2 DATU 16:11 - Sura' Madatu

¹¹ Napabendanmi to minaa Uria tu inan pemalaran iato. Susitu napepasanan datu Ahas dio mai Damsyik, susi dukamoto nagaragai to minaa Uria sae lako sulena tu datu Ahas dio mai Damsyik.

2 DATU 16:11 ပူးပေါင်းရင်းမြစ်များ

2 DATU 16:10

Malemi tu datu Ahas lako Damsyik umpessitammui Tiglat-Pileser, datu to Asyur. Iatonna tiromi tu inan pemalaran dio Damsyik, napa’peanni datu Ahas to minaa Uria tu pattana sia misa’ pandiri tu susi bang inan pemalaran iato.

2 DATU 16:12

Iatonna sulemo tu datu dio mai Damsyik, natiromi tu inan pemalaran iato, nareke’mi sia kendek langngan.

2 DATU 16:14

Iatu inan pemalaran tambaga, tu bendan dio oloNa PUANG, nasua umpalelei dio mai tingayo banuanNa PUANG, dio mai inan kasiallaranna inan pemalaran (ba’ru) na banua iato, anna padioi rampe rekkena inan pemalaran (ba’ru).

2 DATU 16:16

Napogau’ nasangmi to minaa Uria susitu mintu’ napepasanan datu Ahas.

2 DATU 21:4

Sia napabendan duka tu ba’tu pira-pira inan pemalaran dio banuanNa PUANG tu diona a’ganna Napokadamo PUANG Nakua: Lan Yerusalem la Kunii umpaunnisungi tu sangangKu.

2 DATU 21:7

Napabendan duka tu misa’ rapang-rapang dipodeatanna Asyera, tu mangka nagaragai, lan banua, tu mangka Napokada PUANG a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ sukunna to Israel, la Kunii umpaunnisung sangangKu tontong sae lakona.

2 OSSORANNA DATU 33:4

Nabangun duka tu ba’tu pira-pira inan pemalaran dio banuanNa PUANG, tu diona a’ganna mangkamo Napokada PUANG, Nakua: Lan Yerusalem la nanii tu sangangKu sae lakona.

YESAYA 8:2

Kualami tu sa’bi matappa’, iamotu to minaa Uria sola Zakharia, anakna Yeberekhya.

YEREMIA 23:11

Belanna la nabi la to minaa urruttakki apa maindan; akkenna nalan banuangKu Kulolongan tu kakadakeanna tau iato mai, kadanNa PUANG.

YEHEZKIEL 22:26

Mintu’ to minaanna ullullu’ Sukaran alukKu sia urruttakki mintu’ apa maindanKu; tae’ napasisengaranni tu maindanna sia tang maindanna sia tae’ naadaranni tau tu diona kasisengaranna apa maruttak sia apa masero sia iatu allo katorroangKu natampunan mata; susimoto tu kadipamatunangKu dio lu tau iato mai.

DANIEL 3:7

Iamoto iatonna rangimi mintu’ bangsa sia to sangpetayanan sia to ma’rupa-rupa basana tu oni tarompe’, suling, katapi, su’dekan sia dandi sia ma’rupa-rupa oni-onian ta’pa lumbangmi sae rokko padang tu mintu’ bangsa, sia to sangpetayanan sia to ma’rupa-rupa basana umpenombai tu rapang-rapang bulaan iato, tu napabendan datu Nebukadnezar.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

HOSEA 5:11

Iatu Efraim dipakario-riomo, sia disanggangmo napobua’ salunna, belanna naala penaanna male unturu’ apa tae’ gai’na.

GALATIA 1:10

Na totemo ussedera’ka tolino, ba’tu Puang Matua? Ba’tu undaka’ra’ka lalan kumua anna poraina’ tolino? Iake mukkunna’ undaka’ lalan kumua anna poraina’ tolino, manassa tangiana’ taunNa Kristus.