2 DATU 16:14 - Sura' Madatu

¹⁴ Iatu inan pemalaran tambaga, tu bendan dio oloNa PUANG, nasua umpalelei dio mai tingayo banuanNa PUANG, dio mai inan kasiallaranna inan pemalaran (ba’ru) na banua iato, anna padioi rampe rekkena inan pemalaran (ba’ru).

2 DATU 16:14 ပူးပေါင်းရင်းမြစ်များ

2 DATU 16:11

Napabendanmi to minaa Uria tu inan pemalaran iato. Susitu napepasanan datu Ahas dio mai Damsyik, susi dukamoto nagaragai to minaa Uria sae lako sulena tu datu Ahas dio mai Damsyik.

2 DATU 16:13

Natunumi tu pemala’ ditunu pu’pu’ sia iatu kande dipemalaran, nabolloanni tu pemala’ pantedok sia napa’pi’pikan inan pemalaran tu rara pemala’ kasalamaranna.

2 DATU 16:15

Mesuami tu datu Ahas lako to minaa Uria, nakua: Dao te inan pemalaran kapua la minii untunui tu pemala’ ditunu pu’pu’ melambi’ sia pemala’ dikande makaroen, sia pemala’ ditunu pu’pu’na datu sia kande pemala’na, sia pemala’ ditunu pu’pu’na to buda sia kande pemala’na sia pemala’ pantedokna; sia iatu mintu’ rara pemala’ ditunu pu’pu’ sia rara pemala’ pangrere’ la mipa’pi’pikan inan pemalaran iato. Apa iatu inan pemalaran tambaga la kupa’paressampa.

2 OSSORANNA DATU 1:5

apa iatu inan pemalaran tambaga, tu mangka nagaragai Bezaleel, anakna Uri, anakna Hur, napatorro Daud dio tingayo kemaNa Puang. Malemi tu Salomo sola mintu’ kombongan umpalaku pa’timbangan lako PUANG.

2 OSSORANNA DATU 29:19

Sia iatu mintu’ pareanan tu mangka napamaruttak datu Ahas, tonna ma’parenta napobua’ katangmarurusanna, kipasakka’ sia kipamaindan; manassa iatu mintu’nato dio nasangmo tingayo inan pemalaranNa PUANG.

2 OSSORANNA DATU 4:1

Nagaragai duka tu inan pemalaran tambaga; duangpulo siku lambe’na, duangpulo siku pampangna na sangpulo siku langka’na.

KATASSURAN 27:1

La unggaragaiko misa’ inan pemalaran kayu simmin, limang siku lambe’na na iatu sangka’na limang siku duka naurunganni massulapa’ a’pa’ tu inan pemalaran iato, na tallung siku langka’na.

KATASSURAN 27:2

Sia iatu tandukna la mugaragai dio to a’pa’ tetukna sia la mupasikande mugaraga tu tandukna, ammu kallasa’i tambaga.

KATASSURAN 40:29

Iatu inan pemalaran pantunuan napadio sikandappi’ ba’ba kema, iamotu tenda kasitammuan, anna pennoloanni tu pemala’ ditunu pu’pu dao sia kande dipemalaran, susitu Napepasanan PUANG lako Musa.

KATASSURAN 40:6

Iatu inan pemalaran pantunuan la mupadio tingayo ba’ba kema, iamotu tenda kasitammuan.

YEHEZKIEL 43:8

Belanna iatu ampangna napadio sa’de ampangKu sia iatu lentong ba’bana dio sa’de lentong ba’baKu, naurunganni rinding tembo’ mannamo Kusialla’i tau iato mai, iamoto naruttakki tu sanga madatungKu napobua’ apa megallianna, tu napogau’. Iamoto Kupisanni tete dio kasengkeangKu.

MATIUS 23:35

Kumua ammi buntu rengnge’i tu mai rarana to malambu’ tu to’do rokko padang, tempon dio mai rarana Habel tau lambu’ sae lako rarana Zakharia, anakna Berekhya, tu mangka mipatei dio kasiallaranna banua kabusungan anna to’ kapemalaran.