2 DATU 16:8 - Sura' Madatu

⁸ Naalami Ahas tu bulaan sia salaka tu lan banuanNa PUANG sia lan mai bilik pangnannan tongkonan layuk, anna pa’peai butung pamengan lako datu Asyur.

2 DATU 16:8 ပူးပေါင်းရင်းမြစ်များ

2 DATU 12:19

Iatu tang dipokadannapa tu mintu’ tuna’na Yoas sia mintu’ apa napogau’, tang tisura’moraka lan sura’ ossoranna mintu’ datu to Yehuda.

2 DATU 15:19

Ke’de’mi tu Pul, datu to Asyur, la ullaoi tondok Israel, apa nasorongan Menahem, sangsa’bu talenta salaka tu Pul, kumua anna tundui umpabantangi tu kadatuan iato lan limanna.

2 DATU 17:3

Ke’de’mi tu Salmaneser, datu to Asyur, la ullaoi, apa iatu Hosea lumbang baka direngnge’ lako sia umbaya’ sima.

2 OSSORANNA DATU 16:2

Attu iato naalami Asa tu salaka sia bulaan lan mai bilik pangnannan lan banuanNa PUANG sia lan mai banuanna datu, anna pakatui lako Benhadad, datu Aram, tu torro dio Damsyik, nakua:

YESAYA 2:6

Apa Mitampemo tu taumMi, tu bati’na Yakub, belanna ponnomo aluk to rampe matallo sia umpogau’ balik mata susito Filistin sia sikadamak to salian lembang.

YESAYA 7:17

Apa iatu kamu sia bangsami sia to lan banuanna ambe’mi la Naparampoi PUANG ba’tu pira-pira attu, tu tae’ bangpa anna den susinna temponna sisarak to Efraim tu to Yehuda, – lu dio mai datu Asyur.

MIKHA 1:14

Iamoto benni pamengan kasisarakan Moresyet-Gat. Iatu banuanna Akhzib dadimo misa’ salu’-salu’ ma’pakena lako datu Israel.