2 DATU 17:25 - Sura' Madatu

²⁵ Iatonna mane ma’tondok dio, tae’ napenombai PUANG tu tau iato mai; iamoto Nasuai PUANG tu ba’tu pira-pira singa lao umpatei tu ba’tu pira-pira tau.

2 DATU 17:25 ပူးပေါင်းရင်းမြစ်များ

1 DATU 13:24

Apa iatonna ke’de’mo male, siappa’mi singa dio lu lalan, napatei. Nasumpandan bang tu batang rabukna dio lalan; na iatu keledai bendan dio la’pekna, na iatu singa bendan duka dio la’pekna batang rabuk iato.

1 DATU 20:36

Ma’kadami lako nakua: Belanna nokako unturu’ kadanNa PUANG, manassa, iake mutampemo’, la den misa’ singa umpateiko. Iatonna tampemi naapparanmi misa’ singa anna patei.

2 DATU 17:26

Iamoto ma’kadami tu tau lako datu Asyur, nakua: Iatu mintu’ to buda tu mipalengka’, ammi suai ma’tondok lan lu kota Samaria, tae’ natandai umba nakua tu sipato’na umpenombai Kapenombanna tondok iato; iamoto Nasuami ba’tu pira-pira singa lako tau iato; anna patei tu tau iato, belanna tae’ natandai umba nakua tu sipato’na umpenombai Kapenombanna tondok iato.

2 DATU 17:28

Saemi tu tau misa’ dio mai mintu’ to minaa tu napali’ dio mai Samaria, anna ma’tondok dio Betel, sia naada’i, umba la nakua umpenombai PUANG.

2 DATU 17:32

Umpakaraya duka PUANG tu tau iato mai sia pantan tama tau naangka’ tu to minaanna inan madao, tu umpogauranni kamenomban lan banua dinii memala’ dao inan madao.

2 DATU 17:34

Sae lako allo iate iatu tau iato umpeolaipa aluk dolo. Tae’ napangke’i tu PUANG sia tae’ duka napeolai tu mintu’ apa tipondok sia atoran, sia sukaran aluk sia pepasan, tu Napepasanan PUANG lako bati’na Yakub, tu Nasangai Israel.

2 DATU 17:41

Susimoto tu bangsa iate umpangke’ PUANG sia umpenombai rapang-rapang dipodeatanna. Ia duka tu mintu’ anakna sia ampona umpogau’i sae lako allo iate susi nene’ to dolona.

2 DATU 2:24

Messailemi anna tiroi tu pia iato mai, anna tampakki ropu tete dio sanganNa PUANG. Saemi da’dua beruang birang lan mai pangala’, nasepak-sepakki tu pia patangpulondua.

YESAYA 15:9

Saba’mi rara tu uai salu Dibon, apa la Kuparampoi pole’ mandunna tu Dibon: iamotu singa la ullaoi mintu’ to Moab umpallaian kalena sia mintu’ pa’tondokan torronapa.

YEREMIA 10:7

Mindara tu la tang ungkataku’Komi, o Datunna mintu’ bangsa? Manassa Kamu tu sipatu dikataku’! Belanna dio lu to matarru’na mintu’ bangsa sia mintu’ datunna tau iato mai tae’ tu padamMi.

YEREMIA 15:3

Tonganna Aku la umparampoi patang rupa kasanggangan tu tau iato mai, kadanNa PUANG: iamotu pa’dang la umpatei sia asu la urriu’-riu’i sia manuk-manuk dao langi’ sola olo’-olo’ dao kuli’na padang la umpetarii nakande sia ussepak-sepakki.

YEREMIA 5:6

Iamoto anna dammakki singa lan mai pangala’ tu tau iato mai sia nasanggangi guruk lan mai padang aak sia naodo’ arimau buluh tu mintu’ kotana, naminda-minda tu tassu’ lan mai la nase’bu-se’bu, belanna budamo tu kasalanna sia tang dikemba’mo tu kakelokanna.

YEHEZKIEL 14:15

Iake moronganna Kupatamai olo’-olo’ masuru tu tondok, anna purai tu mai pia lan, naurunganni dadi misa’ padang lo’bang, anna moi misa’ tau tae’ lendu’ inde to dio mai belanna mataku’ lako olo’-olo’ masuru,

YEHEZKIEL 14:21

Apa inde sia tu kadanNa Puangta PUANG Nakua: Moi angKu patamai Yerusalem te a’pa ukungan masarrang, iamotu pa’dang, karorian, olo’-olo’ masuru na ra’ba biang la ussabu’i tolino sia olo’-olo’ lan mai,

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

SURA’ KATOMINAAN 26:22

La Kurampanan tu olo’-olo’ masuru lako kalemi, anna pasisayurangkomi anak sia la napisanni tu mai patuoammi sia la napososso’ lu rokko tu bilangammi, anna iatu mintu’ lalanmi makarorrong.

YUNUS 1:9

Ma’kadami lako tau iato mai nakua: Iate aku te to Ibrani sia umpenombaina’ PUANG, Kapenomban dao suruga, tu mangka ungkombong tasik sia karangkean.

YOSUA 22:25

Tang Napadadiraka passaparan PUANG te Yordan lan alla’ki na kamu, to Ruben sia to Gad, tae’ misangbilangan PUANG. Ke susito iatu anakmi la umpasorong-boko’ anakki umpengkaolai PUANG.