2 DATU 17:21 - Sura' Madatu

²¹ Iatonna sarakkimi Puang tu to Israel dio mai bati’na Daud sia iatonna angka’mi tau iato mai tu Yerobeam, anakna Nebat, dadi datu, napatoyangmi Yerobeam tu to Israel dio mai oloNa PUANG sia nasua tu tau iato mai umpogau’ kasalan kapua.

2 DATU 17:21 ပူးပေါင်းရင်းမြစ်များ

KADADIAN 20:9

Natambaimi Abimelekh tu Abraham, nama’kada nakua: Penggauran apara te migaurangkan sia apara salaku lako kalemi, ammi pabu’tuanra’ kasalan kapua sola to kuparenta? mangkamo mipogau’ lako kaleku ba’tu pira-pira penggauran tang sipatu dipogau’.

1 DATU 11:11

Iamoto anna ma’kada tu PUANG lako Salomo, Nakua: Belanna susimote tu kedomu, tae’ ammu karitutui tu basseKu sia iatu apa Kupondok, tu mangka Kupepasanan lako kalemu, manassa iatu kadatuan la Kualai dio mai kalemu, angKu benni taummu.

1 DATU 11:31

Anna ma’kada lako Yerobeam nakua: Alanni kalemu te sangpulo serekna, belanna nakua kadanNa PUANG, Kapenombanna to Israel, kumua: Tonganna la Kualai tu kadatuan dio mai Salomo, angKu benko tu sangpulo suku.

1 DATU 13:34

Iatu penggauran tontongnato napokasalan bati’na Yerobeam, naurunganni disanggang sia disabu’i dao mai kuli’na padang.

1 DATU 14:16

Sia la Nasa’biangan tu to Israel natumang kasalanna Yerobeam sia kasalan tu napa’pesuan lako to Israel umpogau’i.

1 DATU 14:8

sia Kualai tu kadatuan dio mai bati’na Daud, angKu sorongangko. Apa tang susiko taungKu Daud ungkaritutui pepasanKu sia ponno penaanna umpengkaolaiNa’ la umpogau’ manna malolona dio pentiroKu.

2 DATU 17:22

Iamoto napeolaimi to Israel tu mintu’ kasalan napogau’ Yerobeam; tae’ natorroi,

2 DATU 3:3

Moi nasusito la’ka’ duka lako kasalan, tu napesuan Yerobeam, anakna Nebat lako to Israel umpogau’i; tae’ naboko’i tu kasalan iato.

2 OSSORANNA DATU 11:11

Napematoto’imi tu mintu’ benteng, napalanni tu kamandang sia napannii kinallo sia minna’ sia uai anggoro’;

2 OSSORANNA DATU 11:15

Belanna naangka’mo Yerobeam tu ba’tu pira-pira tau napotominaa la menomba dao inan madao sia menomba lako ampu padang sia lako anak sapi nagaragai.

PA’PUDIAN 25:11

Tete dio sangamMi, o PUANG, pagarri’i tu kedo kadakeku, belanna kapuamo.

KATASSURAN 32:21

Ma’kadami Musa lako Harun nakua: Napatumbaroko te to buda ammu pasaeanri kasalan kapua susite?

YESAYA 7:17

Apa iatu kamu sia bangsami sia to lan banuanna ambe’mi la Naparampoi PUANG ba’tu pira-pira attu, tu tae’ bangpa anna den susinna temponna sisarak to Efraim tu to Yehuda, – lu dio mai datu Asyur.

YOHANES 19:11

Nakuami Yesu mebali: Moi misa’ tae’ mibelai ungkuasaiNa’, ke tae’i nalu Dao mai; iamoto iatu to ussorongNa’ lako kalemi, iamo kapuanna kasalanna.

1 SAMUEL 2:17

Susimoto namandu kapua kasalanna tu to mangura da’dua dio oloNa PUANG, belanna tae’mo nadampangi tau tu kapemalaran lako PUANG.

1 SAMUEL 2:24

Da misusito, e anakku, belanna tae’ nakareba melo tu kurangi napatale’ taunNa PUANG.