2 DATU 17:7 - Sura' Madatu

⁷ Ia sia nadipasusito tu to Israel, belanna kasalan lako PUANG, Kapenombanna, tu mangka ussolanni tu tau iato mai lan mai tondok Mesir, dio mai kuasanna Firaun, datu Mesir, sia belanna menomba lako kapenomban senga’,

2 DATU 17:7 ပူးပေါင်းရင်းမြစ်များ

1 DATU 11:4

Belanna iatonna matuamo tu Salomo, napasepangmi mintu’ bainena tu penaanna umpenombai kapenomban senga’, naurunganni tae’mo nalantuk tu penaanna lako PUANG, Kapenombanna, susi Daud, ambe’na.

1 DATU 15:3

Naturu’ bang tu mintu’ kasalanna ambe’na, tu napogau’ ambe’na dolona, sia iatu penaanna tang lantuk langngan PUANG Kapenombanna, susi kalantukanna penaanna Daud, nene’ to dolona.

2 DATU 16:2

Iatu Ahas duangpulomo taunna, tonna dadi datu; ma’parentami sangpulo annan taunna dio Yerusalem. Tae’ napogau’ apa malolo dio pentiroNa PUANG, Kapenombanna, susi Daud, nene’ to dolona.

2 DATU 17:35

Belanna iatu to Israel Nanii PUANG untanan basse sia mepasan lako Nakua: Da’ mipakaraya kapenomban senga’ sia da’ mipengkaolai sia da’ mipennoloan pemala’ lako.

1 OSSORANNA DATU 5:25

Apa tau iato mai tang maruru’ lako Kapenombanna nene’ to dolona sia ma’gau’ salamo unturu’ deatanna mintu’ bangsa lan tondok, tu mangka Nasabu’i Puang Matua dio tingayona.

2 OSSORANNA DATU 36:5

Iatu Yoyakim duangpulomo llima taunna, tonna dadi datu, anna ma’parenta sangpulo misa taunna dio Yerusalem. Napogau’mi tu apa kadake dio pentiroNa PUANG, Kapenombanna.

NEHEMIA 9:26

Apa iatu tau iato mai pabali-bali sia naeaKomi sia natibe lako boko’na tu sukaran alukMi sia napatei tu mai nabimMi, tu unnada’i la umpasulei tu tau iato mai lako Kalemi, sia umpogau’ apa tarru’ megi’giran.

PA’PUDIAN 78:12

Dio tingayona nene’ to dolona Nanii Puang umpogau’ ba’tu pira-pira tanda kalle-kallean dio tana Mesir, dio padang Zoan.

KATASSURAN 20:2

Akumo PUANG, Kapenombammu, tu ussolangko sun lan mai tondok Mesir, dio mai inan munii dipokaunan.

YESAYA 57:5

E kamu, to umpasau kamoraiammi dio to’ garonto’ kayu tarpin sia diong lu mintu’ garonto’ kayu maluna; sia kamu tu urrere’ anakmi diong lu mintu’ lombok sia lan lu mintu’ sapak buntu batu.

YEREMIA 10:5

Iatu rapang-rapang dipodeata iato susi payo-payo lan pa’lak katimun tang naissan ma’kada-kada; dibulle bangpi, belanna tang naissan lumingka. Da mikataku’i, belanna tae’ napogau’ kadake, sia umpogau’ kameloan tae’ duka dio kalena.

YEHEZKIEL 39:24

Sitinayanna kamaruttakanna sia kapatodotintinganna, angKu gau’i tu tau iato mai sia Kubunian lindoKu.

HOSEA 12:14

Apa tete dio misa’ nabi anNa solanni PUANG tu to Israel lan mai Mesir, sia tete dio misa’ nabi anna dikambi’i.

HOSEA 4:12

Iatu taungKu mekutana lako kayunna, natekkenna ma’patudu. Belanna misa’ penaa ma’patudu lako gau’ sala umpapusa tau iato mai, naurunganni ma’gau’ sala umboko’i Kapenombanna.

HOSEA 4:13

Umbaa pemala’ dao lu bottona mintu’ buntu sia umpennoloan pemala’ ditunu dao lu mintu’ tanete, iamo tu diong to’ garonto’ pallin, libne sia tarpin, belanna masakka’ naonganni. Iamoto anna ma’gau’ sala tu anakmi baine sia pasandak salu tu minintummi baine.

PA’TOLE 31:29

Belanna kutandai, kumua, iangku matemo, la umpagau’komi kabulitukan tongan sia sumepangkomi dio mai lalan tu mangka kupepasanan lako kalemi. Iamoto la narampoikomi kasanggangan undinna, ke mipogau’i tu apa kadake dio pentiroNa PUANG sia mipamapa’di’ tu penaanNa diona panggaraga limammi.

YOSUA 23:16

Iake milendai tu basse, tu Naallurangkomi PUANG, Kapenombammi, ammi male umpengkaolai sia tukku umpenombai kapenomban senga’, manassa la ma’lulu-lulu tu kasengkeanNa PUANG lako kalemi sia la madomi’komi disanggangi lan mai tondok ballo tu Nakamaseangkomi Puang.

TO PARENGNGE’ 6:10

Sia ma’kadaMo’ lako kalemi, Kukua: Akumo tu PUANG, Kapenombammi; da mipenombai deatanna to Amori, tu minii ma’tondok. Apa tang miperangii tu kadangKu.