2 DATU 14:13 - Sura' Madatu

¹³ Iatu Yoas, datu Israel, untingkan Amazia, anakna Yoas, datu Yehuda, dio Bet-Semes. Tarru’mi tu Yoas lako Yerusalem, natuanni tu rinding tembo’ Yerusalem, randuk dio mai babangan Efraim sae lako babangan Tetuk, a’pa’ ratu’ sikunna.

2 DATU 14:13 ပူးပေါင်းရင်းမြစ်များ

2 DATU 25:10

Iatu rinding tembo’ Yerusalem tiku lao natuan mintu’ surodadu to Kasdim tu nasolan pangulu to ma’kampa.

2 DATU 25:6

Natingkanmi tau iato mai tu datu, nasolammi lako datu Babel dio Ribla, nara’ta’mi tau iato mai tu ukunganna.

2 OSSORANNA DATU 33:11

Iamoto Napasaei PUANG tu mintu’ kamandang surodadunna datu Asyur lako tau iato mai, natingkanni pekadang tu Manasye sia napungo da’dua rante tambaga anna baai lako Babel.

2 OSSORANNA DATU 36:10

Iatonna taun pole’ to, mesuami datu Nebukadnezar ussolanni lako Babel sola tu mai pareanan ballo lan banuanNa PUANG. Naangka’mi datu tu Zedekia, sangdadianna, undatui Yehuda sia Yerusalem.

2 OSSORANNA DATU 36:6

Ke’de’mi tu Nebukadnezar, datu Babel, umpatundukki sia napungo da’dua rante tambaga la nasolan lako Babel.

NEHEMIA 12:39

ullendu’i babangan Efraim, babangan Tua na babangan Bale sia ullendu’i menara Hananeel sia menara Mea sae lako babangan Domba; tadangmi tu tau iato mai dio babangan Tarungku.

NEHEMIA 8:16

Sia la napatassu’ tau iato mai tu misa’ parenta, la mesua umpetambanni lan lu mintu’ kotana tau iato mai sia lan Yerusalem, kumua: Tassu’komi male langngan buntu, ammi baai dio mai tu tangke saitun, tangke saitun pangala’, tangke murdu’, tangke koroma sia tangke makamban daunna, la digaragai kalumba, susitu mangka disura’.

SARAMBU PEADA’ 16:18

Iatu kamatampoan undoloan kasanggangan sia kamadoan penaa undoloan katobangan.

SARAMBU PEADA’ 29:23

Diona kamadoan penaa anna dipamadiongan tu misa’ tau, apa iatu to umpopengkadiongan penaanna la unnappa’ kamala’biran.

YEREMIA 31:38

Tonganna la sae tu allona, kadanNa PUANG, kumua iate kota iate la dipabendanan PUANG randuk dio mai menara Hananeel sae lako Babangan tetuk.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

ZAKHARIA 14:10

Iatu mintu’ padang tiku lao la dadi susi Padang marante randuk dio mai Geba sae lako Rimon, rampe lo’na lu Yerusalem; iatu kota iato la dipamatande sia la tontong dio inanna, randuk dio mai babangan Benyamin sae lako inan babangan dolo, sae lako babangan Tetuk, sia randuk dio mai menara Hananeel sae lako pa’parran anggoro’ datu.

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.