2 DATU 17:8 - Sura' Madatu

⁸ sia unturu’ atoranna mintu’ bangsa tu Naula’i PUANG dio mai tingayona to Israel sia mintu’ apa napondok tu mai datu to Israel.

2 DATU 17:8 ပူးပေါင်းရင်းမြစ်များ

1 DATU 12:28

Nabisarami datu tu iannato, anna garagai da’dua anak sapi bulaan, nakuami lako tau iato mai: Lendu’mo maparri’na, ke malekomi langngan Yerusalem; iamote tu deatammi, e to Israel, tu mangka ussolangkomi sun lan mai tondok Mesir.

1 DATU 21:26

Iatu gau’na megallian liu, belanna mengkaola lako deata, lan mintu’na tu napogau’ to Amori, tu Naula’i PUANG dio mai olona to Israel.

2 DATU 16:10

Malemi tu datu Ahas lako Damsyik umpessitammui Tiglat-Pileser, datu to Asyur. Iatonna tiromi tu inan pemalaran dio Damsyik, napa’peanni datu Ahas to minaa Uria tu pattana sia misa’ pandiri tu susi bang inan pemalaran iato.

2 DATU 16:3

Sangadinna unturu’ bate lalanna mintu’ datu to Israel. Sia api napamaindananni tu anakna susi penggauran megallianna mintu’ bangsa tu Naula’i PUANG dio mai tingayona to Israel.

2 DATU 17:19

Ia duka tu mai to Yehuda tae’ nakaritutui tu pepasanNa PUANG, Kapenombanna, sangadinna unturu’ mintu’ aluk napoaluk to Israel.

2 DATU 17:40

Apa tae’ naperangii tau iato mai, sangadinna tontongpa unturu’ aluk dolona.

2 DATU 21:2

Napogau’mi tu apa kadake dio pentiroNa PUANG, susitu penggauran megallianna mintu’ bangsa tu Naula’i PUANG dio mai tingayona to Israel.

PA’PUDIAN 106:35

Sangadinna umpasirau ta’nak to kapere’ kalena, anna peolai tu mintu’ penggauranna.

KATASSURAN 23:24

Da mutukku umpenombai tu deatanna tau iato mai sia da mupengkaolai sia da muturu’i tu penggauranna, sangadinna la musabu’i nasang tu iannato sia la musanggang-sanggang tu mintu’ batu napa’deatainna.

YEREMIA 10:2

Inde sia tu kadanNa PUANG, Nakua: Da mipeolai tu lalanna mintu’ bangsa sia da mipotirambanni tu mintu’ tanda dao langi’, belanna napotiramban mintu’ bangsa.

YEHEZKIEL 5:6

Apa tang mekaaluk umbali-bali atorangKu losong na iatu mintu’ bangsa sia umbali-bali apa Kupondok losong na iatu mintu’ tondok tiku lao, belanna natibemo tau iato mai tu atorangKu sia tae’mo nalolang unturu’ mintu’ apa Kupondok.

HOSEA 5:11

Iatu Efraim dipakario-riomo, sia disanggangmo napobua’ salunna, belanna naala penaanna male unturu’ apa tae’ gai’na.

SURA’ KATOMINAAN 18:3

Da mipogau’i tu aluk napogau’ tau lan tondok Mesir, tu mangka minii torro; da mipogau’i tu aluk napogau’ tau lan tondok Kanaan, tu inan Kunii ussolangkomi; da mituru’i tu aluk napondok tau iato mai.

SURA’ KATOMINAAN 26:1

Da migaragan kalemi rapang-rapang dipodeata; iamotu mai rapang-rapang dipodeata dipa’, ba’tu batu dipodeata da mipabendananni kalemi; susi duka tu batu dia’ga rapang-rapang da mipabendanni lan tondokmi, ammi tukku umpenombai, belanna Akumo tu PUANG, Kapenombammi.

MIKHA 6:16

Belanna mintu’ tu apa napondok Omri dikaritutui sia mintu’ penggauranna to lan banuanna Ahab, sia lolangko unturu’ pa’timbanganna, kumua angKu popendadiko misa’ apa metirambanan sia iatu mintu’ pa’tondokkanna la Kupadadi misa’ apa ditatta; susimokomito la umpassanni tu kadilo’boanna taungKu.

PA’TOLE 18:9

Iake rampomoko tama tondok, tu la Nabenko PUANG, Kapenombammu, da mupelada’i unturu’ gau’ megallianna tu bangsa iato.