2 DATU 17:3 - Sura' Madatu

³ Ke’de’mi tu Salmaneser, datu to Asyur, la ullaoi, apa iatu Hosea lumbang baka direngnge’ lako sia umbaya’ sima.

2 DATU 17:3 ပူးပေါင်းရင်းမြစ်များ

2 SAMUEL 8:2

Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.

2 SAMUEL 8:6

Sia napao’ko’imi Daud surodadu ma’kampa lan tu ba’tu pira-pira tondok dio Aram lili’na Damsyik, anna lumbang baka direngnge’ tu to Aram lako Daud sia umbaya’ sima. Susimoto tu PUANG ungkamasei Daud kapataloan umba-umba nanii male.

2 DATU 15:19

Ke’de’mi tu Pul, datu to Asyur, la ullaoi tondok Israel, apa nasorongan Menahem, sangsa’bu talenta salaka tu Pul, kumua anna tundui umpabantangi tu kadatuan iato lan limanna.

2 DATU 15:20

Iatu mintu’ doi’ napalaku Menahem dio mai to Israel, iamotu dio mai mintu’ to sugi’, anna benni datu Asyur, silimangpulo sikele’ salaka ke misa’oi tau. Mangkato sulemi tu datu Asyur tae’ natorro lan tondok iato.

2 DATU 15:29

Iatonna linona Pekah, datu Israel, saemi tu Tiglat-Pileser, datu Asyur, untalo kota Iyon. Abel-Bet-Maakha, Yanoah, Kedesh sia Hazor, Gilead sia Galilea, sia mintu’ tondok Naftali; napali’i tu pa’tondokan lako Asyur.

2 DATU 17:2

Napogau’mi tu apa kadake dio pentiroNa PUANG, apa tae’ nasusi kadakena tu napogau’ mintu’ datu to Israel tu dolo anna ia.

2 DATU 17:4

Apa naapparan datu Asyur tu Hosea umpaden kasipakulu-kuluan, belanna ussua pesua lako So, datu Mesir, sia tang massima dukamo lako datu Asyur, susitu biasanna ke taunoi, iamoto natingkanni datu Asyur sia napattang lan pa’tarungkuan.

2 DATU 18:31

Da miperangii tu kadanna Hizkia, belanna nakua kadanna datu to Asyur: Menombakomi sia ussorongkomi kalemi lako kaleku, ammi pantan ungkandei tu bua anggoro’mi sia bua arami sia pantan unniru’ uai lan mai bubunmi.

2 DATU 18:7

Iamoto Narondongi PUANG; umba-umba tu nanii male, inde to nanii maupa’. Nabalimo tu datu Asyur sia tae’mo napengkaolai.

NEHEMIA 9:32

Totemo, o Kapenombangki, Kapenomban pasareongan, mawatang sia dikabangnga’, tu ungkaritutui basse sia kamasokanan, da Misanga maringanni tu mintu’ kamandasan urruakanni, la datungki la pangulungki, la tominaangki la nabingki la nene’ todoloki sia mintu’ taumMi, randuk dio mai linona datu Asyur sae lako allo iate.

YESAYA 17:4

Attu iato iatu kamala’biranna Yakub la sosso’ sia iatu kamalompoanna kalena la tilao.

YESAYA 8:8

La tarru’ lu tama Yehuda anna tu’ba’i sia nalempa’i, naurungan ullambi’i tu barokona, anna samboi pani’na tu mintu’ padangmi, e Imanuel!

YEHEZKIEL 23:5

Iatu Ohola ma’gau’ sala, tongKu sisolapa; sia ungkamali’ mintu’ sangmatuanna, to Asyur, iamotu to mase’ponna datu,

HOSEA 10:14

Iamoto anna dadi tu kamarukkan unnea bangsamu, sia la disanggang tu mintu’ kota bentengmu, susi Salman ussanggang Bet-Arbel, tonna bendan kasirarian, tonna pessambakanni tu indo’ sola anakna.

HOSEA 10:4

Tau iato mai ma’kada tang kebattuan: umpalao sumpa tang tongan sia untanan punala basse. Sia la bu’tu tu ukungan susi lelating tuo lan lu gorri’ pa’lak.

HOSEA 8:10

Moi anna tarima pamengan dio lu mintu’ bangsa, manassa la Kurampun tu tau iato mai; sidi’ri la naappa’ kenarannuanni tu kada pangra’ta’na datunna mintu’ arung.

SURA’ KATOMINAAN 26:25

sia la Kuparampoikomi pa’dang, anna pabala’i tu basse mipoka; iammi sirampunmo lan kotami, manassa la Kupasaeangkomi ropu, ammi disorong lako ualimmi.