2 DATU 18:1 - Sura' Madatu

¹ Iatonna taun ma’pentallun kadatuanna Hosea, anakna Ela, datu to Israel, dadimi datu tu Hizkia, anakna Ahas, umparenta to Yehuda.

2 DATU 18:1 ပူးပေါင်းရင်းမြစ်များ

2 DATU 15:30

Iatu Hosea, anakna Ela, umpadenmi kasipakulu-kuluan unnea Pekah, anakna Remalya; napateimi anna ia ussondai dadi datu tonna taun ma’penduangpulo kadatuanna Yotam, anakna Uzia.

2 DATU 16:2

Iatu Ahas duangpulomo taunna, tonna dadi datu; ma’parentami sangpulo annan taunna dio Yerusalem. Tae’ napogau’ apa malolo dio pentiroNa PUANG, Kapenombanna, susi Daud, nene’ to dolona.

2 DATU 16:20

Iatu Ahas tamamo batu dilobang dipasola nene’ to dolona, anna dipeliang dipasola nene’ to dolona, lan kotana Daud, anna Hizkia, anakna muane, ussondai dadi datu.

2 DATU 17:1

Iatonna taun ma’pessangpulo dua kadatuanna Ahas, datu Yehuda, dadimi datu tu Hosea, anakna Ela, umparenta to Israel dio Samaria; anna ma’parenta kasera taunna.

2 DATU 18:9

Iatonna taun ma’penna’pa’na kadatuanna Hizkia, iamotu taun ma’pempitu kadatuanna Hosea, anakna Ela, datu Israel, ke’de’mi tu Salmaneser, datu Asyur, ullaoi Samaria sia umpatama limbui.

1 OSSORANNA DATU 3:13

na iatu anakna muane Yotam iamotu Ahas, na iatu anakna muane Akhas iamotu Hizkia, na iatu anakna muane Hiskia iamotu Manasye,

2 OSSORANNA DATU 28:27

Iatu Ahas malemo tama batu dilobang sola nene’ to dolona, anna dipeliang lan kota, lan Yerusalem, apa tae’ napatamai tau liangna mintu’ datu Israel. Na Hizkia, anakna muane, ussondai dadi datu.

2 OSSORANNA DATU 29:1

Iatu Hizkia duangpulomo llima taunna, tonna dadi datu, anna ma’parenta duangpulo ngkasera taunna dio Yerusalem. Iatu indo’na disanga Abia, anakna Zakharia.

2 OSSORANNA DATU 29:29

Iatonna mangkamo memala’ tu tau iato mai, malinguntu’mi tu datu sola mintu’ tau nasolan, anna tukku menomba.

MIKHA 1:1

Inde sia tu kadanNa PUANG rampo lako Mikha, to Moresyet, tu natiro diona a’ganna Samaria sia Yerusalem, tonna linona Yotam, Ahas sia Hizkia, datunna Yehuda.