2 DATU 17:16 - Sura' Madatu

¹⁶ Naboko’i tu mintu’ pepasanNa PUANG, Kapenombanna, anna garaganni kalena tu rapang-rapang dipodeata dipati’no’, iamotu da’dua anak sapi; nagaragai duka tu ba’tu pira-pira lentong dipodeata, sia tukku umpenombai tu mintu’ ma’dandan maritik dao langi’ sia Baal.

2 DATU 17:16 ပူးပေါင်းရင်းမြစ်များ

1 DATU 12:28

Nabisarami datu tu iannato, anna garagai da’dua anak sapi bulaan, nakuami lako tau iato mai: Lendu’mo maparri’na, ke malekomi langngan Yerusalem; iamote tu deatammi, e to Israel, tu mangka ussolangkomi sun lan mai tondok Mesir.

1 DATU 14:15

La Napata’pai lima PUANG tu to Israel, naurunganni susito marrang narogan uai, sia Naalai tu to Israel lan mai padang maelo, tu mangka Nakamasean nene’ to dolona, sia la Napasisarak-sarak sae lian sambalinna lu salu Efrat, belanna nagaragai tu mintu’ lentong kayu napodeata, tu umpa’dikki penaanNa PUANG.

1 DATU 14:23

Napabendan duka tau iato mai tu inan madao sia batu dipodeata sia lentong kayu dipodeata dao lu mintu’ tanete madao sia diong lu mintu’ garonto’ kayu makampu.

1 DATU 15:13

Moi na iatu Maakha, indo’na, natassu’i dadi datu baine, belanna unggaragai rapang-rapang megallian, iamotu Asyera. Nata’tak-ta’tak Asa tu rapang-rapang megallian iato sia naballa diong lombok Kidron.

1 DATU 16:31

Iatu unturu’ kasalanna Yerobeam, anakna Nebat, maringnganpa, apa natompoi pole, belanna umpobaine Izebel, anakna Etbaal, datu to Sidon, sia male umpengkaolai Baal sia tukku umpenombai.

1 DATU 16:33

Sia nagaraga siapa Ahab tu lentong kayu dipodeata; napatarru’ bangmi Ahab tu penggauran susito, naurunganni umpa’dikki penaanNa PUANG, Kapenombanna to Israel, mandu pole’ na iatu mintu’ datu to Israel dolona.

1 DATU 22:53

Sia napogau’ tu apa kadake dio pentiroNa PUANG sia lolang unturu’ bate lalanna ambe’na sia bate lalanna indo’na sia bate lalanna Yerobeam, anakna Nebat, tu ussua to Israel, umpogau’ kasalan.

2 DATU 1:2

Tobangmi tu Ahazia dao mai to’ tarali, dao mai bilik mengkadaoanna dio Samaria, anna masaki. Nasuami tu pesuanna sia ma’kada lako tau iato mai, nakua: Malekomi lako Baal-Zebub, deatanna to Ekron, la umpekutananni ba’tu la matana siara’ka dio mai te sakingku, tae’moraka.

2 DATU 11:18

Iatu mintu’ pa’tondokan male lako banua dinii umpenombai Baal anna rondonni; sia natesse tu mai inan pemalaranna sola rapang-rapang dipodeatanna sia napatei duka tu Matan, to minaanna Baal, dio tingayo inan pemalaran. Nasuami to minaa tu tau ungkampai banuanNa PUANG.

2 DATU 16:3

Sangadinna unturu’ bate lalanna mintu’ datu to Israel. Sia api napamaindananni tu anakna susi penggauran megallianna mintu’ bangsa tu Naula’i PUANG dio mai tingayona to Israel.

2 DATU 17:10

Napabendanammi kalena ba’tu pira-pira batu dipodeata sia lentong dipodeata dao mintu’ tanete malangka’ sia diong mintu’ garonto’ kayu maluna.

2 DATU 18:6

Sia la’ka’ tu datu lako PUANG, tae’ naboko’i sia nakaritutui tu mintu’ pepasan, tu mangka Napepasanan PUANG lako Musa.

2 DATU 21:3

Sia napabendan sule tu inan madao, tu mangka nasanggang Hizkia, ambe’na, sia nabangunan Baal tu inan pemalaran sia nagaragai tu lentong kayu di podeata, susi mangka napogau’ Ahab, datu Israel, sia tukku menomba dio tingayona mintu’ ma’dandan maritik dao langi’ sia mengkaola lako.

KATASSURAN 32:4

Natarimami dio mai tau iato mai anna tarekki pesura’ susi anak sapi, anna garagai anak sapi dipati’no’. Nakuami: E to Israel iamote tu deatammu, tu ussolangko sun lan mai tondok Mesir.

KATASSURAN 32:8

Madomi’ bang tu tau iato mai sepang dio mai lalan, tu Kupasan lako kalena: nagarammo kalena tu misa’ anak sapi dipati’no’, anna tukku umpenombai anna pemalaranni tu pemala’ lako, anna ma’kada nakua: E to Israel, iamote tu deatammu, tu ussolangko sun lan mai tondok Mesir.

YESAYA 2:8

Sia ponno rapang-rapang dipodeata tu tondokna. Tau iato mai umpenombai panggaraga limanna sia panampa rangka’na.

YEREMIA 19:13

Mintu’ banua dio Yerusalem sia mintu’ tongkonan layukna datu Yehuda la maruttak susi inan dio Tofet, iamotu mintu’ banua dao sotona nanii tau untunu pemala’ lako mintu’ ma’dandan maritik dao langi’ sia umpemalaran pemala’ pantedok lako kapenomban senga’.

YEREMIA 44:17

Sangadinna inang la kipogau’ bangmo kami tu mintu’ apa kipokada, iamotu memala’ lako datu baine dao langi’ sia umpennoloan pemala’ pantedok, susitu mangka kipogau’, la kami sia nene’ to doloki, la mintu’ datungki sia mintu’ arungki lan mintu’ kota Yehuda sia dio lu batattana Yerusalem; attu iato ungkandekan roti sadia’ki sia manamanmokan sia tang untirokan kasanggangan.

YEREMIA 8:2

Anna tale’i dio patu allo sia bulan sia mintu’ ma’dandan maritik dao langi’, tu nakamali’ sia napengkaolai sia naturu’ sia nadaka’, nanii menomba; mintu’ buku iato tang la dirampun ba’tu dilamun, sangadinna la mempangangku’ dio lu padang.

YEHEZKIEL 23:8

Sia tae’ natore tu pa’gau salana, tonna dio lu Mesir, belanna iatu tau iato mai nasangamparan, tonna mangura, sia ussapu-sapui tu susunna tonna anak darapa sia umpaliu gau’ salana lako tau iato mai.

SURA’ KATOMINAAN 26:1

Da migaragan kalemi rapang-rapang dipodeata; iamotu mai rapang-rapang dipodeata dipa’, ba’tu batu dipodeata da mipabendananni kalemi; susi duka tu batu dia’ga rapang-rapang da mipabendanni lan tondokmi, ammi tukku umpenombai, belanna Akumo tu PUANG, Kapenombammi.

PA’TOLE 16:21

Da muosokki tu lentong kayu dipodeata, sia ba’tu pira-pira kayu dio sa’de inan pemalaranNa PUANG, Kapenombammu, tu la mugaragan kalemu.

PA’TOLE 4:19

Sia da duka mumentingara langngan langi’ sia mentiro langngan mata allo sia bulan na bintoen, iamotu mintu’ ma’dandan maritik dao langi’ sia da nanaranko la umpenombai sia umpengkaolai, tu Nataai PUANG, Kapenombammu, lako mintu’ bangsa nasambo langi’ –