2 DATU 17:20 - Sura' Madatu

²⁰ Iamoto Natumpui PUANG tu mintu’ bati’na Israel. Napamatuna sia Nasorong tama kuasanna to mangrampa, sae lako Nasuale dio mai oloNa.

2 DATU 17:20 ပူးပေါင်းရင်းမြစ်များ

2 DATU 13:23

Apa Nakarimmanni PUANG tu tau iato mai sia Nakamasei, anna pessailei belanna basseNa sola Abraham, Ishak na Yakub; tae’ Namorai ussanggangi sia tae’pa Nasualei tu tau iato mai dio mai oloNa.

2 DATU 13:3

Iamoto re’dekmi ara’Na PUANG lako to Israel, anNa sorongi tu tau iato mai tama limanna Hazael, datu to Aram sia tama limanna Benhadad, anakna Hazael lan mintu’ attu.

2 DATU 13:7

Tonganna tae’ napatorroanni surodadu sangadinna pakkanarang limangpulo sia kareta sangpulo sia iatu to ma’lingka sangpulo sa’bu; belanna nasanggangmo datu to Aram tu tau iato mai sia napasusi barra’-barra’ ke attu panglulluran.

2 DATU 15:29

Iatonna linona Pekah, datu Israel, saemi tu Tiglat-Pileser, datu Asyur, untalo kota Iyon. Abel-Bet-Maakha, Yanoah, Kedesh sia Hazor, Gilead sia Galilea, sia mintu’ tondok Naftali; napali’i tu pa’tondokan lako Asyur.

2 DATU 17:15

Nasayumo tu apa Napondok sia basseNa tu Natanan Puang sola nene’ to dolona, susi dukato tu mintu’ pa’pakilalaNa tu Naparampo lako tau iato mai; naturu’ bangmo tu apa tang kebattuan, naurunganni dadi tang kebattuan, sia naparundu’i tu alukna mintu’ bangsa untikui, moi anNa mangkamo mepasan tu PUANG lako tau iato mai, kumua da nama’gau’ susito.

2 DATU 17:18

Iamoto anna mandu tu kare’dekanna ara’Na PUANG lako to Israel, naurungan Napatoyang tu tau iato mai dio mai oloNa; tae’ bangmo tinampe sangadi to ma’suku Yehuda mannamo.

2 DATU 18:9

Iatonna taun ma’penna’pa’na kadatuanna Hizkia, iamotu taun ma’pempitu kadatuanna Hosea, anakna Ela, datu Israel, ke’de’mi tu Salmaneser, datu Asyur, ullaoi Samaria sia umpatama limbui.

2 DATU 21:14

Sia la Kutibe tu taan mana’Ku, tu torronapa, sia la Kusorong tama kuasanna mintu’ ualinna, naurunganni dadi pangrampa sia nasialai mintu’ ualinna.

2 DATU 23:27

Ma’kadami tu PUANG nakua: La Kusabu’i duka tu to Yehuda dio mai oloKu, susi to Israel mangka Kusabu’i; sia la Kuboko’i te kota iate, tu mangka Kupilei langsa’, iamotu Yerusalem, sia iatu banua, tu mangka Kunii ma’kada kumua: La nanii sangangKu dio.

2 DATU 24:3

Tonganna iate mintu’na te urrampoi Yehuda susi kadanNa PUANG, la ussabu’i tu tau iato mai dio mai oloNa, tu belanna mintu’ kasalan napogau’ Manasye;

1 OSSORANNA DATU 16:13

E mintu’ tarukna Israel, taunNa, E mintu’ bati’na Yakub to Napilei langsa’.

NEHEMIA 9:2

Umpatoyangmo kalena tu bati’na Israel dio mai mintu’ to sae sia bendan unnaku kasalanna sia kakelokanna nene’ to dolona.

PA’PUDIAN 51:13

Da amMi sualena’ dio mai oloMi sia da amMi alai dio mai kaleku tu Penaa Masallo’Mi.

PA’PUDIAN 53:5

Tae’raka kapaissananna tu mintu’ to ma’gau’ kadake, tu unnimbakan taungKu butung ungkande bo’bo’? sia tae’ nameongli’ lako Puang Matua.

PA’PUDIAN 80:13

Ma’apari amMi lo’po’ri tu tembo’na, naurunganni minda-minda lendu’ inde to lalan iato napeloloi bang.

YESAYA 2:6

Apa Mitampemo tu taumMi, tu bati’na Yakub, belanna ponnomo aluk to rampe matallo sia umpogau’ balik mata susito Filistin sia sikadamak to salian lembang.

YESAYA 45:25

Lan PUANG dinii ussanda-tonganni sia la nanii massattuan tu mintu’ bati’na Israel.

YEREMIA 15:1

Apa Nakua PUANG lako kaleku: Moi anna Musa sola Samuel bendan dio oloKu, tae’ duka nala unnalai penaangKu te bangsa iate; papallai tu tau iato mai dio mai oloKu, suai male.

YEREMIA 46:28

Da mumataku’, e taungKu Yakub, kadanNa PUANG, belanna Kurondongko sia la Kusabu’i tarru’ tu mintu’ bangsa, Kunii untale’ko, apa iko tae’ Kula ussabu’i tarru’ko, sangadinna la Kupa’dikkiko sitinayanna, moi natae’ Kuelorangko tang diukung.

YEREMIA 52:3

Belanna kasengkeanNa PUANG, anna susi maromoto tu Yerusalem sola Yehuda. Nasualei dio mai oloNa. Pabali-balimi Zedekia lako datu Babel.

YEREMIA 6:30

Nasangaimi tau salaka ditibean, belanna Natibemo PUANG tu tau iato mai.

YEREMIA 7:15

sia la Kusualekomi dio mai oloKu, susitu mintu’ siulu’mi Kusuale, iamotu mai bati’na Efraim.

HOSEA 1:6

Ma’tambuk pole’omi tu baine iato anna dadian misa’ pia baine. Ma’kadami tu Puang lako kalena, Nakua: Sangai Lo-Ruhama, belanna tae’mo Kula ungkamasei tu bati’na Israel, Kuurunganni tang umpa’dei tu salana, moi misa’ duka.

HOSEA 12:3

Den kara-karaNa tu PUANGna Yehuda: iamoto anNa ukungi tu Yakub sitinaya kedona sia la Napapakkanni sitinaya penggauranna.

YUNUS 1:10

Mataku’ tonganmi tu tau iato mai, anna ma’kada lako, nakua: Apara tu mipogau’? Belanna naissan tau iato mai, kumua mallai dio mai oloNa PUANG, belanna napokadammo tu apa iato.

YUNUS 1:3

Apa iatu Yunus ke’de’ la mallai lako Tarsis dio mai oloNa PUANG, anna male lako Yafo, nakabu’tui tu misa’ kappala’, tu la ke’de’ lako Tarsis; nabaya’mi tu sewana, anna kendek langngan kappala’ sola to ma’kappala’ la male lako Tarsis, la umpatoyang kalena dio mai oloNa PUANG.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

PA’TOLE 11:12

Iamotu misa’ tondok Nakaduttu’ PUANG, Kapenombammu; tontong Napemaranga PUANG, Kapenombammu, randuk pamulanna taun sae lako upu’na taun.

PA’TOLE 32:20

Ma’kadami Nakua: MoraiNa’ umbunianni lindoKu tu tau iato sia la Kutiro apa urrampoi ma’katampakanna, belanna to tama bilanganna to leko’ tu tau iato mai, sia pia tang unnissan maruru’.

2 TESALONIKA 1:9

Tau iato la dipakario-rio kasanggangan sae lakona, dipatoyang dio mai oloNa Puang sia dio mai kamala’biran kuasanNa,

YOSUA 23:13

la miissan tongan, kumua iatu PUANG, Kapenombammi, tae’mo nala urrambai te bangsa iate dio tingayomi; sangadinna tau iato mai la dadi poya sia pepurru’ lako kalemi, sia pebamba dio aakmi sia duri lan matammi, miurungan sanggang lan te tondok ballo tu Napa’kamasean PUANG, Kapenombammi, lako kalemi.

TO PARENGNGE’ 18:30

Napabendanammi kalena to Dan tu rapang-rapang dipa’, na Yonatan, anakna muane Gersom, anakna muane Musa, la ia la mintu’ anakna muane, dadi to minaanna to Dan sae lako allo kadipaliranna tu pa’tondokan iato.

TO PARENGNGE’ 2:14

attu iato ma’lulu-lulumi tu kasengkeanNa PUANG lako to Israel: Nasorongi tama limanna pangrampa tu tau iato mai tu umpangrampai, sia Nasorong tama kuasanna ualinna tiku lao, naurunganni tang naattamo mangea lako ualinna.

1 SAMUEL 15:23

Belanna iatu mengkailing pada bangsia kasalan ma’doti sia kamatampoan pada bangsia mekapuang lako deata sia kamenomban lako balo’ tau. Belanna mitumpumo tu kadanNa PUANG, iamoto Natumpu dukakomi Puang, kumua damo midadi datu.

1 SAMUEL 15:26

Apa mebali tu Samuel lako Saul nakua: Tae’ kula sule ussolangkomi, belanna mangkamo mitumpu tu kadanNa PUANG; anna tumpu dukakomi PUANG, kumua damo midatui to Israel.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.