2 DATU 17:10 - Sura' Madatu

¹⁰ Napabendanammi kalena ba’tu pira-pira batu dipodeata sia lentong dipodeata dao mintu’ tanete malangka’ sia diong mintu’ garonto’ kayu maluna.

2 DATU 17:10 ပူးပေါင်းရင်းမြစ်များ

1 DATU 14:23

Napabendan duka tau iato mai tu inan madao sia batu dipodeata sia lentong kayu dipodeata dao lu mintu’ tanete madao sia diong lu mintu’ garonto’ kayu makampu.

2 DATU 16:4

Sia mantunu sia memala’ dao inan madao, dao lu buntu sia diong lu garonto’ kayu maluna.

2 DATU 17:11

Indeto dio, dao lu mintu’ inan madao, nanii memala’ tu tau iato mai, susi mintu’ bangsa tu Napali’ PUANG dio mai tingayona tau iato mai; napogau’mo tau iato mai tu apa kadake, tu umpa’dikki penaanNa PUANG.

KATASSURAN 34:12

Sia kanandai tu kalemu dio mai kasibasseammu pa’tondokan tu mupempatui, kumua da anna tau iato mai dadi poya dio kalemu.

KATASSURAN 34:13

Sangadinna la mirondonni tu mintu’ inan pemalaranna sia la mipoka-poka tu mintu’ batu napodeatanna sia la milelleng tu mintu’ lentong napodeatanna.

YESAYA 2:8

Sia ponno rapang-rapang dipodeata tu tondokna. Tau iato mai umpenombai panggaraga limanna sia panampa rangka’na.

YESAYA 57:5

E kamu, to umpasau kamoraiammi dio to’ garonto’ kayu tarpin sia diong lu mintu’ garonto’ kayu maluna; sia kamu tu urrere’ anakmi diong lu mintu’ lombok sia lan lu mintu’ sapak buntu batu.

YEREMIA 3:6

Ma’kadami PUANG lako Kaleku tonna linona datu Yosia, Nakua: Mutiroraka tu apa mangka napogau’ to Israel, to sorong boko’? Biasa male langngan mintu’ tanete madao sia diong lu garonto’ kayu maluna, anna ma’gau’ sala dio.

YEHEZKIEL 20:28

Iatongku solanni tama tondok tu mangkaMo’ umpalao sumpa la Kukamaseanni, natiromi tu mintu’ tanete malangka’ sia mintu’ kayu maloboran, na inde to dio nanii umpemalaranni tu pemala’na, sia nanii umpennoloanni tu pamenganna, tu umpabu’tu pa’di’ penaa, sia untunu dupa busarungngu’ sia umboloanni tu pemala’ pantedok.

SURA’ KATOMINAAN 26:1

Da migaragan kalemi rapang-rapang dipodeata; iamotu mai rapang-rapang dipodeata dipa’, ba’tu batu dipodeata da mipabendananni kalemi; susi duka tu batu dia’ga rapang-rapang da mipabendanni lan tondokmi, ammi tukku umpenombai, belanna Akumo tu PUANG, Kapenombammi.

MIKHA 5:14

Sia la mapallaNa’ sia re’dek ara’Ku la umpabala’i tu bangsa manoka ma’perangi.

PA’TOLE 16:21

Da muosokki tu lentong kayu dipodeata, sia ba’tu pira-pira kayu dio sa’de inan pemalaranNa PUANG, Kapenombammu, tu la mugaragan kalemu.

PA’TOLE 16:22

Da duka mupabendan batu dipodeata, belanna iatu iannato Nakabiri’ PUANG, Kapenombammu.