2 DATU 17:27 - Sura' Madatu

²⁷ Mesuami tu datu Asyur nakua: Solanni lako tu misa’ to minaa, tu mipali’ dio mai, anna ma’tondok dio, sia naada’i tu tau iato mai umba nakua la sipatu umpenombai tu Kapenombanna tondok iato.

2 DATU 17:27 ပူးပေါင်းရင်းမြစ်များ

1 DATU 12:31

Sia nagaragapa tu banua pemalaran dao lu inan madao, anna angka’i dadi to minaa ba’tu pira-pirai tu tau iato mai tu tangia suku to Lewi.

1 DATU 13:2

Ma’kadami tete dio kadanNa PUANG lako inan pemalaran, nakua: E, inan pemalaran, e inan pemalaran, nakua kadanNa PUANG: Lan tongkonan layukna Daud la dipadadian misa’ pia muane, disanga Yosia, iamo la urrere’i dao kalemu tu mintu’ to minaa biasa memala’ dao inan madao, tu untunu pemala’ dao kalemu, sia dao kalemu to, la nanii tau untunu buku tolino.

2 DATU 17:26

Iamoto ma’kadami tu tau lako datu Asyur, nakua: Iatu mintu’ to buda tu mipalengka’, ammi suai ma’tondok lan lu kota Samaria, tae’ natandai umba nakua tu sipato’na umpenombai Kapenombanna tondok iato; iamoto Nasuami ba’tu pira-pira singa lako tau iato; anna patei tu tau iato, belanna tae’ natandai umba nakua tu sipato’na umpenombai Kapenombanna tondok iato.

2 DATU 17:28

Saemi tu tau misa’ dio mai mintu’ to minaa tu napali’ dio mai Samaria, anna ma’tondok dio Betel, sia naada’i, umba la nakua umpenombai PUANG.

2 OSSORANNA DATU 11:15

Belanna naangka’mo Yerobeam tu ba’tu pira-pira tau napotominaa la menomba dao inan madao sia menomba lako ampu padang sia lako anak sapi nagaragai.

EZRA 7:25

Na iko, e Ezra, sitinaya tu kakinaanNa Kapenombammu dio kalemu, angka’i tu toma’parenta sia toma’paolai salu, anna paolai salu tu mintu’ tau, tu torro dio lili’ sambalinna lu Salu, tu mintu’ to untandai Sukaran alukNa Kapenombammu; sia iatu mai to tae’ natandai, la mupokadan.

TO PARENGNGE’ 17:13

Attu iato ma’tangnga’mi tu Mikha nakua: Totemo kutandaimo kumua iatu PUANG ungkasokannina’, belanna misa’ to Lewi dadimo to minaangku.