2 DATU 17:36 - Sura' Madatu

³⁶ Sangadiri PUANG tu ussolangkomi tassu’ lan mai tondok Mesir tete dio kamatotoran kapuaNa sia tete dio lima tie’te’Na, manassa Iamo la mipangke’, sia la minnii tukku menomba sia lakori la minnii umpennoloan pemala’.

2 DATU 17:36 ပူးပေါင်းရင်းမြစ်များ

1 DATU 8:42

– belanna narangi tau tu sanga pasareongamMi sia lima matoto’Mi sia takia’ tiangka’Mi –, sia iake saei massambayang lan banua iate,

2 DATU 17:39

Sangadinna la mipakaraya tu PUANG, Kapenombammi; iake susito Puang duka la urrampanankomi dio mai limanna ualimmi.

PA’PUDIAN 136:12

Tete dio lima matoto’ sia takia’ tie’te’, belanna iatu kamasokananNa tang tileluk sae lakona.

KATASSURAN 14:15

Ma’kadami tu PUANG lako Musa, Nakua: Ma’apai ammu meongli’ lako kaleKu? Suai tu to Israel male indete.

KATASSURAN 6:6

La Kuangka’komi dadi taungKu angKu dadi Kapenombammi, ammi issanni, kumua Akumo tu PUANG, Kapenombammi, tu urrampanangkomi dio mai pa’diaman napabokkokangkomi to Mesir.

KATASSURAN 9:15

Moi totemote ma’din Kuangka’ tu limangKu umparampoiko ropu sia mintu’ taummu, ammu mangsan dao mai kuli’na padang.

YEREMIA 32:21

Sia Kamumo tu ussolan taumMi, to Israel, tassu’ lan mai tondok Mesir tete dio ba’tu pira-pira tanda kalle-kallean sia tanda mangnga sia tete dio lima matoto’ sia takia’ tie’te’ sia tete dio apa mandu metakuran.

SURA’ KATOMINAAN 19:32

La ke’de’ko dio tingayona to keuban sia kasiri’i tu to matua sia kataku’i tu Kapenombammu: Akumo tu PUANG.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

PENGGAURANNA RASULU’ 4:30

amMi unne’te’ lima kuasamMi la umpamaleke tau, anna dadi tu mai tanda mangnga sia tanda kalle-kallean tete dio sanganNa Yesu To masallo’Mi.

PA’TOLE 10:20

La mukataku’ tu PUANG Kapenombammu, sia la mupengkaolai sia la’ka’ko lako sia umpalaoko sumpa tete dio sanganNa.

PA’TOLE 5:15

Belanna la mukilalai, kumua mangkamoko kaunan lan tondok Mesir, sia mangkamoko Nasolan PUANG, Kapenombammu, tassu’ lan mai tete dio lima mawatang sia takia’ tie’te’; iamoto Napasanko PUANG, Kapenombammu, ungkaritutui tu allo katorroan.

PA’TOLE 6:12

Attu iato kanandai tu kalemu, da mukalupai tu PUANG, tu ussolangko tassu’ lan mai tondok Mesir, lan mai inan minii dipokaunan.

PA’TOLE 6:13

Iatu PUANG, Kapenombammu, la mukataku’ sia la mupengkaolai sia la umpalaoko sumpa tete dio sanganNa.

KADA OMBO’ LAKO RASULU’ YOHANES 15:4

Mindara tu tang mataku’, o Puang, sia tang umpakala’bi’ sangamMi? Belanna kamu manna tu maindan, na mintu’ bangsa la mennolo sia umpenombaiKomi, apa payanmo tu mintu’ pangra’ta’ malambu’Mi.