2 DATU 14:9 - Sura' Madatu

⁹ Apa mesua tu Yoas, datu Israel, lako Amazia, datu Yehuda, nakua: Iatu a’da’ dao Libanon ussua pesua lako kayu arasi’ dao Libanon, kumua: Benni anakku muane tu anakmi baine napobainei. Apa lendu’ tu olo’-olo’ dao Libanon, anna silullu’i tu a’da’ iato.

2 DATU 14:9 ပူးပေါင်းရင်းမြစ်များ

1 DATU 4:33

Sia nasa’bu’ duka tu diona mintu’ kayu, randuk dio mai kayu arasi’ dao Libanon sae lako kayu supa, tu tuo dio rinding tembo’; sia nasa’bu’ duka tu diona mintu’ patuoan, manuk-manuk, olo’-olo’ mendonglo’ sia mintu’ bale.

2 OSSORANNA DATU 25:18

Apa mesua tu Yoas, datu Israel, lako Amazia, datu Yehuda, nakua: Iatu a’da’ dao Libanon ussua pesua lako kayu arasi’ tu dao Libanon, kumua: Benni anakku muane tu anakmi baine napobainei. Apa lendu’ tu olo’-olo’ dao Libanon, anna silullu’i tu a’da’ iato.

2 OSSORANNA DATU 33:11

Iamoto Napasaei PUANG tu mintu’ kamandang surodadunna datu Asyur lako tau iato mai, natingkanni pekadang tu Manasye sia napungo da’dua rante tambaga anna baai lako Babel.

AYUB 31:18

– ondong pissan tempon mangurangku kupelobo’i, susina’ to misa’ ambe’ sia tempon dio mai’ pa’tambukanna indo’ku kunii ungkaduttu’i tu pia baine biung –

KATASSURAN 3:2

Umpaombo’mi kalena tu Malaeka’Na PUANG susi dukku api lan duri sangkombong. Mangngami untiroi: to’ duri ma’lana-lana, apa tae’ nakandei api.

SARAMBU PEADA’ 26:9

Susitu duri untossok limanna to malango, susi dukato tu kada peada’ sun dipudukna tobaga.

PA’TENDENG BALLO 2:2

– Susito danga-danga lan lu alla’ a’da’ susi dukamoto tu rindungku dio lu mintu’na anak dara.

YESAYA 34:13

Lan mintu’ tongkonan layukna natuoi duri sia lan mintu’ tambakukunna den lelating sia a’da’; mintu’nato nanii torro serigala sia padang pa’porianna burung unta.

YEHEZKIEL 20:49

Attu iato ma’kadana’ kukua: O Puangta PUANG, napokada tau tu diona a’gangku, kumua: Tang napokadaraka tu rapang-rapang kada?

HOSEA 9:6

Belanna, moi anna tilendok dio mai kasanggangan, la narampun duka Mesir, sia la napeliang Memfis. Ria la ussitutu’i tu ianan salakana sia duri la tuo lan lu tendana.

1 KORINTUS 12:15

Dadi iake la nakua tu lentek kumua: Belanna tae’ naaku tu lima, tae’ duka naalana’ bilanganna kale, tangngia la napobannang to anna tang la unnalai bilangan kale tu lentek.

1 SAMUEL 13:6

Iatonna tiromi to Israel lan kamasussan sia kapussakammo tu to buda, membunimi tu to buda lan lu lo’ko’ sia lan lu sapak batu sia dao lu buntu batu sia diong lu garuang sia diong lu bubun marangke.