2 DATU 17:13 - Sura' Madatu

¹³ Napakilalamo PUANG tu to Israel sia to Yehuda nalopian mintu’ nabi sia mintu’ to patanda-tandan, nakua: Mengkatoba’komi dio mai mintu’ penggauran kadakemi sia karitutui tu mintu’ pepasanKu sia iatu apa Kupondok susitu mintu’ sukaran aluk tu mangka Kupepasanan lako nene’ to dolomi, tu Kuparampo lako kalemi nalopian mintu’ taungKu, iamotu mintu’ nabi.

2 DATU 17:13 ပူးပေါင်းရင်းမြစ်များ

1 DATU 16:1

Iatonna attu iato saemi tu kadanNa PUANG lako Yehu, anakna Hanani, tu diona kamandasanna Baesa, nakua:

1 DATU 16:7

Sae dukami tu kadanNa PUANG lako Baesa sia mintu’ bati’na, tu nalopian nabi Yehu, anakna Hanani, belanna mintu’ kakadakean napogau’ dio pentiroNa PUANG sia belanna penggauranna tu umpa’dikki penaanNa Puang, naurunganni iatu kedona susi bati’na Yerobeam, sia belanna ia dukamo mangka umpatei tau iato mai.

2 DATU 17:23

sae lako attu Nanii PUANG umpatoyang to Israel dio mai oloNa, susitu mangkamo Napokada nalopian mintu’ taunNa, iamotu mai nabi. Iamoto nadipali’ tu to Israel dio mai tondokna lako tondok Asyur sae lako allo totemo.

2 DATU 18:6

Sia la’ka’ tu datu lako PUANG, tae’ naboko’i sia nakaritutui tu mintu’ pepasan, tu mangka Napepasanan PUANG lako Musa.

2 DATU 21:10

Iamoto Nama’kada tu PUANG nalopian mintu’ taunNa, iamotu mai nabi, nakua:

1 OSSORANNA DATU 29:29

Iatu tuna’na Daud, la iatu dolona la iatu undinna, tisura’mo lan tuna’na Samuel, to patanda-tandan, sia nabi Natan sia Gad, to patanda-tandan,

AYUB 11:14

iake denni kakelokan lan limammu, pembuanganni lao, sia da naden katangmaloloan lan tenda munii torro –

AYUB 36:10

sia Nabungka’ tu talinganna tau iato anna perangii tu pangadaran, sia Nasua mengkatoba’ dio mai kakadakean.

PA’PUDIAN 50:7

Perangii, e taungKu, angKu ma’kada, e Israel, la Kupakanassangko, kumua: Akumo Kapenomban, tu Kapenombammu.

YEREMIA 11:7

Belanna Kutonganni tongan unnada’i tu nene’ to dolomi allo iato tongKu patassu’i tu tau iato mai lan mai tondok Mesir sae lako allo iate, ke makale’ sia ke karoen kumua: Perangii tu gamarangKu.

YEREMIA 18:11

Totemo pokadai te lako mintu’ to Yehuda sia lako mintu’ to lan Yerusalem, kumua: Inde sia tu kadanNa PUANG Nakua: Manassa Kuparandanmo tu kasanggangan lako kalemi sia Kutangnga’mo tu la miposanggangna; iamoto pada mengkatoba’komi dio mai lalan kadakemi sia pemeloi tu kedomi sia penggaurammi.

YEREMIA 25:3

Randuk tonna ma’pessangpulo tallunna ma’parenta tu Yosia, anakna Amon, datu Yehuda, sae lako allo iate, denmo duangpulo ntallu taunna, narampoimo’ tu kadanNa PUANG sia kupokadammokomi ke makale’ sia ke karoen, apa tae’ duka miperangii.

YEREMIA 3:7

Sia Kukuapa tonna mangka tu tau iato umpogau’i tu iannato: Suleko lako Kaleku; apa manoka sule. Iate apa iato natiro Yehuda sangbainena to tang maruru’.

YEREMIA 34:14

Iake nalambi’mi taun ma’pempitu pada la mieloran male tu siulu’mi, tu to Ibrani, tu mangka umbalukan kalena lako kalemi; iake mangkami mengkaunan annan taunna lako kalemi, la mipopentomakakamo. Apa tae’ natananni talinga.

YEREMIA 35:15

Sia Kusua lako kalemi tu mintu’ taungKu, iamotu mintu’ nabi ke makale’ sia ke karoen umpokadai, kumua: Pada la mengkatoba’komi dio mai mintu’ lalan kadakemi sia pemeloi tu mintu’ penggaurammi sia damo mituru’ kapenomban senga’ la umpenombai; iake susito la tontongkomi lan tondok, tu Kukamaseangkomi sia nene’ to dolomi. Apa tae’ duka mitananni talinga sia tae’ miperangiiNa’.

YEREMIA 42:19

Ma’kadamo tu PUANG lako kalemi, e kamu mintu’ to Yehuda tu torronapa: Da mimale lako Mesir! La miissan melo kumua kupakilala tongankomi.

YEHEZKIEL 18:31

Tibei dio mai kalemi tu sala mangka mipogau’, ammi ba’rui tu ba’tengmi sola penaammi. Ma’apari ammi la matera, e to Israel?

YEHEZKIEL 3:19

Apa iake mupakilalami tu to tang mekaaluk, anna tang mengkatoba’ dio mai katangmekaalukanna sia dio mai lalan kadakena, manassa iatu tau iato la mate lan kakadakkeanna, apa iatu sunga’mu mupatilendokmo.

DANIEL 9:10

sia tang umperangiimokan gamaranNa PUANG, Kapenombangki, sia tang unturu’mokan sukaran aluk, tu mangka Nabenkan nalopian mintu’ taunNa, iamotu mai nabi.

HOSEA 11:2

Saditamba-tambainna tu tau iato mai, sauntoyang-toyanganora kalena; memala’ lako mintu’ Baal sia mantunu dupa lako mintu’ rapang-rapang dipodeata dipa’.

HOSEA 12:10

Apa Akumo tu PUANG, Kapenombammu, tempon dio mai tondok Mesir. La Kupatorro pole’ko lan tenda, susi tonna allo kasirampunan.

HOSEA 12:11

Sia la ma’kadaNa’ lako mintu’ nabi sia la Kupabuda tu patiro mendeata sia la ma’kadaNa’ lan pa’pasusian nalopian mintu’ nabi.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

HOSEA 4:15

Iake la moraikomi ma’gau’ sala, e to Israel, da anna lakoi sala tu to Yehuda! Da milao lako Gilgal, sia da milao lako Bet-Awen, sia da mipalao sumpa dio, kumua: La lelukraka tuoNa PUANG!

PENGGAURANNA RASULU’ 20:21

sia kupamanassan to Yahudi sia to Yunani tu diona kamengkatobaran lako Puang Matua sia ma’patongan lako Puangta Yesu.

PA’TOLE 31:21

Iake narampoi buda kamandasan sia kapussakan tu tau iato, manassa iate sengo la sa’bi umpasalai tu tau iato, belanna tae’ nala tore len nasa’bu’ bati’na. Belanna Kutandai tu pa’inaanna tu lan penaanna allo iate, tongKu tang ussolampi lako tondok, tu mangka Kuallu’ lako tau iato mai Kupalaoi sumpa.

PA’TOLE 4:26

allo iate kualamo tu langi’ sia padang la ussa’biikomi diona kasalammi, kumua manassa la madomi’komi tallan lan tondok, tu la miala mipoapa, ke mangkamokomi ullamban Yordan; tae’ mimasai tuo lan tondok iato, sangadinna manassa la disanggangikomi.

PA’TOLE 8:19

Apa la dadi, ke mukalupai liumi tu PUANG, Kapenombammu, ammu turu’mo kapenomban senga’ sia umpengkaolai sia tukkuko umpenombai – la kupamanassangkomi totemo, kumua la sanggang tongankomi.

YOSUA 23:16

Iake milendai tu basse, tu Naallurangkomi PUANG, Kapenombammi, ammi male umpengkaolai sia tukku umpenombai kapenomban senga’, manassa la ma’lulu-lulu tu kasengkeanNa PUANG lako kalemi sia la madomi’komi disanggangi lan mai tondok ballo tu Nakamaseangkomi Puang.

2 PETRUS 3:9

Tae’ Namarempa tu Puang umpalanda’ pangallu’Na, susitu nasanga tau pira kumua marempa tu iannato, sangadinna Nasuka’ kalandokomi, tae’ Naporai, ke denni misa’ tau sanggang, sangadinna kumua anna mengkatoba’ nasang.

TO PARENGNGE’ 6:10

Sia ma’kadaMo’ lako kalemi, Kukua: Akumo tu PUANG, Kapenombammi; da mipenombai deatanna to Amori, tu minii ma’tondok. Apa tang miperangii tu kadangKu.

TO PARENGNGE’ 6:8

Nasuami PUANG tu misa’ nabi male lako to Israel umpokadai, kumua: Inde sia tu kadanNa PUANG, Kapenombanna to Israel, nakua: Kusolammokomi lan mai Mesir sia Kutassu’imokomi lan mai inan minii dipokaunan.

1 SAMUEL 9:9

Iatonna dolo-dolona dadi ada’mo dio lu to Israel, ke laoi tau ungkutanai Puang Matua, nakuami: Talao lako to patanda-tandan, belanna iatu to disanga nabi totemo, disanga to patanda-tandan dolo-dolona.