2 DATU 15:5 - Sura' Madatu

⁵ Naparuai parri’ PUANG tu datu, naurunganni golenan sae lako allo kamateanna, anna ma’banua torro senga’, na Yotam anakna datu, umpangului tu tongkonan layuk sia umparenta mintu’ pa’tondokan.

2 DATU 15:5 ပူးပေါင်းရင်းမြစ်များ

2 SAMUEL 3:29

Iatu rara iato nata’pa daomora ulunna Yoab sia mintu’ rapunna. Lan banuanna Yoab tang la ka’tu tau nakasunni rara sia golenan sia kupi’ anna ma’tekken sia nakande pa’dang sia karorian.

2 SAMUEL 8:15

Iatonna datui Daud tu mintu’ to Israel, untoe katonganan sia kamaloloan lako mintu’ taunna.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

1 DATU 3:9

Iamoto, benni te taumMi tu kamatarrusan la umpaolai salu te bangsaMi, anna ma’din umpasisengaranni tu melo anna kadake, belanna mindara la umbelai umpaolai salu te bangsa budamMi?

2 DATU 15:32

Iatonna taun ma’penduan kadatuanna Pekah, anakna Remalya, datu to Israel, dadimi datu tu Yotam, anakna Uzia, datu Yehuda.

2 DATU 15:6

Iatu tang dipokadannapa tu mintu’ tuna’na Azarya sia mintu’na apa napogau’, tang tisura’moraka lan sura’ ossoranna mintu’ datu to Yehuda?

2 DATU 5:27

Iamoto, iatu golenna Naaman la le’ke’ lako kalemu sia lako ampo bati’mu sae lakona. Iatonna soro’mo tu Gehazi dio mai kalena, golenanmi, mabusa susi ambun makko.

2 DATU 7:3

Dio salian babangan kota den a’pa’ muane golenan. Sipa’kadami nakua: Apara gai’ta torro inde te sae lako mateta?

1 OSSORANNA DATU 3:12

na iatu anakna muane Yoas iamotu Amazia, na iatu anakna muane Amazia iamotu Azarya, na iatu anakna muane Azarya iamotu Yotam,

1 OSSORANNA DATU 5:17

Mintu’na tau iato mai dipatama sura’ ossoran tonna linona Yotam, datu Yehuda, sia Yerobeam, datu Israel.

AYUB 34:19

tu tang umpelindo arung, sia tang umpalosongan to mala’bi’ anna to bitti’, belanna mintu’nato panggaraganNa nasang?

PA’PUDIAN 72:1

Pa’pudianna Salomo. O Puang Matua ada’i katonganamMi tu datu, sia ada’i kamaloloamMi tu taruk bulaanna to kabarre-alloan.

HOSEA 1:1

Inde sia tu kadanNa PUANG tu rampo lako Hosea, anakna Beeri, tonna linona Uzia, Yotam, Ahas, na Hizkia, datu Yehuda, sia iatonna linona Yerobeam, anakna Yoas, datu Israel.

SURA’ KATOMINAAN 13:46

Iake tontongpi tu golenna dio kalena, tontong duka maruttak; belanna maruttak, iamoto na la torro senga’, iamotu dio lu salian to’ tenda la nanii torro.

MIKHA 1:1

Inde sia tu kadanNa PUANG rampo lako Mikha, to Moresyet, tu natiro diona a’ganna Samaria sia Yerusalem, tonna linona Yotam, Ahas sia Hizkia, datunna Yehuda.

KADIBILANGAN 12:10

Iatonna tiangka’mo tu gaun dao Tenda Kasitammuan, pakalan golenammi tu Miryam susito ambun makko. Iatonna messailemo tu Harun lako Miryam, natiromi tu misa’ to golenan.

KADIBILANGAN 12:14

Ma’kadami tu PUANG lako Musa, Nakua: Iake natittudui ambe’na tu lindona, tae’raka na la dipakasiri’ lan pitung allo? Elo’namo nadipasalian to’ tenda pitung allo, namane ma’din sule sirau tau.

PA’TOLE 24:8

Palanni penaa tu diona golen, ammu karitutui tonganni tu mintu’na apa naadarangko to minaa to Lewi; apa mangka kupepasanan lako kalena, la nakaritutui tongan.