

Kasalammokan sia patodo tinting, tang mekaalukmokan sia pabali-bali; untanannimokan boko’ pepasanMi sia atoramMi.

AMOS 2:6

Inde sia tu kadanNa PUANG, Nakua: Belanna tallu tu kapatodo-tintinganna Israel, ondongpi belanna a’pa’, iamoto natae’ Kula undampai umparampoi ukungan. Belanna ungkamorai doi’ anna balukanni tu to malambu’ sia nabalukan tu to bongko sangpasang sepatu.

MIKHA 3:4

Attu iato la metamba-tamba tu tau iato mai lako PUANG, apa tae’ Nabalii, sangadinna la Nabunian lindoNa, belanna ma’gau’ kadakemo tu tau iato mai.

KADIBILANGAN 12:7

Apa tae’ Kupasusi to tu taungKu Musa tu manappa’ lan mintu’ banuangKu.

PA’TOLE 11:28

apa tampak ropu, ke tae’i miperangii tu mintu’ pepasanNa PUANG, Kapenombammi, sia sumepangkomi dio mai lalan, tu kupepasanan lako kalemi totemo, kemenombakomi unturu’ kapenomban senga’, tu tae’ mitandai.

PA’TOLE 31:16

Ma’kadami tu PUANG lako Musa, Nakua: Manassa la malemoko tama batu dilobang dipasola nene’ to dolomu, na iatu bangsa iate la male unturu’ kapenomban senga’na tondok, tu nanii tama, susito pasandak salu lako rampanan kapa’ sia la umboko’iNa’ sia umpoka basseKu, tu mangka Kutanan sola.

PA’TOLE 31:17

Allo iato la re’dek ara’Ku unta’pai, angKu boko’i sia Kubunian lindoKu, anna pisan tu tau iato sia buda kamandasan sia kapussakan urrampoi. Allo iato la ma’kada nakua: Tangiaraka napobannang to tu kamandasan urrampoiki’, belanna tae’ tu Kapenombanta tasisolan?

PA’TOLE 34:5

Pakalan matemi tu Musa, taunNa PUANG, dio, lan tondok Moab, susitu kadanNa PUANG.

PA’TOLE 8:20

Susitu mintu’ bangsa, tu Namangsanni PUANG belanna kamu, iamoto la mangsan dukakomi, belanna manokakomi umperangii tu gamaranNa PUANG, Kapenombammi.

2 TESALONIKA 1:8

situang api ma’lana-lana, anNa pabala’i tu to untumpu Puang Matua sia iatu to manoka umpengkaolai Kareba-kaparannuanNa Puangta Yesu.

2 TIMOTIUS 2:24

Tae’ napato’ tu taunNa Puang massigaga, sangadinna mabalele lako mintu’ tau, manarang mangada’i sia umpama’tanan penaa kakadakean;

YOSUA 1:1

Iatonna matemo tu Musa, taunNa PUANG, ma’kadami PUANG lako Yosua, anakna Nun, to marengke’na Musa, Nakua:

1 PETRUS 2:8

sia: Misa’ batu katitodoan sia buntu batu ma’pamatana’, tu nanii titodo tau iato, belanna tae’ anna turu’i tu kadanNa Puang Matua; dilampakmo tu tau iato mai lako apa iato.

1 PETRUS 4:17

Belanna nalambi’mo attunna tu to lan banuanNa Puang Matua randuk dipaolai salunna, apa iake kita te tu nanii randuk, apara katampakanna tu mintu’ to tang unturu’ Kareba-kaparannuanNa Puang Matua?