2 DATU 15:27 - Sura' Madatu

²⁷ Iatonna taun ma’pellimangpulo ndua kadatuanna Azarya, datu Yehuda, dadimi datu tu Pekah, anakna Remalya, umparenta to Israel dio Samaria; anna ma’parenta duangpulo taunna.

2 DATU 15:27 ပူးပေါင်းရင်းမြစ်များ

2 DATU 15:1

Iatonna taun ma’penduangpulo mpitu kadatuanna Yerobeam, datu to Israel, dadimi datu tu Azarya, anakna Amazia, datu to Yehuda.

2 DATU 15:13

Iatu Salum, anakna Yabesh, dadi datu tonna taun ma’pentallungpulo ngkasera kadatuanna Uzia, datu Yehuda; anna ma’parenta sangbulan dio Samaria.

2 DATU 15:2

Iatonna dadi datu sangpulo annanmo taunna, anna ma’parenta limang pulo ndua taunna dio Yerusalem. Iatu indo’na disanga Yekholya, to Yerusalem.

2 DATU 15:23

Iatonna taun ma’pellimangpulo kadatuanna Azarya, datu Yehuda, dadimi datu tu Pekahya, anakna Menahem, umparenta to Israel dio Samaria; anna ma’parenta duang taun.

2 DATU 15:25

Iatu Pekah, anakna Remalya, kamandangna, sipakulu-kulu limangpulo tau dio mai Gilead unnea datu, anna patei dio Samaria, lan tambakukunna tongkonan layuk sola Argob sia Arye; napateimi anna ia ussondai dadi datu.

2 DATU 15:26

Iatu tang dipokadannapa tu mintu’ tuna’na Pekahya, sia mintu’ tu apa napogau’, manassa tisura’mo lan sura’ ossoranna mintu’ datu Israel.

2 DATU 15:28

Napogau’mi tu apa kadake dio pentiroNa PUANG; tae’ naboko’i tu mintu’ kasalan napa’pesuan Yerobeam, anakna Nebat, lako to Israel umpogau’i.

2 DATU 15:37

Napatiakka’mi PUANG tu Rezin, datu to Aram, sia Pekah, anakna Remalya, la ullaoi tondok Yehuda.

2 DATU 15:8

Iatonna taun ma’pentallungpulo ngkarua kadatuanna Azarya, datu to Yehuda, dadimi datu tu Zakharia, anakna Yerobeam, umparenta to Israel, dio Samaria; anna ma’parenta annan bulanna.

2 OSSORANNA DATU 28:6

Iatu Pekah, anakna Remalya, umpatei tau saratu’ duangpulo sa’bu lan sangallori, surodadu malinta’ nasang, belanna untampemo PUANG, Kapenombanna nene’ to dolona.

YESAYA 7:1

Den pissan tonna linona Ahas, anakna Yotam, anakna Uzia, datu Yehuda, ke’de’mi tu Rezin, datu Aram sola Pekah, anakna Remalya, datu Israel, anna male langngan Yerusalem, la ullaoi tu tondok iato, apa tae’ nabelai natalo.

YESAYA 7:4

ammu kuanni kumua: Ma’penandakomi sia parapa’i tu penaammi; da mimataku’ sia da naranggang tu penaammi diona te da’dua lalotin merambu, iamora kare’dekanna kasengkeanna Rezin sola mintu’ to Aram sia anakna Remalya.

YESAYA 7:9

Sia iatu Samaria la tontong napopennuluan Efraim na Remalya napokambuno kapayungan Samaria. Iake tae’i ammi katappa’i, manassa tae’ ammi dipamarendeng.