2 DATU 15:12 - Sura' Madatu

¹² Susimorato tu kadanNa PUANG tu mangka Napokada lako Yehu, nakua: Iatu mai anakmu muane la unisung dao isungan kapayunganna Israel sae lako osso’ ma’penna’pa’na. Dadi dukami susito.

2 DATU 15:12 ပူးပေါင်းရင်းမြစ်များ

2 DATU 10:10

La miissan kumua moi sangbuku kada tae’ tang dadi tu mintu’ kadanNa PUANG tu apa Napokada PUANG la urrampoi bati’na Ahab; na sundunni PUANG tu apa Napokada nalopian Elia, taunNa.

2 DATU 10:30

Ma’kadami tu PUANG lako Yehu nakua: Belanna melomo tu penggaurammu sia mupogau’mo tu apa malolo dio pentiroKu sia muparampomo lako to lan banuanna Ahab tu mintu’ pangala penaangKu, iamoto na iatu ampo bati’mu muane la unnisungi isungan kapayunganna Israel sae lako osso’ ma’penna’pa’.

2 DATU 13:1

Iatonna taun ma’penduangpulomo ntallu kadatuanna Yoas, anakna Ahazia, datu to Yehuda, dadimi datu tu Yoahas, anakna Yehu, umparenta to Israel dio Samaria; anna ma’parenta sangpulo pitu taunna.

2 DATU 13:10

Iatonna taun ma’pentallungpulo mpitu kadatuanna tu Yoas, datu to Yehuda, dadimi datu tu Yoas, anakna Yoahas, umparenta to Israel dio Samaria; anna ma’parenta sangpulo annan taunna.

2 DATU 13:13

Iatonna malemo tama batu dilobang tu Yoas sola nene’ to dolona, naisungimi Yerobeam tu isungan kapayungan. Dipeliangmi tu Yoas dio Samaria sola mintu’ datu to Israel.

2 DATU 14:29

Iatu Yerobeam malemo tama batu dilobang sola nene’ to dolona, iamotu mintu’ datu to Israel, anna Zakharia, anakna muane, ussondai dadi datu.

2 DATU 15:11

Iatu tang dipokadannapa tu mintu’ tuna’na Zakharia, manassa tisura’mo lan sura’ ossoranna mintu’ datu to Israel.

ZAKHARIA 1:6

Moi nasusito, apa iatu mintu’ kadangKu sia mintu’ atorangKu, tu mangka Kupatangkean taungKu, iamotu mintu’ nabi iato, tae’raka nalambi’i tu nene’ to dolomi, naurunganni mengkatoba’, anna ma’kada nakua: Susi tanan penaanNa PUANGna mintu’ ma’dandan maritik la umpogau’i lako kaleki, situru’ kedoki sia situru’ penggaurangki, susi dukamoto Napogau’ lako kaleki?

KADIBILANGAN 23:19

Iatu Puang Matua tangia tolino, anNa ma’kada tang tongan; ba’tu misa’ ma’rupa tau, anNa menassan. Ma’kadaraka anna tang umpogau’i, ba’tu mangallu’, anNa tang umpadadii?

MARKUS 13:31

Iatu langi’ sola lino la pa’de, apa iatu kadangKu tae’ nala pa’de.

YOHANES 10:35

Iake disa’bu’ deatai tu mai to mangka dinii umparampo kadanNa Puang Matua sia tae’ nama’din dipaleluk tu lanna Sura’ Madatu,

YOHANES 19:24

Nakuami sipa’kada-kada: Da anta serekki, melo ke tasire’tekki, ba’tu mindanta umpotaai, kumua anna sundun tu kada lan Sura’ Madatu tu nakua: Mangkamo nataa-taa tu pakeangKu sia iatu bayu lanKu lu mangkamo nasire’tekki. Ten dukamoto tu napogau’ tinde surodadu.

PENGGAURANNA RASULU’ 1:16

E mintu’ki’ sangsiuluran, tae’ nama’din tang disundunni tu kada lan Sura’ Madatu, susitu napokada dolomo Penaa Masallo’ sun dio pudukna Daud tu diona Yudas dadi panglalanna to untingkan Yesu.

1 SAMUEL 3:19

Sakapua-puanami tu Samuel sia Narondong PUANG sia moi sangbuku tu mintu’ kadanNa tae’ tang membua.