2 DATU 16:10 - Sura' Madatu

¹⁰ Malemi tu datu Ahas lako Damsyik umpessitammui Tiglat-Pileser, datu to Asyur. Iatonna tiromi tu inan pemalaran dio Damsyik, napa’peanni datu Ahas to minaa Uria tu pattana sia misa’ pandiri tu susi bang inan pemalaran iato.

2 DATU 16:10 ပူးပေါင်းရင်းမြစ်များ

2 DATU 15:29

Iatonna linona Pekah, datu Israel, saemi tu Tiglat-Pileser, datu Asyur, untalo kota Iyon. Abel-Bet-Maakha, Yanoah, Kedesh sia Hazor, Gilead sia Galilea, sia mintu’ tondok Naftali; napali’i tu pa’tondokan lako Asyur.

2 DATU 16:11

Napabendanmi to minaa Uria tu inan pemalaran iato. Susitu napepasanan datu Ahas dio mai Damsyik, susi dukamoto nagaragai to minaa Uria sae lako sulena tu datu Ahas dio mai Damsyik.

2 DATU 21:4

Sia napabendan duka tu ba’tu pira-pira inan pemalaran dio banuanNa PUANG tu diona a’ganna Napokadamo PUANG Nakua: Lan Yerusalem la Kunii umpaunnisungi tu sangangKu.

1 OSSORANNA DATU 28:19

Mintu’ te (kadanna Daud) disura’ lan misa’ sura’, ditarima dio mai limanNa PUANG, tu Nanii umpa’patuduanna’ tu diona mintu’ garaganna unturu’ pandiri.

PA’PUDIAN 106:39

Susimoto nanii urruttakki tu kalena tete dio gau’na, sia ma’gau’ sala bannang dio penggauranna.

KATASSURAN 24:4

Napatamami sura’ Musa tu mintu’ kadanNa PUANG, anna pelambi’i nagaragai tu misa’ inan pemalaran sia naosok tu batu sangpulo dua situru’ bilanganna sangpulo dua suku to Israel.

KATASSURAN 39:43

Napasileleimi matanna Musa tu mintu’ pengkarangan iato, manassamo nakarang tau iato mai susitu mintu’ Napepasanan PUANG; susimo kanakaranganna to. Napassakkemi Musa tu tau iato mai.

YESAYA 8:2

Kualami tu sa’bi matappa’, iamotu to minaa Uria sola Zakharia, anakna Yeberekhya.

YEREMIA 10:2

Inde sia tu kadanNa PUANG, Nakua: Da mipeolai tu lalanna mintu’ bangsa sia da mipotirambanni tu mintu’ tanda dao langi’, belanna napotiramban mintu’ bangsa.

YEHEZKIEL 16:28

Ondongpi sigau’ salako to Asyur, belanna tang namosoko; manassa sigau’ salako tau iato mai, na moi susito, inang tang namosoko.

YEHEZKIEL 43:11

Na ianna masiri’ tu tau iato mai diona tu mintu’ apa napogau’, pokadanni tu a’ganna Banua Kabusungan iate sia atoranna, mintu’ tu lalanna diola tama sia diola sun, mintu’ garaganna, mintu’ pangalukanna, mintu’ a’ganna sia mintu’ sukaran alukna, ammu sura’i dio pentirona tau iato mai, kumua anna karitutui tu atoran a’ganna sia napogau’i tu pangalukanna.

YEHEZKIEL 43:8

Belanna iatu ampangna napadio sa’de ampangKu sia iatu lentong ba’bana dio sa’de lentong ba’baKu, naurunganni rinding tembo’ mannamo Kusialla’i tau iato mai, iamoto naruttakki tu sanga madatungKu napobua’ apa megallianna, tu napogau’. Iamoto Kupisanni tete dio kasengkeangKu.

YEHEZKIEL 44:12

Belanna natoeammo to Lewi tu pengkaranganna tau iato mai dio tingayona rapang-rapang dipodeatanna, sia napobatu titodoammo to Israel umpogau’ kakadakean, iamoto Kuangka’ limangKu umpalao sumpa unnea tau iato mai, kadanNa Puangta PUANG, kumua natanggungi tu kakadakeanna.

MATIUS 15:6

tae’mo namanggi’ tau la ungkasiri’opi tu ambe’na ba’tu indo’na. Susimoto tu kaumpa’deimmi bisaranNa Puang Matua, tu belanna aluk panganna to dolomi.

MATIUS 15:9

Tae’ bua’na to tau iato umpenombaiNa’, belanna umpa’pangadaran panganna napondok tolino.

ROMA 12:2

Sia da mipeolai tu a’ganna te lino, sangadinna la membalikomi diona kadiba’ruanna penaammi, ammi issanni untandai pa’poraianNa Puang Matua, iamo melona sia Naporainna sia sundunna.

PA’TOLE 12:30

kanandai tu kalemu, da napoyako, kumua la muturu’ tu gau’na, ke mangkami disabu’i, sia da mudaka’i tu deatanna, mukua: Umba nakua te bangsa iate umpenombai deatanna? Susi dukamo kupogau’ to.

YOSUA 22:28

Kikuapa ma’kada kumua: Iake undinna nama’kada tu tau iato lako kami sia lako bati’ki susito, la ma’kadakan kumua: Tiromi tu a’ganna inan pemalaranNa PUANG, tu nagaraga nene’ to doloki; tae’ nala dipoinan pemala’ ditunu pu’pu’ sia pemala’ pangrere’, sangadinna la dipotanda sa’bi lan alla’ta.

1 PETRUS 1:18

belanna miissan kumua dila’bakmokomi dio mai gau’ tang kebattuammi, tu misiosso’i dio mai nene’ to dolomi, tangia apa la sanggang dila’bakangkomi, susinna salaka ba’tu bulaan,