2 DATU 15:25 - Sura' Madatu

²⁵ Iatu Pekah, anakna Remalya, kamandangna, sipakulu-kulu limangpulo tau dio mai Gilead unnea datu, anna patei dio Samaria, lan tambakukunna tongkonan layuk sola Argob sia Arye; napateimi anna ia ussondai dadi datu.

2 DATU 15:25 ပူးပေါင်းရင်းမြစ်များ

1 DATU 16:18

Iatonna tiroi Zimri kumua ditalomo tu kota, malemi tama benteng tongkonan layuk, anna ballai tu tongkonan layuk daona lu, namate,

1 DATU 16:9

Iatu Zimri, tu taunna, iamo umpangului sangsesena kareta parari, umpaden kasiturusan la unneai. Iatonna marassan mangiru’ dio Tirza lan banuanna Arza, pangulu sandan uai datu dio Tirza, namalango,

2 DATU 15:10

Umpadenmi kasipakulu-kuluan tu Salum, anakna Yabesh, unneai napatei dio tingayona to buda. Na ia ussondai dadi datu.

2 DATU 15:24

Napogau’mi tu apa kadake dio pentiroNa PUANG; tae’ naboko’i tu mintu’ kasalan napa’pesuan Yerobeam, anakna Nebat, lako to Israel umpogau’i.

2 DATU 15:26

Iatu tang dipokadannapa tu mintu’ tuna’na Pekahya, sia mintu’ tu apa napogau’, manassa tisura’mo lan sura’ ossoranna mintu’ datu Israel.

2 DATU 15:27

Iatonna taun ma’pellimangpulo ndua kadatuanna Azarya, datu Yehuda, dadimi datu tu Pekah, anakna Remalya, umparenta to Israel dio Samaria; anna ma’parenta duangpulo taunna.

2 DATU 9:14

Susimo kasipakulu-kuluanna to tu Yehu, anakna Yosafat, anakna Nimsi la umbali Yoram. Na iatu Yoram sola mintu’ to Israel untorroimo Ramot, lili’na Gilead, la umpangeai tu kota iato unnea Hazael, datu Aram.

2 DATU 9:5

Iatonna rampomo lako naappa’mi tu mai kamandang surodadu sangsirampunan unno’ko. Ma’kadami nakua: Den kareba la kuparampoangkomi, e kamandang! Mekutanami tu Yehu nakua: Mindarakanni te mintu’ te? Mebalimi nakua: lako kamu e kamandang.

2 OSSORANNA DATU 28:6

Iatu Pekah, anakna Remalya, umpatei tau saratu’ duangpulo sa’bu lan sangallori, surodadu malinta’ nasang, belanna untampemo PUANG, Kapenombanna nene’ to dolona.

YESAYA 7:1

Den pissan tonna linona Ahas, anakna Yotam, anakna Uzia, datu Yehuda, ke’de’mi tu Rezin, datu Aram sola Pekah, anakna Remalya, datu Israel, anna male langngan Yerusalem, la ullaoi tu tondok iato, apa tae’ nabelai natalo.